"Менің сүйікті мысығым"
Тақырыбы: Менің сүйікті мысығым
Білім беру саласы: Коммуникация. Шығармашылық
Бөлімі: Сөйлеуді дамыту. Жапсыру
Мақсаты: Балаларға жалпы үй жануарлары туралы түсінік беру, мысық туралы түсініктерін кеңейту, ол туралы өздеріне әңгімелету. Балалардың ұсақ қол қимылдарын ермексаз арқылы дамыту. Балаларды шыдамдылыққа, төзімділікке, әдемілікке баулу, үй жануарларына қамқорлық жасай білуге тәрбиелеу.
Алдын - ала жұмыс: оқу іс - әрекетіне қажетті құралдарды дайындау.
Сөздік жұмыс: марғау.
Қажетті көрнекіліктер: Мысықтың суреті, үлгі, альбомдар, ермексаз, сүлгі, ермексазға арналған тақтайша.
Әдіс-тәсілдер: әңгіме, түсіндіру, сұрақ-жауап.
Балалар шеңбер жасап шаттық шеңберін айтады.
Қайырлы таң-Алтын күн!
Қайырлы таң-Жер Ана!
Қайырлы таң-Ақтауым.
Келдік саған қуана.
-Балалар орындарыңа отырады. Тәрбиеші: -Балалар қазір жылдың қай мезгілі? (Күз мезгілі) -Балалар күз мезгілінде ауа райы қандай болады? (күн салқындайды, жаңбыр жауады, жел соғады) Бүгінгі сабақта үй жануарларының бірімен танысамыз, ол қандай жануар екені әзірге құпия, тек мен айтқан бір жұмбақ жасыратың боламын. Балалар орындарына отырып, тәрбиешіні мұқият тыңдайды.
іздену ұйымдастырушылық кезеңі Жұмбақ: Өз құйрығын өзі қуып ойнайды,
Допты көрсе домалатып қоймайды,
Беті қолын қайта – қайта жуады,
Тышқандарды үйімізден қуады.
(Мысық).
Тәрбиеші: Жарайсыңдар балалар, енді мына үй жануарларды суретінің ішінен мысықты кім көрсетеді.
Тәрбиеші: Ендеше біз тақтада тек мысықтың суретін қалдырайық. Мысық үй жануары, оның пайдасы көп, ол жүрген жерде тышқан болмайды. Мысық еркелегіш, балалармен ойнағанды және сүт ішкенді ұнатады. Өзіне жарасар даусы бар, қандай?
Тәрбиеші: Мысықты «кис - кис» деп шақырып, сипап, сүт береміз. Оның жүні болады, құлақтары тікірейген, құйрығы ұзын мына суреттегідей. Қалай ойлайсыңдар мысықты желкесінен қысып, құйрығынан сүйреп қорлауға бол ма? Балалар: жоқ Тәрбиеші: Жарайсыңдар, енді мына суреттегі мысыққа қарайық, оған не жетіспейді. Балалар: терісі тесік
- Ендеше, балалар орындарымызға жайғасайық. Алдымызда тұрған мысыққа ермексазды қолдана отырып терісін жамап көмектесеміз ба? Балалар: Ия Балалар орындарына жайғасып ермексазбен жұмыс жасап бастайды.
Іс - әрекеттің бағалау кезеңі Қорытынды: Тышқанның жауы не екен? Мысықты жақсы көргенімізді қалай білдіреміз? Мысық қандай жануар?
Балаларды мадақтап оқу іс - әрекетін қорытындылау.
Балалар сұрақтарға жауап береді.
Күтілетін нәтиже:
Білу керек: Мысықтың үй жануары екенін, оған қамқор болу керектігін.
Жасай алады: Мысыққа тері жапсыруды. Ермексазды қолдана алады.
