?аза? тілі рухани байлы?ымызды? – ?айнар б?ла?ы деп бекер айтылмаса керек. ?аза? елінде, ?аза? жерінде ?аза? тілі ?ркендеуі керек. Осы орайда тек ?аза? ха?ыны? ?рпа?ы ?ана емес, ?аза?станда?ы барлы? ?лт ?кілдеріде ?лес ?осуы керек. Ол ?шін ана тілімізді? ?адыр-?асиетін ?зіміз білуіміз, д?рістеуіміз, насихаттауымыз керек. Тілге ??рмет – елге ??рмет. Тіліміз халы?сыз, елсіз ?мір с?руі м?мкін емес. ?лем таны?ан ел болу ?шін тілімізді? ж?лдызын жар?ырату?а тиіспіз.
Вы уже знаете о суперспособностях современного учителя?
Тратить минимум сил на подготовку и проведение уроков.
Быстро и объективно проверять знания учащихся.
Сделать изучение нового материала максимально понятным.
Избавить себя от подбора заданий и их проверки после уроков.
Қазақ тілі рухани байлығымыздың – қайнар бұлағы деп бекер айтылмаса керек. Қазақ елінде, қазақ жерінде қазақ тілі өркендеуі керек. Осы орайда тек қазақ хақының ұрпағы ғана емес, Қазақстандағы барлық ұлт өкілдеріде үлес қосуы керек. Ол үшін ана тіліміздің қадыр-қасиетін өзіміз білуіміз, дәрістеуіміз, насихаттауымыз керек. Тілге құрмет – елге құрмет. Тіліміз халықсыз, елсіз өмір сүруі мүмкін емес. Әлем таныған ел болу үшін тіліміздің жұлдызын жарқыратуға тиіспіз.
Адамзат дүниеге келген соң ана тілінде сөйлеп, ана тілінде ән салады. Ана тілі – біздің ар - ождан, адамгершілігіміздің айнасы. Адам ана тілімен бақытты, ана тілімен асқақ. Тіл – халықтың ажырамас бөлігі. Ұлы Абайдың өзі «Өткірдің жүзі, кестенің бізі, өрнегін сендей сала алмас» деп таңырқап тағзым еткен тіл. Тілімізге құрмет жасау арқылы біз елімізге құрмет жасаймыз. Тіл туралы қаншама кестелі сөз айтсақ та тауыса алмаспыз. Сондықтан
Ана тілім, дана тілім - Тәңірім Сақтай білген сан ғасырлар жарығын Тілім менің, Абай, Ахмет сөйлеген Бұғаулауға, шұбарлауға көнбеген.
Яғни тіл халықпен бірге өмір сүріп дамиды. Себебі - әр ұлттың тілі- оның бақыты, тірегі. Ана тілінде таза сөйлеу, оған деген оң көзқарас – ол зор адамгершілік, мәдениеттік және тәрбиелік.
Тілсіз қоғамның қандай түрі болса да өмір сүре алмақшы емес, ол тілдің өзі қоғам бар жерде ғана пайда болып, өмір сүреді. Демек, қоғамнан тыс, бөлек тіл жоқ.
