Жақсы мен жаман

Тақырыбы:«Жақсы мен жаман»

Мақсаты:  Жақсы мен жаман  әдет-қылықтарды  ажыратуды,  адамгершілікке, жаман  әдеттерден  аулақ  болуға үйрету.  Балалардың  ой-өрісін  кеңейту,  тіл  байлығын  молайту, ойлану, көру,  сезіну  қабілеттерін  дамыту.

Тәрбиеші:Балалар,  бізге  қонақтар  келген екен,  қане  қонақтармен  амандасып  алайық.

Балалар: Сәлеметсіздерме!

Шаттық  шеңбері:Балалар  бір-біріне  жүрекше беру ақылы  жылы сөздер  айтады.

Тәрбиеші: Балалар  қазір  қай  мезгіл? Күз  мезгілі неше айдан  тұрады?  Күз  мезгілі  нешеге бөлінеді?  Күз  мезілі аяқталып қалды  енді  қай мезгіл  келеді?

Балалардың  жауабы.

Тосын  сәт: «Жақсы  бала мен жаман бала»  видеоролик көрсетіледі.

Сұрақ-жауап : Апайды  ішім  ауырды деп  өтірік  айтып сұрануға  болама? Балалар  төбелесуге  болама? Достарыңды  балалар ұрып  жатса  қашып  кетуге  болама? Видеороликтен  коргендей   ата-анасын  тыңдаған  бала қандай  бала болды?  Ал апайын  алдап, жаттауын жаттамаған  бала  ер жеткенде қандай  бала  болады?

Балалардың  жауабы.

Тәрбиеші:Олай  болса  балалар  жақсы мен  жаман  туралы  мақал-мәтелдер  айтып  берейік.

Қарақат:Жақсы  туса елдің  ырысы,

                 Жаңбыр  жауса  жердің  ырысы.

Рауан:Жақсыдан  бақ  қалады,

            Жаманнан  дақ  қалады.

Аяулым:Жақсы мен  жүрсең  жетерсің  мұратқа.

                Жаманмен  жүрсең  қаларсың  ұятқа.

І.Гаухар:Бітер  істің  басына,

                Жақсы  келсін  қасына.

Ақгүлім:Жақсы  кісі  текшіл,

                 Жаман  кісі  кекшіл.

Дидактикалық  ойын:Жақсы мен  жаман

Шарты:Тақтада  көк  түспен  «жақсы»,  қызғылт сары  түспен  «жаман»  сөздері тұрады,  үстел  үстінен   «Жақсы»  және  «Жаман»  сөздерге  байланысты  суретерді ажыратып  айтып тақтаға ілу керек.

Музыкалық сергіту  сәті:«Көңілді күн» 

Тәрбиеші:Сергіп  алсақ  балалар  «Жақсылық  қылсаңда,  жамандық  қылсаңда  өзіңе»  атты  көріністі  тамашалайық.

Көрініс:«Жақсылық  қылсаңда,  жамандық  қылсаңда  өзіңе».

Ертеде  Асан  мен  Үсен  деген  екі  кішкетай  жетім  балалар  болыпты,  ата  -анасынан  жастай  айырылған  екі  жетім  ауыл-ауылды  аралап  қайыр  сұрайды  екен.  Күндердің  бір  күнінде  екеуі  осылай  тентіреп  жүріп  бір  зәулім  үйдің  жанында  өсіп  тұрған  ағаштың  түбіне  демалуға  жайғаса  кетеді.  Қарны  әбден  ашқан  Үсен  ағасының  жеңінен қайта-қайта  атртып;-Ағатай  қарным  ашты,-  деп  маза  бермейді.  Сонда  ағасы  жаңағы  үйдің  есігін  қағып;-Әссалаумағаликум!  Үйде  кім  бар?-деп  дауыстайды.  Сол  кезде  ана  жақтан  ала сиырын айдап  келе  жатқан  әйел  көрінеді (бұл  өзі  сараңдығымен  аты  шыққандықтан  Сараңбике  аталып кеткен  әйелдің  үйі  екен).

-Есікті  неге  тарсылдатып  қағасыңдар  а?  Әлде  менде  әкелеріңнің  құны  қалды ма?  (дейді  ашуланып,  балалардың  кір-қожалақ  үстін  көріп  ашуы  одан  сайын  қозады).

-Сендерге  не керек?  Неге  келдіңдер?  - дейді. Асан  мен Үсен  өздерінің жетім  екендерін  айтып  жүрек  жалғап  алу  үшін  бір  жапырақ  нан  сұрайды.

-Осы  қайыршы  дегендерден  көрдік қой  көресіні;-дейді ( мен  бұларды  келмейтіндей  қылып  күлшеге  байқатпай  у  қосып  береді).

Балалардың  қайыр  сұрап  тұрғанын  көрген басқа  әжей   оларды  үйіне  кіргізіп,  шомылдырып,  қарындарын  әбден  тойғызып  шығарып  салады.  (балалар  күліп  мәз  болады). 

-Аға, бізде мана Сараң әже берген күлше бар еді ғой!

-Сараң әженің берген  күлшесін  ертеңге  азық  қыламыз,- деп  дорбасына  салып қояды.  Сөйтіп  екеуі  ымырыт  үйіріліп  кеткендіктен  осы  жерге  түнейік  деп  баяғы  ағаштың  түбіне  жата  кетеді.   Сөйтіп  алаңсыз  ұйқыға  кеткен   екеуі  танертең  Сараң  бикенің  айғайлаған  дауысы  оятады.

-Ойбай- й - ойбай, ( кешегі  ала сиыр  тенекейіп  өліп  жатыр екен,  сөйтсе  танертең  өріске  шыққан  сиыр  балалардың  бас  жағында  жатқан  дорбадағы  күлшені  жеп  өліп  қалыпты).

-Сендер не істедіңдер менің сиырыма?

-Біз ештеңе істемедік, кешегі сіздің берген күлшені жеп құлап қалды.

-Қап ұят болғанынай. Жұртқа жасаған жамандығым өзіме қайтты. Болды, енді ешкімге, ешқашан жамандық жасамаймын,-деп сөз беріп шығып кетеді.

Жақсылық  қылсаңда,  жамандық  қылсаңда  өзіңе  деген  осыдан  қалған  екен.

Қорытынды сұрақтар қойлып, балалардан жауаптар алынады.

Ал, ендеше сендер бүгін оқу-қызметімізге жақсы  қатысқандарың үшін және жақсы бала болып өсіңдер деп тәттілер беремін.

Балалар, келген қонақтармен қоштасатын уақыт та келген сияқты, қане барлығымыз орнымыздан тұрып, қонақтармен қоштасайық.

Сау болыңыздар!