"Бауырсақ" ертегісі

Бауырсақ ертегісі

Сабақтың тақырыбы :  «Бауырсақ» ертегісі.

Сабақтың мақсаты. Балаларға ертегілер туралы түсінік беру. Ертегі кейіпкерлерін қонаққа шақыра отырып,қиялы мен қабілетін жетілдіру. Балалардың сөздік қорын, байланыстырып сөйлеуге дағдыландыру.Балаларға жағымды, жағымсыз қасиеттерді айыра білуді үйрету.

Тәрбиелігі: өзара сыйласып, достық қарым-қатынаста болуға, біреуге қызғанып қарамауға, бірін-бірі құрметтеп, үлгі тұтуға тәрбиелеу.

Қойылымның кейіпкерлері: Ертекші, шал, кемпір, бауырсақ, қоян, қасқыр, аю, түлкі.

Көрнекілігі: тақта, орман, орманды мекендеген аңдар, ағаштар.

Сәлем, сәлем басым

Сәлем, сәлем көзім

Сәлем, сәлем бетім

Сәлем, сәлем тісім

Сәлем, сәлем балалар

Сәлем, сәлем апайлар

Ертегі- халқымыздың ертеден бері келе жатқан мәдени мұраларының бірі,ауыз әдебиеті. Ертегіні мазмұнына қарай, әр алуан ерекшеліктеріне қарай бір неше түрге бөлуге болады.

-         жануарлар жайында (суреті, немесе кітабын көрсету)

-         қиял-ғажайып ертегілер

-         шыншыл ертегілер

Ертегіден халқымыздың тұрмыс-салтын, әдеп-ғұрыпын білеміз.

Онда шындық оқиға мен қиял-ғажайп оқиға аралас келіп отырады.

- Біз бүгінгі тіл дамыту сабағында ертеден келе жатқан «Бауырсақ» ертегісімен танысамыз.

- Күнделікті сабақта осы уақытқа дейін көп ертегілермен таныстық. Қане қандай ертегілер естеріңде қалды? ( Балалар 2-3 сөйлемнен ертегілер айтады.)

Балалар ертегі не жайында?

- Балалар, сабағымызға ертегі кейіпкерлері қонаққа келіп отыр екен

Әуен естіледі (сол кезде балалар бір жерге жиналып, ертегі кейіпкерлеріне айналып кетеді ).

«Бауырсақ» ертегісінің сахналық қойылымы:

Тәрбиеші:

Құрметті қонақтар! Ертегілер еліне қош келдіңіздер! І-ші сәбилер тобының тәрбиеленушілерінің қиалынан туындаған «Бауырсақ» ертегісін тамашалаңыздар. 

Тәрбиеші

Бір кемпір мен шал болыпты. Бірде шал жалынып:

Шал

-         Кемпір-ау, маған бауырсақ пісіріп берсеңші

Кемпір

-Неден пісірейін? Ұн жоқ қой

Шал

-         Әй,кемпірім-ай ! Қойманың түбін қырнап көрсең ғой бауырсақтық ұн табылып қалар.

Тәрбиеші

Кемпірі солай істейді: қойма түбін қырып-қырнап екі уыс ұн табады да, қаймаққа шылап, қамыр илеп, бауырсақты майға пісіріп,терезе алдына суытқалы қояды.

Жата-жата жалыққан бауырсақ терезе алдынан үйдің іргесіне домалап түседі, іргеден көгал үстіне домалайды,көгалдан жылжып жолға жетеді.Одан әрі жолмен зырлай жөнеледі. Бауырсақ жолда зымырап бара жатса, қарсы алдынан қоян шыға келеді.

Қоян

Бауырсақ! Бауырсақ! Мен сені жеп қоямын !

Бауырсақ

Жоқ,сен мені жеме, саған қандай өлең айтып берер екем, онан да соны тыңда.

Тәрбиеші

Қоян құлағын түреді, ал бауырсақ әнге басады:  

Бауырсақ

Әжей қойма қырнаған,екі уыс ұн жинаған.

Балқаймаққа шылаған,пісіріп маймен сылаған.

Суытып та сынаған, бауырсақпын зулаған!       

Атайдан да құтылдым,әжейден де құтылдым.

Қоян

Қоян: -қой, бауырсақ сенің өленің жақсы сен одан да менің тапсырмамды орында. Ал балалар қояннан бауырсақты құтқарып сұрағына жауап берейік.

 Қоянның тапсырмасы:

-Ұн неден алынады ? (Бидайдан)

Бауырсақтың түсі қандай? (Сары.)

