Конспект урока "Наурыз"

Қош келдің, төрлет Наурызым!

         Мақсаты: Балаларға ұлыстың ұлы күні туралы мағлұмат беру. Наурыз          мерекесінің басқа мерекелерден айырмашылығын біліге баулу. Халқымыздың салт-дәстүрлерін сақтауға,балаларды еңбексүйгіштікке, мәдениетілікке тәрбиелеу. Балалар ұлттық киімдерімен келуі, залда әуен ойнап тұрады.

    Жүргізуші: Жер әлемді жайнатып, әнші құстар сайратып, наурыз тойын тойлатып, Ұлыстың ұлы күні  келді ағайын. Той құтты болсын! Ақ мол болсын! Армысыздар құрметті қонақтар!

                    О, жараңдар, жараңдар!

                    Бермен қарай қараңдар

                     Наурыз тойы басталды

                    Үлкен-кіші кәріңді

                    Құттықтаймын бәріңді

   Құрметті қонақтар, Наурыз мерекесіне арналған «Қош келдің, төрлет Наурызым» атты ертеңгілігімізді көруге шақырамыз

    Ортаға екі бала шығып амандасады.

Асылхан: Ассалаумағалейкум!

                    Ұлыс оң болсын!

                    Ақ мол болсын!

Нұрсат: Уағалейкумассалам!

              Ұлыс оң болсын!

              Пәле- жаман жерге енсін!

Наурыз мерекесіне арналған өлең шұмақтарына жол берейік.

Нұрсат: Қандай қызық көктемде

              Күн шуағын төккенде

              Гүл тереміз алуан,

               Шығып алып көк белге

Нұржау: Жолаушы келсе үйіне

              Жайған қазақ дастархан

              Қарамай қазақ күйіне

              Малын сойып, бас тартқан

Айару: Дала жайнап жер гүлдеп,

              Табиғат тұр тамсанып

              Көктемде алып келуім деп,

              Құстар жатыр ән салып

Айлана: Оң болды да жолымыз

              Төрге толды қорамыз

              Айран-қымыз толығып

              Аққа толды қорамыз

Жүргізуші: Қазағым Наурызың құтты болсын!

                   Көтерген шаңырағың биік болсын

                   Тілектері ұлтымның қабыл болып

                   Жақсылығын бір Алла иіп тұрсын

                   Наурыз тойы ақ батаның бастауы

                   Береке мен бірліктің жалғауы

                   Жеті түрлі қасиетті дәніменен

                   Байтақ елдің бір толады бастауы

                   Наурыз келіп көктем сазы білінер

                   Ойнап күлген жас балалар жүгірер

                   Жаңа жылы қазақ деген ұлы елдің

                   Наурыз айы шаттықпенен гүлденер

Хор. Наурыз-көктем

Жүргізуші: Тойымызды жыр шұмақтармен жалғастырайық.

Нұрасыл:  Қар су болып жөнелді

                  Қалды дала жалаңаш

                  Күн нұрына кеңелді,

                  Бүршік атып бар ағаш

Шұғыла: Қолөнерге сүйсініп

                 Қайран қалып тұрасың

                 Көре білсін түсініп

                Одан көп сыр ұғарсың

Игнат: Ұлыс оң болсын!

            Ақ мол болсын!

Тахмина: Ауылда бүгін бастаңғы

            Жиналды барлық жастары

            Қыздар келді жүгіріп

            Шаруаның бәрін бастады

Жүргізуші: Шалқытып мерекеде ән салайық

                   Би-билеп, ән өнерге тамсанайық

                   Аңызбен, ертегімен бізге жеткен

                   Наурызды, қонақтарды қарсы алайық!

