Ашы? Саба? "Жас математиктер"

Жас математиктер

Математикадан «Жас математикадан» конспектісі

Мақсаты: Дъенештың блоктарының көмегімен логикалық ойлау қабілеттерін дамыту.

Міндеттері: Заттардағы белгілі ерекшеліктердің бар екенін не жоқ екені туралы ақпаратты олардың символ-белгілері бойынша жасыру (шешу) қабілеттерін дамыту.

Заттардың ерекшеліктерін анықтау, осы ерекшеліктерді белгілі ережеге сүйене отырып басқаларынан жалпылау қабілеттерін дамыту.

• Талқылау қабілетін дамыту

• Көпшілікті үш ортақ ерекшеліктері бойынша бөлу, «жоқ», «және», «немесе» логикалық операциларын жасау, ойын дәлелдеу қабілеттерін жетілдіру

• Серіктестік, достастық, шағын топтарда жұмыс жасауға ұмтылдыру, осы қабілеттерін бекіту, тәрбиелеу.

• Ұйымшылдық, тәртіп, бір-біріне көмектесуге тәрбиелеу.

Сабақтың барысы:

Балалар шеңберге тұрады.

Т: - Бүгін біз сіздермен «Жас математиктер» викторинасын ойнаймыз, бірақ алдымен екі командаға бөліну керек, ал біз қалай бөлінеміз?

Балалар өз ойларын айтады.

Т: Бұған бізге ғаламат қапшық көмектеседі. Қапшыққа әртүрлі заттар салынған. Бұған геометриялық фигураларды, мысалы, қызыл төртбұрышты немесе сары ұшбұрышты салуға болады.

Т: - Енді сендер ақылдасып отырып, капитан тағайындап, командаларының атын қойындар.

Балалар капитанды таңдап, команданың атын қояды.

Б: - Біздің команда «Қыраңдар», ал капитаны – Олжас.

Т: - Сендер неге Олжасты таңдадыңдар?

Балалар өз ойларын айтады. Пікірлері алуан түрлі болуы мүмкін, біреуі ақылды десе, екіншісі мықты, күшті деуі мүмкін.

Екінші команда да осылайша командаларының аты мен капитандарын, оны не үшін таңдағандарын айтады.

Балалар екі столға отырады.

Т: - Мен сендерге тапсырма беремін, ал сендер оны орындайсындар, әрбір дұрыс орындалған тапсырма үшін сендерге асық беріледі. Соңында қорытындысын шығарамыз, қай командада асық көп болса, сол жеңімпаз болады.

Бірінші тапсырма «Сөзсіз жұмбақтар» деп аталады. Сендерге ерекше жұмбақ шешуді ұсынамын. Сендерге белгі бар карточканы көрсетемін, Белгілер қандай фигураның шешілгені көрсетеді, ал сендер осы фигураларды табасыңдар. Балалардың жауаптары. Мысалы, сары белгі қойылған карточка фигураның түсін білдіреді, үлкен үй салынған карточка үлкен фигураны білдіреді және т.б.

Дұрыс жауаптары үшін командаларға асықтар беріліп отырадыү

Т: - Балалар , жарайсыңдар! Келесі тапсырма да оңай емес,біздің орманға баруымыз керек. Логикалық фигураларға орманнан шығуға көмектесу керек. Оларға көмектескілерің керек ме?

Б:-Ия

Т: Ендеше кеттік.

Командалар столдарынан тұрып, тәрбиешінің соңынан жүреді, олардың алдарынан бұлақ шығады, еденге бормен ағып жатқан бұрақтың суреті салынған, әр командаға арналған логикалық фигуралар, әр командаға арналған «Жол сал» кесте-жобасы.

Т: - Біз осындай кең әрі терең бұлақтың қалай өтеміз?

Б: - көпір салу керек

Т: Көпірді неден саламыз?

Б: -логикалық фигуралардан, ал ол мықты болуы үшін, оны жоба бойынша салайық.

Әр команда өздеріне арнап көпір салады. Көпірді салу ережесі кестеде берілген. Әр команданың өз кестесі бар, мұнда үш ерекшеліктерді-түсін, көлемін, формасын ескеруі керек. Көпірлер салынғаннан кейін әр команда бір-бірінің жобамен салынған көпірлерін тексереді.

Дұрыс салған командаға асық беріледі.

Т: - Мінекей, біз сендермен орманға да келдік. Барлық фигуралар орманға шашылып қалған, олар үйге қайтар жолды таба алмай жатыр.

Еденге екі командаға да арналған кесте-жоба жатыр. Тапсырма «Фигураларға орманнан шығуға көмектес» деп аталады. Әр команда алдымен жол айырқтарына белгілердің не үшін қойылғанын анықтайды. Сызылмаған белгілер өздері сияқты фигураларға ғана осы жолмен жүгіруге рұқсат береді. Осыдан кейін командалар фигураларды бөліп алып, оларды кезектеп орманнан шығара бастайды. Командалар тапсырманың дұрыстығын тексеріп, асықтар беріледі.

Т: - тапсырманы орындадық. Фигуралар барлығымызға алғыс айтып жатыр. Ал енді өз бала бақшамызға қайтайық.

Командалар жасалған көпірлері арқылы өтеді.

Т: - келесі тапсырма «Блоктарды бөл» деп аталады, әр команданың алдында бір-бірімен қиылысқан үш түсті үш шеңбер және геометриялық блоктардың жинағы, кез-келген ойыншық жатады.

Т: - барлық шеңберлердің ішіне кез-келген кішкентай сары блок салыңдар.

• Сары мен қызылдың ішіне, ал көк шеңбердің сыртына кез келген үлкен блокты салыңдар.

• Көк пен сарының ішіне, бірақ сары шеңбердің сыртына кезөкелген қызыл жұқа блок салыңдар.

• Сары мен көктің ішіне, бірақ қызылдың сыртына кез-келген көк жуан блок салыңдар.

• Сарының ішіне, бірақ қызыл мен көктің сыртына кез-келген көк жұқа блок салыңдар.

• Қызылдың ішіне, бірақ сарымен көктің сыртына кез-келген үлкен блокты салыңдар.

• Көктің ішіне, бірақ сары мен қызылдың ішіне кез-келген қызыл жуан блок салыңдар.

• Барлық шеңберден тыс жерге ойыншықты қойыңдар.

Тәрбиеші блоктарды атайды, ал командалар блокты қай орынға қойғандарын айтады. Барлық тапсырмалардан кейін тәрбиеші капитандармен бірге қорытынды шығарады. Көп асық алған команда жеңімпаз болады.