Әлем халықтары ертегілері

Әрекет кезеңдері

Тәрбиешінің іс-әрекеті

Баланың іс –әрекеті

Мотивациялық қозғаушы.

Жылулық шеңбер:

Қуан шаттан алақай

Қуанатын күн келді

Қайырлы күн апайлар

Қайырлы күн достар

Жоғары қарап тау көрдім

Төмен қарап жер көрдім

Оңға солға иіліп

Егеменді ел көдім.

Балалар тақпақты шеңбер құрып, қайталап,орындайды.

Іздену-барлау

Балалар ертегілер еліне саяхатқа шығады.

.Тапсырмаларға көңілдерін бөледі.

2-тапсырма: Балалар бұл қолғап театры, қандай ертегінің кейіпкерлері, соны атаңдар.

Тәрбиеші: Өте дұрыс балалар сендер 2 тапсырманыда жақсы орындадыңдар. Ал, енді 3-ші тапсырманы оқиын.

3-тапсырма: Ертегі еліне қонаққа келген балалар сендерге келесі тапсырмамі «Мақта қыз бен мысық» ертегісін сахналандар.

Тәрбиеші: Ал, балалар сендер «Мақта қыз бен мысық» ертегісін білесіңдер ме?

Балалар: Білеміз.

Тәрбиеші: Ендеше ертегі кейіпкерлерінің рөлінде өзіміз ойнап, сахналаймыз. Бұл ертегі Ыбырай Алтынсариннің «Мақта қыз бен мысық» ертегісі.

Ерте, ерте, ертеде,

Ешкі құйрығы келтеде,

Мақта қыз бен мысық өмір сүріпті.

Мақта қыз үстел үстін реттейді. Ыдыстарды жиыстырған кезде мейіз тауып алады.

Мақта қыз:

- Мияуым менің, қайдасың?

- Тарғылым менің, келе ғой, мен саған мейіз беремін (мысық келмейді)

- Келмесең, келмей –ақ қой, өз обалың өзіңе,- деп (мейізді қыз жеп қояды)

Тәрбиеші: Осы кезде үй артынан «мяу» деген дыбыс шығады.

Мақта қыз ыңылдап ән салады, мысық шығады.

Мақта қыз: Мысығым-ау, мысығым,

Тарғылы жақсы түсінің.

Таңертең де, кеште де,

Бетін жуған пысығым.

Піш - піш десем, келе ғой,

Айтқаныма көне ғой.

Шақырғанда піш-піш деп,

«Мяу! -деп дыбыс бере ғой.

Тәрбиеші: Сол кезде мысық шығып Мақта

қызға өлең айтып береді.

Мысық: Менің атым мысық,

Екі көзім қысық.

Тышқан аулап отырамын

Сүт-көжемді ішіп –дейді

Мақта қыз, сен мені неге шақырдың?

Мақта қыз: -Айтпаймын!

Мысық: -Ендеше, мен сенің қатығыңды төгемін.

Мақта қыз: - Ой,ой. Сен не істедің? Сол үшін мен сенің құйрығыңды кесіп аламын!

Тәрбиеші: (құйрығын кесіп алады)

Мысық: Берші, құйрығымды!

Мақта қыз: Бермеймін! Қатығымды қайтарып бер!

Тәрбиеші: Сөйтіп, мысық сиырға келеді.

Сиыр: Менің атым сиыр,

Өрісім алыс қиыр.

Етім үшін, сүтім үшін,

Адамдар маған үйір - дейді.

Мысық: Мяу, сиыр, сиыр, сен маған қатық берші!

Сиыр: Сен маған жапырақ әкел, менің қарным ашып тұр.

Тәрбиеші: Сөйтіп, мысық ағашқа барады.

Ағаш: Мен жасыл ағашпын,

Күтсеңдер гүл ашам,

Жолыңа нұр шашам,

Жапырағым азық,

Бұтағым қазық.

Саяма сағаларсың,

Салқындап дем аларсың.

Мысық: Ағаш, ағаш, маған жапырақ берші!