Қыздардың орындауында би «Домбыра»  өлең жолдары

Қарақат: Наурыз тойың әдемі

             Әжем еске түсірді

             Біздерге арнап әдейі

             Наурыз көже пісірді

Абзал: Наурыз шаттық әніміз

Салтанатты сәніміз

Ән салып жас кәріміз

Би билейік бәріміз

Айнель: Ал, балалар келіңдер

              Той қызығын көріңдер

              Наурыз тойға бас иіп

              Күнге сәлем беріңдер

Асылхан: Кең даланың ежелгі

              Қазақ дейтін халқымыз

              Өзге ұлттай біздің де

              Бар дәстүрмен салтымыз

Балалардың орындауында «Тұлпарым» биі

Кәусар: Келіп көктем құстары

              Бау- бақшаға ән салып

              Оларды жас достары

              Ұя жасап қарсы алды

Нұрәлі: Наурыз елді далама

              Наурыз келді қалама

              Қуанады ата-ана

      Қуанады балада

Жібек: Армысыздар халайық

Әркез аман болайық

Наурыз тойын қуанып

Жылда қарсы алайық

Ералы: Наурыз болсын сәніміз

            Наурыз болсын әніміз

            Наурыз көже көп ішсек

            Жасарамыз бәріміз

Ән. Айнель, Тахмина, Шұғыла, Әмина

Б.Бекжан: Келген жылым

                 Жақсылыққа басташы

                 Қуанышпен әр үйдің

                 Босағасын атташы

Ж. Кәусар: Тақпақ айтам жыл басы

                 Құлағың сап тыңдашы

                 Аққа ауқымыз толатын

                 Тыныш өмір сыйлашы

Бекнұр: Қар еріді, су ақты

             Күндер келді шуақты

             Байтақ дала келбеті

             Түкті кілем сияқты

 Баян: Берекелі байырлы

Алды халқым қабылдап

Ақ дастархан жайылды

Ошақта от жалындап.

Алмат: Бәйшешектен білеміз

   Көктем келіп қалғанын

   Мәз боламыз күлеміз

      Көрсек гүлін жарғанын

Осы кезде әже қонаққа келеді.

Әже: Балалар бүгін бізде тағы бір той,  немеремнің тұсау кесер тойы. Сендердей үлкен азамат боп кетсін деген ниетпен тұсауын кесеміз. Анасы дайындап жатқан болар қазір келіп қалар.(Анасы мен баласы келеді музыка қосылып тұрады)

 Әже: Келе ғой құлыным, қуанышым менің

Әже: Міне, менің немеремде келді.

Тұсау кесу дегеніміз- кішкентай балаға ырымдап, тез жүріп кетсін деп ала жіп байлап, бата тілек айтып кеседі.

Әже: Қаз, қаз, балам, қаз балам

                    Қадамыңа мәз болам

                    Балтырыңды түре ғой

                    Тай құлын боп шаба ғой

                    Озып бәйге ала ғой

Әже біздің балаларымыздың өнерін тамашалайық

Абдулла: Наурыз тойын қуанып

              Жылда қарсы алайық

              Жарқырап жүр күніміз

              Жайқалсын жас гүліміз

Алина: Жайдарымыз бәріміз

              Дастарханда дәміміз

      Көжесі көп, қыры көп

               Қандай жақсы Наурыз

Р.Нұрсәт: Ата- бабам тойлаған

                 Наурызым армысың

                 Қызығына тоймаған

                 Дархан дала, қарлы шық

Нұрлбек: Күн мен түн теңелуі

                 Жер шуаққа кеңелуі

                 Соны тойлар ел енді

                 Наурыз тойы салтымыз

Жүргізуші: Ұлыстың ұлы күнінде Қыдыр ата ел аралаптіршілік иесіне құт береке дарытып, жақсылық нұрын себелейді.бүгінгі тойға алыстанат терлетіп аса қадірлі қонағымыз келіп қалыпты. Қыдыр атамызды қарсы алайық.

Қыдыр ата: Амансыңба ұлдарым, амансың ба қыздарым. Наурыз мерекелерің құтты болсын, әр отбасына құт береке әкелсін.

     Бата.

Аян: Ұлыс оң болсын!

Ақ мол болсын

Қайда барсаң жол болсын

Ұлыс береке берсін

Бәле-жала жерге енсін!

Ұлы халқым тең болсын

Қайғы-уайым жоқ болсын

Қуанышың көп болсын!

Хор: « Көктем келді»