Сабақтың тақырыбы: Наурыз мерекесі. Көмекші есімдер тақырыбын қайталау
Сабақтың мақсаттары:
Білімділік:
Наурыз мерекесі туралы мәлімет беру. Көмекші есімдер тақырыбын қайталау.
Дамытушылық: Ауызша сөйлеу дағдысын дамыту, сөздік қорын байыту, логикалық және шығармашылық ойлауды дамыту.
Тәрбиелік: Тілге деген қызығушылықты ояту.
Табиғатты аялауға шақыру.
Көрнекілігі: презентация, электрондық тақта, ас мәзірі.
САБАҚ БАРЫСЫ
Сабақ кезеңдері
Уақыт
Ұйымдастыру кезеңі
Сәлеметсіздер ме! Бүгінгі сабақтың тақырыбы: Наурыз мерекесі. Көмекші есімдер тақырыбын қайталау
Сабақтың мақсаттарымен танысу.
Өткенді қайталау
Тілдік жаттықтыру.
«Асханада», «Вокзалда» тақырыбы бойынша суреттер ұсынылып, бұл суреттерді сипаттап сөйлемдерді құрастырамыз.
Жаңа сабақ Кіріспе
Бүгінгі сабағымыз келе жатқан –Наурыз мерекесіне арналады.
Наурыз – бақыттың бастамасы, жақсылықтың жыршысы, өмірге нұр сыйлаған, сезімге гүл сыйлаған, халық қастерлейтін күн. Ендеше, сіздерді Ұлыстың ұлы күні – Наурыз мейрамымен шын жүректен құттықтай отырып, жаңа сабағымызды бастауға рұқсат етіңіздер!
Жаңа сөздермен танысу
*Міндетті түрде - в обязательном порядке, обязательно
*Көпшілік - множество, большая часть, общественность
*Көне, ежелгі-древний *Ресми - официально
*Тойлау- празднование *Киіз үй - юрта
*Дәстүр-традиция *Діни - религиозный
*Дүние жүзі-весь мир *Арнайы- специально
*Түрліше –по-разному *Атаған - называли
*Шығыс-восток, восточные * Бірін-бірі - друг друга
*Игі тілектер-добрые пожелания *Жәрмеңке – ярмарка
Жаңа сөздерді бекіту тапсырмалары:
Сөз тіркестерді аударыңыз:
Көне мейрам-
Ежелгі дәстүр-
Шығыс жәрмеңкесі-
Діни мереке-
Арнайы атаған-
Бірін-бірі құттықтады-
Тойлау дәстүрі-
Сөйлемдерді қазақ тіліне аударыңыз:
Это древний город. В моей семье есть одна хорошая традиция. Завтра весь мир празднует Новый год. Общественность по- разному называла этот праздник. На востоке много хороших традиций. Они озвучили добрые пожелания. Я обязательно пойду на ярмарку.
Мәтінмен жұмыс: оқыңыз, аударыңыз.
Наурыз – көне мейрам. Наурыз мерекесін тойлау дәстүрі
дүние жүзі халықтарының көпшілігінде болған.Бұл мейрамды ежелгі гректер “патрих”, тәжіктер “гүл гардон”, “гүлнаурыз”, татарлар “нардуган” деп түрліше атаған.
Қазақстанда ресми түрде Наурыз1988 жылдан бері
тойланып келеді. Бұл мерекені Шығыс елдері Өзбекстан, Қырғызстан,Ауғанстан,
Тәжікстан, Пәкстан ерте кезден өткізді.
Наурыз күн мен түннің теңелген күні, наурыздың
22-сінде тойланады.Наурыз- парсы сөзі, қазақшасы
«Жаңа жыл».Наурыз - діни мейрам емес, табиғат мейрамы.
Бұл күні бұлақтар тазартылып, ағаштар отырғызылған.
Дәстүрлі қазақ қоғамында Наурыз күні жыл басы
саналған. Халық таза, жаңа киімдерін киген.
Ауылдың адамдары бір-біріне игі тілектер айтқан.
Бірін-бірі мерекеге арнап дайындаған наурыз көже ішуге шақырады.
Наурыз көже – ұлттық тағам. Ол Наурыз күні әрбір үйде міндетті түрде әзірленген. Халықтық дәстүр бойынша оған бидай, тары, сүр ет, сүт, су, тұз сияқты жеті түрлі азық міндетті түрде салынады. Соғымнан арнайы сақталған ет де қосылады.