 Тәрбиеші

Бауырсақ жалғыз аяқ жолмен келе жатса,оның алдынан қасқыр шыға келіп:

Қасқыр

Бауырсақ! Бауырсақ! Мен сені жеп қоямын !

Бауырсақ

- Сен мені жеме, мен саған өлең айтып берейін.

Тәрбиеші

Бауырсақ әндете жөнеледі

Бауырсақ

Әжей қойма қырнаған,екі уыс ұн жинаған.

Балқаймаққа шылаған,пісіріп маймен сылаған.

Суытып та сынаған, бауырсақпын зулаған!       

Атайдан да құтылдым,әжейден де құтылдым.

Қояннан да сытылдым,қасқыр,сенен құтылу

Қиын емес бұл маған

Қасқыр

Қасқыр: -жоқ, бауырсақ, өлеңің керек жоқ сен менің тапсырмамды орында.

Қасқырдың тапсырмасы: Ал балалар қояннан бауырсақты құтқарып  алдық,енді қасқырдың сұрағына жауап берейік.

1. берілген сөздерді буынға бөл: алмұрт, бала, машина, қалам.

Тәрбиеші

Бауырсақ орман ішімен домалап келе жатса оған аю қарсы шығады.  

Аю

-         Әй,бауырсақ ! Мен сені жеп қоямын!

Бауырсақ

- Сен мені жеме, мен саған өлең айтып берейін.

Әжей қойма қырнаған,екі уыс ұн жинаған.

Балқаймаққа шылаған,пісіріп маймен сылаған.

Суытып та сынаған, бауырсақпын зулаған!       

Атайдан да құтылдым,әжейден де құтылдым.

Қояннан да сытылдым,қасқырдан да құтылдым,

Маймақ,сенен құтылу,қиын емес бұл маған !

Аю

Аю: Әй, балалар, балалар!

        Менде қызық ойын бар,

        Ал ықылас қойындар

        Кәне, тәртіп сақтайық,

        Мен берген тапсырманы,

        Бұлжытпай орындайық.

Аюдың тапсырмасы: Ұннан жасалатын тағамдарды ата: Бауырсаққ. Нан. Торт. Печенье. Бәліш. Түрлі макарон өнімдері.

Тәрбиеші

Осылай бауырсақ әрі қарай домалай жөнеледі.

Түлкі

-Амансың ба, бауырсақ! Көргендерге ұнайды, жүзің қызыл шырайлы!

Тәрбиеші

Бауырсақ мақтағанға мәз болып, өлеңін айта бастайды. Түлкі болса құмарта тыңдаған боп,қыбырын білдірмей,бауырымен сырғып, жақындай береді.

Бауырсақ

Әжей қойма қырнаған,екі уыс ұн жинаған.

Балқаймаққа шылаған,пісіріп маймен сылаған.

Суытып та сынаған, бауырсақпын зулаған!       

Атайдан да құтылдым,әжейден де құтылдым.

Қояннан да сытылдым,қасқырдан да құтылдым,

Аюдан да сытылдым,түлкі,сенен құтылу

Қиын емес бұл маған !  

Түлкі

Түлкі: оңай құтала алмасың, менің тапсырмамды орында

Түлкі : (қолында бір бума қағаз). Онда менің жұмбақтарымды шешіп көріңдер.

     1.  Қыста ақ,

          Жазда сүр.

                     (қоян)

2.Қорбаң- қорбаң етеді,

Орманда ол жүреді (аю)

3.Орманда тұрады, өзі бір қу,

Жүрген жері айқай-шу.

                          (түлкі).

Түлкі бауырсақты бас сап жейіндеп жатқанда, балалар айғайлап жібереді.

Балалар: -жоқ, қу түлкі олай болмайды біз сенің тапсырмаларынды түгел орындадық. Сен бауырсақты жей алмайсың деп бауырсақты алып кетеді.

Түлкі ештене істей алмай жөніне кете береді.

Ал балалар, бауырсақты жетектеп ата мен әжеге келеді.

Тәрбиеші

Әже келе жатқан Тәуелсіздіктің 20 жылдық мерекесіне арнап

 20 бауырсақ пісіріп, дастарқан жасап қойыпты.

Әже: Кәне, балалар, қонақтарға да беріңдер бауырсақтан жеңдер,

(отырған қонақтарға бауырсақ ауыз тигізу).   

Қорытындылау:

- Балалар ертегі сендерге ұнады ма ?

Ертегінің мазмұны не жайында екен ? Ал, енді балалар, ертегідегі жағымды және жағымсыз кейіпкерлерді айыру үшін мынадай тапсырмалар орындайық.

