«Бауырсақ»

Білім беру саласы: «Қатынас» Тақырыбы: «Бауырсақ» Бөлімі: «Ертегілер елінде» Мақсаты:

а)Тәрбиелік: Қызығушылықтарын, талғампаздықтарын және бір-біріне қамқор бола білуге тәрбиелеу.

ә)Дамытушылық: Балаларға бағыт -бағдар бере отырып, өздіктерінен жұмыс істету, ой-өрісін дамыта отырып өздіктерінен қорытынды шығаруға машықтандыру;

б)Білімділік: Ертегі арқылы балалардың өмірге деген көзқарасын қалыптастыру, жақсылық пен жамандықты айыра білуге үйрету; Кандибура әдісін ала отырып қолдандым. Көрнекілігі: Слайд, құстардың суреттері, жануарлар мен жемістер көкөністердің.Текше. Әдіс-тәсілі: көрсету, әңгімелеу, ойындар.

Психологиялық сәт:

Біз орманға барайық,

Жан-жағымымызға қарайық.

Аю шықты қорбаңдап,

Қасқыр шықты ырылдап,

Түлкі шықты майысып,

Қоян шықты секіріп,

Қорықпаңдар балалар

Орындарыңды табыңдар.

Балалар біржылда неше мезгіл бар?

Қазір қай мезгіл?

Қандай өзгерістер бар?

Көктем айында неше ай бар?

Бір аптада неше күн бар,атап беріңдер?

Бәріміз көзімізді жұмайықшы, бір ертегі көреміз.

- Балалар, біздер қандай ертегілер білеміз? Ғажайып сәт:

Тәрбиеші: - Балалар, мен балабақшаға келе жатқанда сиқырлы қорапша тауып алдым. Қорапшаны ашып қарайын. Балалар, қорапшаның ішінде, міне, ұялы телефон бар екен. Телефонға хат келді,хатта не жазылғанын оқып берейін. “Ақжелкен” тобының балаларына “Бауырсақ” ертегісіндегі аңдардан. Аңдар бауырсаққа тапсырма беріпті, ал бауырсақ аңдардан құтылу үшін сендерден көмек сұрапты. Бауырсаққа көмектесеміз бе?

- Олай болса, мен сендерге “Бауырсақ” ертегісін оқып берейін. Ерте, ерте, ертеде бір ата мен әже болыпты. Атасы: Кемпір-ау, маған бауырсақ пісіріп берсеңші. Әжесі: - Неден пісірейін, ұн жоқ қой.

Атасы: Қаптың түбін қақ, бауырсаққа ұн табылып қалар. Әжесі қаптың түбін қағып, қалған ұннан бауырсақ пісіреді де, суытып терезе алдына қояды. Бауырсақ домалап кетеді. Орман ішіне домалап келіп қоянға тап болады. Қоян: Бауырсақ, бауырсақ мен сені жеп қоямын. Бауырсақ: - Жоқ, сен мені жеме, саған өлең айтып беремін, соны тыңда.

Қоян: Бауырсақ, сенің өлеңің керек емес , сен одан да менің тапсырмамды орында.

Бауырсақ: Енді не істедім? Балалар, сендер маған көмектесіңдерші? “Қоянның тапсырмасы”

Тақтадағы құстарды атап беріңдерші?!. Құстар туралы тиым сөздер:

Құстың ұясын бұзба; Құстың жұмыртқасын жарма; ағашты сындырма.

Мақал-мәтелдер.

- Жақсы, жарайсыңдар балалар, қоянның тапсырмасын орындадық.

Бауырсақ домалап, қояннан қашып ағаш түбінде жатқан қасқырға кездеседі. Қасқыр: Бауырсақ, бауырсақ, мен сені жеймін. Бауырсақ: Жемеші, мен саған өлең айтып берейін. Қасқыр: Жоқ, өлеңіңнің керегі жоқ, одан да сен менің тапсырмамды орында.

Қасқырдың тапсырмасы: маған көлік түрлерін атап беріңдерші?

- Жақсы, жарайсыңдар, қасқырдың да тапсырмасын орындап бердік.

Сергіту сәті:

Мынау сен, мынау мен,

Мынау сенің басың,

мынау менің басым,

Мынау сенің көзің,

Мынау менің көзім,

Мынау сенің құлағың,

Мынау менің құлағым

Екеумізде доспыз,

Бір жымиып алайық.

Бауырсақ: - Рахмет балалар, қасқырдан да құтқардыңдар деп әрі қарай домалап келеді. Шөп үстінде құлпынай жеп жатқан аюға кездеседі. Аю: Бауырсақ, бауырсақ мен сені жеймін.

Бауырсақ: Жемеші мені, мен саған одан да өлең айтып берейін. Аю: Менде қызық ойын бар,

Ал ықылас қойыңдар.

Қане тәртіп сақтайық,

Мен берген тапсырманы орындайық.

Аюдың тапсырмасы:

Дидактикалық ойын:

Текше: “Үй жануарлары мен жабайы аңдарды ажырат”.

«көкөністер мен жемістерді ажырат».

Жарайсыңдар балалар, мен тағы бір құтқарып қалдыңдар. Бауырсақ домалап келе жатып бір дыбысты естейді.

Түлкі: Амансың ба, бауырсақ. Көргендерге ұнайды, жүзің қызыл шұрайлы, мен сені жеймін. Бауырсақ: Жемеші мені, мен саған өлең айтып беремін. Атадан да қаштым,

Әжеден де қаштым,

Сенен де қашып кетемін.

Түлкі: Оңай құтыла алмассың, менің тапсырмамды орында.

Түлкінің тапсырмасы:

Ойын: «Бұл ненің дауысы»

Жануарларды құрастырыңдар денесін тап.

балалар бауырсақтың тағы бір өтініші бар ол сендерден дос тауып берулеріңді сұрайды.

Балалар ендеше бауырсаққа ермексаздан бауырсақ жасап берейікші, қасына көп достар болсын достар жасап берейік.

Балалар ата мен әженің көңіл күйі жоқ олардың көңілдерін көтеру үшін әже туралы тақпағымызды айтып берейікші.

Тақпақтар: Манас, Ислам, балалар.

Балалар біз бүгін сабақта не туралы өттік? Ендеше балалар бауырсақ сендерге сыйлық беріп жіберіпті. Қараңдаршы қандай тамаша.

Ғажайып сәт:

Балалар енді қонақтармен қоштасайық.

Оқу іс-әрекетін қорытындылау. Балаларды соңынан оқу іс-әрекетке белсенділік танытқаны үшін мақтап, мадақтау.

Күтілетін нәтиже: Біледі: мақал – мәтелдер, тиым сөздерді білу; Меңгерді: ұйымшылдықты, ұқыптылықты, қамқор болуды; Игерді: слайдпен жұмыс жасауды.