Біздің қаламызда да Наурыз мерекесі тойланады. Қаланың орталығында киіз үйлер тігіледі, жәрмеңкелер, түрлі ұлттық ойындар, концерттер өткізіледі.
Мәтінді бекіту тапсырмалары
1. Сөйлемдерді оқып, дұрыс бұрыстығын анықтаңыз.
1. Наурыз мерекесін тойлау дәстүрі дүние жүзі халықтарының көпшілігінде болған.
*Дұрыс *Дұрыс емес
2. Наурыз көжеге жеті түрлі азық міндетті түрде салынады.
*Дұрыс *Дұрыс емес
3. Қазақстанда ресми түрде Наурыз 1989 жылдан бері тойланып келеді.
*Дұрыс *Дұрыс емес
4. Наурыз- араб сөзі, қазақшасы «Жаңа жыл».
*Дұрыс *Дұрыс емес
5. Наурыз –діни мейрам *Дұрыс *Дұрыс емес
2. Мәтін бойынша 5 сұрақ құрастырыңыз, көршіңізбен сұхбаттасыңыз.
Сергіту кезеңі
«Мен бір сөз ойладым»/5 мин./
Қазір сіздердің сұрақ құрастыру дағдысын, логикалық ойлауыңызды дамыту үшін ойын ойнап жіберейік. Мен бір сөзді жасырамын, сіздер маған сұрақ қойып ол не екенін біліп аласыздар.
Ойын барысын түсіндіру
Мұғалім бір сөзді жасырады. Оқушылар «Бұл адам ба?» сияқты сұрақтарды қояды. Мұғалім тек қана «Иә, жоқ» деп жауап бере алады. Мысалы:
Оқушылар «Бұл адам ба?»
Мұғалім : «Жоқ»
Оқушылар : «Бұл жануар ма?»
Мұғалім : «Иә»
Оқушылар: «Бұл ат па?»
Мұғалім : «Жоқ»
Оқушылар: «Бұл үй жануары ма?»
Мұғалім : «Иә»
Оқушылар : «Бұл түйе ме?» Мұғалім : «Иә, бұл түйе».
Дәл сол әдіспен мұғалім «Киіз үй»деген сөзді жасырады.Электрондық презентацияда киіз үйдің суретін көрсетіп, қаламыздың орталығында тұрған киіз үйге кіріп көрейік деп шақырады.
Көмекші есімдер деген тақырыбын қайталау
Өткен сабақта біз көмекші есімдер деген тақырыбымен таныстық.Бұл тақырыпты қайталау үшін киіз үйдегі жиһаздарды мәтінге сәйкес өз орнына орнатайық.
/Есікке қарама қарсы кілем ілулі тұр.
Сандық кілемнің сол жағында тұр. Сандықтың үстінде көрпелер жиналып тұр. Сандықтың алдында бесік тұр. Киіз үйдің оң жағында киім –кешек шкафы тұр. Киіз үйдің ортасында дастарқан жайылып тұр./
Тапсырманы орындағаннан кейін киіз үйдегі жиһаздарды орнату тәртібі көрсетілген суретпен танысып, салыстырады.
«Дәмхана» тақырыбы бойынша әңгімелесу құрастыру
Бұл қарапайым киіз үй емес, бұл ұлттық нақышында рәсімделген дәмхана. Қазір осы дәмханадан тамақтанамыз. «Дәмхана» тақырыбы бойынша даяшы мен клиент арасындағы әңгімелесу құрастыру керек./15мин./
Біз бұл дәмханаға Наурыз мерекесін тойлауға келдік, енді мына үлгіге қарап бір бірін наурыз мерекесімен құттықтаңыз!
Наурыз мейрамы құтты болсын! Зор денсаулық, ашық аспан, табыс, береке, бақыт тілеймін! Наурыз мерекесі жаңа жетістіктер, молшылық пен татулық әкелсін!
Қорытындылау
Бүгінгі сабақтың жаңа тақырыбы қандай еді? Біз не қайталадық? Не ұнады? Не ұнамады? Өз жұмысын қалай бағалайсыз? Қандай жаңа мәлімет алдыңыз? Қандай жаңа сөздермен таныстық?
Үй тапсырмасын беру.
Наурыз мейрамы тақырыбы бойынша жаңа сөздерді жаттау, мәтінді оқу аудару.
12