Неліктен бұл жерде аю, қасқыр, жағымды кейіпкерлерге жатады ? (Өйткені олар бауырсақты жеген жоқ.)

- Өте жақсы!

- Ал, түлкі ше ?

-Түлкі қу, айлакер.

Жағымды Жағымсыз

Балалар, бауырсақ неден жасалады? (Ұннан)

-Ұн неден алынады ? (Бидайдан)

 Тәрбиеші: Бауырсақтың түсі қандай?

Бауырсақ: Сары.

Тәрбиеші: Бауысақтың пішіні қандай?

Бауырсақ:  Домалақ, шеңбер.

Ұннан жасалатын тағамдар: Бауырсақ. Нан. Торт. Печенье. Бәліш. Түрлі макарон өнімдері.

Қатысушылар: Автор-Тәрбиеші, Кемпір-Мерей, Шал-Арлан, Бауырсақ-Аяжан, Қоян-Елнұр,Қасқыр-Гулшах, Аю-Инабат, Түлкі-Сайн.

«Бауырсақ» ертегісін әңгімелеу

Ересектер тобындағы ұйымдастырылған оқу іс-әрекетінің технологиялық картасы
Дамытушы орталықтар:  «Қатынас»  «Шығармашылық» 
Ұйымдастырылған іс-әрекеттің түрі: Көркем әдебиет, Мүсіндеу.
Тақырыбы: «Бауырсақ» ертегісін әңгімелеу
Мақсаты:. Балаларды  ертегі  мазмұнын түсініп  оны  әңгімелеуге, есте  сақтау  қабілеттерін қалыптастыру. Балалардың  көркем  әдебиетке деген қызығушылығын  арттыра отырып  сөздік   қорын  байыту.

Әдіс-тәсілдер: Түсіндіру, көрсету,  ойын,сұрақ-жауап, қортындылау.
Көрнекілігі: Макет, костюмдар, атрибуттар.    

Іс-әрекет кезеңдері

Тәрбиешінің

іс-әрекеті

Балалардың

іс-әрекеті

Ұйымдастырушы-қозғаушы қызмет түрі

Шаттық шеңбері :

”Сәлем сөздің анасы,

Сәлем берер әр қазақтың баласы”-демекші қонақтармен сәлемдесіп аламыз.

Сәлем, сәлем басым

Сәлем, сәлем көзім

Сәлем, сәлем бетім

Сәлем, сәлем тісім

Сәлем, сәлем балалар

Сәлем, сәлем апайлар

Ғажайып сәт:

   Әже: Сәлеметсіздер ме балалар

            Балалар мен немеремнің балабақшасына бара жатып адасып  сендердің балабақшаларына кіріп кетім.

Тәрбиеші:

     Төрлетіңіз әже біздің қонағымыз болыңыз балалардың өнерін тамашалаңыз.

  Әже: Жақсы көрсем көрейін.

  Тәрбиеші:

   Жақсы енді екі орталыққа бөлінейік.

  Бірінші орталық: Бауырсақ ертегісін сахналау.

  Екінші орталық: Бауырсақты мүсіндейді.

   Жақсы енді сендер шарсаған шығарсыңдар кішкене дем алып алайық.

  Сергіту сәті:

   Ұзын құлақ сұр қоян

   Ести қалса сыбдырды

   Ойлы қырлы жерлермен

   Ытқып-ытқып секіріп

   Қарап еді артына

   Қиқын салып көзімнің

   Келе жатқан томпандап

   Көжегі екен өзінің

Тәрбиеші: Жақсы енді орнымызға отырамыз.

Балалар енді екінші топ балаларының мүсіндеген бауырсақтарын көрейік.

   Әже:Балалар енді менің кетуім керек. Сендердің өнерлерін тамаша екен, өркендерің өссін. Ертегіні сахналауды біледі екенсіңдер,бауырсақты мүсіндеу де қолдарыннан келеді екен. Менің көңілім толды. Сендерге берер сыйлығым бар соны таратайын.

Қорытындылау: Балалар біз сендермен қандай ертегі туралы айттық.

Тәрбиеші: Дұрыс айтасыңдар. Енді маған сол кейіпкерлердің атын айтып беріңдерші.

Аяжан сен айта ғой

Тәрбиеші: Балалар сендерге бүгінгі ертегі ұнады ма?

Осымен бүгінгі сабағымыз аяқталды

Сау болыңдар балалар.

Сәлеметсіз бе Әже.

Балалар: Рахмет Әже

Сау болыңыз

Бауырсақ ертегісі

Ата, апа, бауырсақ, қоян, қасқыр, аю, түлкі.

Иә ұнады.