Тіл–қоғамның жемісі. В.И.Ленин: "Тіл – адам қатынасының аса маңызды құралы” – дейді. Мұның мәні – тіл жоқ жерде адамдардың бірлесіп жұмыс істеуі, қоғамдық өндірістің қай саласын болса да ұйымдастыруы, дамытуы мүмкін емес деген сөз. Тіл әрбір адамға ана сүтімен бірге еніп, қалыптасады. Тіл байлығы – әрбір елдің ұлттық мақтанышы. Ол – атадан балаға мирас болып қалып отыратын баға жетпес мұра. "Тіл – біздің тұтастығымыз”, "Тіл тағдыры – ел тағдыры” деп те айтып жүрміз. Сондықтан әр адам өз ана тілін көзінің қарашығындай қорғауға, оның орынсыз шұбарлануының қандайына болса да қарсы тұруға тиіс. Туған тілдің абыройын асқақтату – әрбір адамзаттың абзал борышы. Біздің барша ұлттық келбетіміз бен болмысымызды, салт-санамыз бен дініміз осы ұлттық мәдениет пен тілімізде жатыр. Тәуелсіз елдің елдігі жас ұрпағын парасатты да білімді, іскер де қабілетті, отан сүйгіш те ұлтжанды тұлға етіп қалыптастыруда мемлекетік тілдің атқаратын қызметі орасан зор. Егеменді ел болып, ес жиып, етек жия бастаған бұл күндері осындай ойға қонбайтын, солақай сорақыларды көзбен көріп, қолмен ұстай отырып қазақ тілі мәселесі жөнінде толғанбай тұра алмаймыз. Тіл – таусылмайтын байлық. Қанша тіл білсең, өзгеден сонша биіксің. Дегенмен, алдымен туған еліңнің мемлекеттік тілін білуге міндеттісің. Қазақ тілі - өте бай тіл. Осы кезде Паустовскийдің: "Туған тіліне жаны ашымаған адам – жәндік,” – деп, ашына айтқаны ойға келеді. Ана тілін ұмытқан адам өз халықының өткенінен де болашағынан да қол үзеді. Ана тілі – ар өлшемі. Олай болса, тілді шұбарлау – арды шұбарлау, көңіл тұнығын лайлау. Ұлттың мәдениеттің гүлденуі мен адамдардың тарихи қалыптасқан тұрақты қауымдастығы ретінде ұлттың өзінің болашағы ана тілдің дамуына, оның қоғамдық қызметінің кеңеюімен тығыз байланысты. Сондықтан туған тілге деген сүйіспеншілік бала кезеңнен басталуы тиіс. Айналаңды танып білу, туған тіліңді білуден басталады.
Туған елім – тірлігімнің айғағы, Тілім барда айтылар сыр ойдағы, Өссе тілім, менде бірге өсемін, Өшше тілім, мен де бірге өшемін! – деп , ақын Әбілдә Тәжібаев ағамыз
жырлағандай тіл қай елде болса да қастерлі, құдіретті. Ол достықтың кілті, ынтымақтастықтың бастауы, ырыс – берекенің алды, ұлттың әрі жаны, әрі ары. Тіл жай сөз емес, өмірдің талай сынынан өткен, өскелең талаптарға сәйкес өрістей түскен толыққанды ақиқат десек, жаңыла қоймаспыз.
Соған дәлел: Төле бидің әкесі Әлібекке ел ағалары үш сұрақ қойыпты. Соның үшіншісі «Арыңды кімге бересің?» дегенде Әлібек бабамыз , - «Арым - ана тілім». Арымды ешкімге бермеймін, өлсем өзіммен бірге көрге кетеді, - депті.
Ана тілін қадірлеу – мемлекетімізді, ұлтымызды, өзімізді қадірлеу.
Қазақстан егемендігін баянды ғұмырлы ету үшін, мелекеттік тілдің жетекші роль атқаратындығын жас ұрпақтың санасына сіңіріп, өз Отанының патриоты етіп тәрбиелеу – бәрімізге ортақ, қасиетті парыз.
Осы орайда мен дәріс беріп жүрген №51 негізгі орта мектебіне қарасты «Жанель» шағын орталығының 3-5 жастағы балалары жастығына қарамастан бірнеше мектепішілік, аудандық, облыстық байқауларға қатысып, жүлделі орындарға ие болды.
Соның ішінде 2012-2013 оқу жылында қалалық «Қазақшаң қалай балақай...» атты байқауға қатысып, сертификат иелендік. Дәл осы байқауға 2013-2014 оқу жылында қатысып, III орынды иелендік.
«Менің елім – Тәуелсіз Қазақстан» атты қалалық байқауға қатысып, I орынды иелендік.
Мектепішілік «Тілден артық қазына жоқ!» атты мәнерлеп оқу сайысына қатысып I орынды иелендік.
Қазақ тілін меңгерген өзге ұлт балаларының білімін саралау, өз ойларын емін-еркін жеткізуге дағдыландыру, елін, туған жерін, мемлекеттік тілді құрметтейтін ұрпақ етіп тәрбиелеу менің басты міндетім және парызым.
Соған орай сөзімді Сұлтанмахмұт Торайғыровтың өлең жолдарымен аяқтағым келіп отыр.
«Сүйемін туған тілді анам тілім, Бесікте жатқанымда-ақ берген тілім! Шыр етіп жерге түскен минутымнан Құлағыма сіңірген таныс үнін» - деп айтып кеткендей, әр адам өзінің тілін шыр етіп дүние есігін ашқаннан бастап құлағына сіңіруі тиіс.Себебі тілін білген адамның бойында ұлттық, халықтық, елдік, мемлекетшілдік қан ойнайды.
