«Ғажайып пішіндер»

Тақырыбы: «Ғажайып пішіндер»

Мақсаты: Балалардың геометриялық пішіндер туралы білімдерін қалыптастыра отырып, қарапайым математикалық ұғымдарын бекіту, пішіндерді ажыратып айта білуге, оларды қоршаған ортамен салыстырып, түр – түсін, заттардың көлемін анықтай білуге дағдыландыру. Балалардың ой - өрісін, қол моторикасын, логикалық ойлау қабілеттерін ойын арқылы дамыту, зейіндерін, белсенділіктерін арттыру. Балаларды ұйымшылдыққа, тапқырлыққа тәрбиелеу.

Дамытушылық; Балалардың сөйлеу және талдау қабілеттерін дамыту.

Тәрбиелік: Балалардың сұраққа толық жауап беруге тәрбиелеу.

Көрнекілік құралдары: көгілдір экран, пішіндер туралы видео, сурет, сандар, үлесірмелі пішіндер.

Сабақ барысы:

• Балалар бүгін бізде ерекше күн, қанекей келген қонақтармен амандасып алайық.

Шаттық шеңбері:

Армысың шапағатты Күн Ана

Армысың қайырымды Аспан Ана

Армысың мейірімді Жер Ана

Құт дарыт, бар әлемді жарылқа

Здраствуй, сонце золотое

Здраствуй, небо голубое

Здраствуй, воздух и вода

Здраствуйте мой друзья.

Good morning gold sun

Good morning blue sky

Good morning my friend

• Жарайсыңдар балалар, мен сендерге бір жұмбақ жасырайын жауабын таба аласыңдар ма?

Атына сай балалар

Үш бұрыш, үш жағы бар

Ол пішінді кім табар?

Балалардың жауабы: «Ұшбұрыш»

- Дұрыс айтасыңдар, балалар келесі жұмбақты жасырайын.

Допқа өзі ұқсайтын,

Ерекше бір пішін бар.

Атын оның атаңдар?

Балалардың жауабы: «Дөңгелек»

- Өте жақсы

Қауынға өзі ұқсайтын,

Ерекше пішін тағы бар

Атын оның кім айтар?

Балалардың жауабы: «Сопақша»

• Жарайсыңдар балалар. Ал ендеше біз осы пішіндермен жақсырақ танысу үшін сыйқырлы армандарды орындайтын қолтаңбаны пайдаланайықта, ғажайып пішіндер еліне сапар шегейік.

Балалар көздерін жұмады да арман тілектерін тілейді.

Музыка ойналып олар Ғажайып пішіндер әлеміне тап болады.

• Балалар қараңдаршы Пішіндер әлемі өте әдемі екен. Ендеше балалар біз

ғажайып пішіндер әлеміне келіп қалған екенбіз пішіндермен жақсылап танысып алайық. Пішіндермен көгілдір экран арқылы танысады, тәрбиеші де көрнекіліктермен толықтырып таныстырып шығады.

Ендеше балалар біз бойымызды бір сергітіп алайық.

Сергіту жаттығуы:

Ал балалар, тұрайық

Үлкен шеңбер құрайық

Оңға қарап ұшбұрыш,

Солға ұарап төртбұрыш

Ауада сызып алайық

Жоғары төмен қарайық

Орнымызды табайық.

• Қараңдаршы балалар мына жерден Пішіндер ханшайымы бізге хат қалдырып кетіпті, қанемен сендерге осы хатты оқып берейін.

Ханшайымның хаты оқылады.

• Сәлеметсіздер ме, менің ақылды да, алғыр достарым? Мен алыс сапарға шығып кетіп едім, бірақ та сендердің келетіндеріңізді біліп, білімдеріңізді тексерейін деп, тапсырмалар қалдырып кеттім. Егер де сендер менің тапсырмаларымды дұрыс орындай алсаңыздар, сендерге сыйлықтарым бар.

• Ханшайымның тапсырмаларын орындай аламыз ба балалар?

І тапсырма

«Күн мен түн» ойыны.

Ойын шарты: Түн дегенде балалар көзін жұмады да тәрбиеші сандардың орындарын ауыстырады немесе қатардан алып тастайды. Балалар Күн дегенде көздерін ашып болған өзгерістерді айтады.

ІІ тапсырма

Пішіндер Ханшайымының құрбысының көйлегін сәндеу ұжымдық жұмыс.

ІІІ тапсырма

Балалар пішіндер туралы тақпақтар айтып береді.

Төртбұрышпын, төртбұрышпын.

Төрт қабырғасы бар бұрышпын,

Қай жағынан қарасаңда,

Төрт қабырғам тең бұрышпын.

Үшбұрыш:

-Үшбұрышпын, үшбұрышпын,

Үш қабырғам бар бұрышпын,

Төртбұрыштан аз болсам да,

Орны бөлек үшбұрышпын.

Дөңгелек:

- Домалақпын, домалақпын,

Дөңгелек боп домаладым.

Ай сияқты, күн сияқты

Шар сияқты домалақпын.

- Балалар, осы пішіндерді қоршаған ортамен салыстырайық. (ведиопроектордан пішіндерге ұқсайтын заттарды атап, таяқшамен көрсетеді)

-Жарайсыңдар балалар, сендер тапсырманың барлығында жақсы орындадыңдар.

Жарайсыңдар балалар, ал ендеше шығармашылық орталығына барып, пішіндер бойынша тапсырмаларды орындайық.

1 Мантессори элеметтерін қолдана отырып, пішіндерді жіпке тізу.

2 СТО технологиясы бойынша пішіндерден үй құрастыру.

3 ТРИЗ әдісінің элеметтерін қолдана отырып штамбылау арқыры пішіндердің суретін шығыру.

4 ТРИЗ әдісінің элеметтерін қолдана отырып нүкте қою арқылы пішіндердің суреттерін бояу.