Ағаш: Маған су әкеліп бер мен шөлдедім, мен саған жапырақ беремін.

Тәрбиеші: Сөйтіп, мысық су іздеп келе жатса, алдынан су тасып жүрген қыздар шығады.

Қыздар: Су - тіршілік негізі,

Онсыз өмір сүрмейсің.

Тазалықтың негізі,

Су деп қана білгейсің.

Тәрбиеші: –деп қыздар әндетіп жүреді.

Мысық: Мяу, қыздар маған су беріңдерші.

Қыздар: Сен бізге дүкеннен сағыз әкеліп бер, біз саған су береміз.

Тәрбиеші: Сөйтіп, мысық дүкеншіге келеді.

Мысық: Мяу, дүкенші, дүкенші маған сағыз берші.

Дүкенші: Маған жұмыртқа әкеліп бер, мен саған сағыз беремін.

Тәрбиеші: Мысық әбден шаршады жұмыртқа іздеп тауыққа барады.
Тауық: Мен ақ тауықпын,

Өзім қақсауықпын.

Тәрбиеші: -деп тауық әндетеді.

Мысық: Мяу, тауық, тауық маған жұмыртқа берші.

Тауық: Сен менің балапандарыма дән әкеліп бер, біз ашпыз.

Тәрбиеші: Мысық ойға батып, басын ұстап не істерін білмей отырып қалады.

Осы кезде бір тышқан жүгіріп шығып, інді қаза бастайды.

Тышқан: Мен тышқанмын,

Өзім дән екпеймін.

Егістен ұзап кетпеймін,

Айналам толы ән,

Қоймам толы дән,

Дәнді тастап кетпеймін.

Тәрбиеші: - деп ән салып

жүрген тышқанды мысық

бас салып ұстап алады.

Мысық: Айт, үйіңде не

бар? Жаныңның барында айт, тез, әйтпесе, қазір жеп қоямын.
Тышқан: Сен маған бір ән айтып бер.

Мысық: «Қошақаным» әнін айтып береді.

Жазда апамның аулына,

Барып едім қыдырып.

Бір қошақан алдымнан,

Шықты ойнақтап жүгіріп.

Тәрбиеші: Тышқан мысыққа рахмет айтып, бір уыс тары береді, мысық дәнді тауыққа береді, тауық жұмыртқа береді, мысық жұмыртқаны дүкеншіге береді, дүкенші мысыққа сағыз береді, сағызды мысық қыздарға береді, қуанған қыздар мысыққа су береді, суды мысық ағашқа құяды, шөлі қанған ағаш мысыққа жапырақ береді. Жапырақты мысық сиырға береді, сиыр оған қатық береді.

Тәрбиеші: Мысық қуанып, қатықты мақта қызға береді.

Мысық: Мақта қыз, қатығың міне мен енді бұзық болмаймын, айтқаныңды тыңдаймын.

Сергіту сәті

Әне отыр мысық

Өзі сондай қызық

Қарайды ол маған

Бір көзін қысып.

Д/о«Не қалай дыбыстайды?»

(Ертегіні түсіндіру,әңгімелеу кезінде балаларға өздерінің білетін, көрген, болған іс-әрекеттермен салыстыра отырып,ойларын сұрау.)

Балалар суретке қарап отырып, түсінгендерін айтып, сұрақтарға жауап береді.

Суреттермен жұмыс істеді.

Мысық тақпағын айтады.

Мақта қыз мысықты шақырады.

Мақта қыз құйрығын кесіп алады.

Мысық сиырға барады

Мысық ағашқа барады.

Мысық қыздарға барады.

Мысық дүкеншіге барады.

Мысық тауыққа барады.

Мысық тышқанға барады.

Балалар ән салады.

Сергіту сәтін орындайды.

Рефлексивті-Қорытындылау

Сұрақтар қойып, тақырыпты қорытыды.

Балалрды мадақтап ,ұйымдастырылған оқу іс әрекетін аяқтайды.

Ойланып жауап береді.