Жауап - с?ра? ашы? саба?

Аудандық оқушылар үйінің «Жайдарлы Жас ұлан» үйірмесінде «Жауап – сұрақ» тақырыбындағы ашық сабақтың

А н ы қ т а м а с ы

3 наурыз 2015 жылы «Жайдарлы Жас ұлан» үйірмесінде «Жауап-сұрақ» тақырыбындағы ашық сабақ болып өтті. Сабаққа 9 оқушы қатысты.

Сабақтың мақсаты: Білімділік: Үйірме оқушыларына жайдармандағы жауап – сұрақ сайысы туралы мәлімет беру. Жауап – сұрақ сайысының шарттарын, қағидаларын таныстыру. Оқушылардың тапсырмаларды орындау арқылы білім қорларын толықтыра түсу. Дамытушылық: Оқушылардың сын тұрғысынан ойлау, жүйелеу дағдыларын қалыптастыру. Жайдарманға деген қызығушылықтарын арттыру, ізденімпаздық, ептілік, шапшаңдылық қабілеттерін дамыта түсу.Тәрбиелік: Оқушыларды ізденімпаздыққа, кішпейілділікке, бір – бірімен өзара достық қарым – қатынаста болуға тәрбиелеу.

Үй тапсырмасын «Бағдаршам» әдісі бойынша сұрадым. Өткен сабақты пысықтап, қайталау мақсатында «Гүлдер жинау» ойыны арқылы сұрақ-жауап арқылы қайталап қорытындыладым. Жаңа сабақты теория арқылы «жауап-сұрақ» сайысындағы қағидалар мен шарттарын оқушыларға түсіндірдім. Бейнебаян арқылы толықырақ түсіндірдім.

Сарамандық бөлімде «сұрақ – жауап» ойыны арқылы оқушыларға логикалық сұрақтар қойдым. Сұраққа дұрыс жауап берген оқушыларды жайдарманның белгісімен бағалап отырдым. Екінші тапсырмада «Жеміс ағаштарын баққа отырғызу» ойыны арқылы оқушыларға жауап – сұрақ арқылы тапсырмалар берілді. Үшінші тапсырмада

«Тұлғаны танып – біл» ойыны арқылы жайдарман жұлдыздары мен жайдарманшылардың портреттерін тапсырма ретінде берілді. Дұрыс жауап берген оқушылар бағаланып отырды.

Сергіту сәтінде оқушыларға «Май шам» ойынын ойнатылды. Сабақты пысықтау, қорытындылау кезеңінде «Жауап-сұрақ» тақырыбын күн диаграммасына жазып, сайыс кезінде оқушыларға қандай қасиет керектігін жазады. Үй тапсырмасына «Еркін жазу» әдісі бойынша «жауап-сұрақ» тапсырмасын құрастырып келу тапсырылды.

Ашық сабаққа Аудандық оқушылар үйінің әдіскері Әбдіреева Айгүл апай, «Жас натуралист» үйірмесінің жетекшісі Сматова Мархабат, « Тарих» үйірмесінің жетекшісі Әділов Алтынбек қатысып, талқыланып «жақсы» деп бағаланды.

«Жайдарлы Жас ұлан» үйірмесінің жетекшісі: Малаев.Н

Жауап - сұрақ

атты ашық сабақ

Жосалы кенті 2015

«Бекітемін»

«____» «__________» 2015 жыл

Аудандық оқушылар үйінің

басшысы: Н.Наурызбаева

Сабақтың тақырыбы: Жауап – сұрақ сайысы. (ширату сайысы)

Сабақтың мақсаты:

А) Білімділік: Үйірме оқушыларына жайдармандағы жауап – сұрақ сайысы туралы мәлімет беру. Жауап – сұрақ сайысының шарттарын, қағидаларын таныстыру. Оқушылардың тапсырмаларды орындау арқылы білім қорларын толықтыра түсу.

Ә) Дамытушылық: Оқушылардың сын тұрғысынан ойлау, жүйелеу дағдыларын қалыптастыру. Жайдарманға деген қызығушылықтарын арттыру, ізденімпаздық, ептілік, шапшаңдылық қабілеттерін дамыта түсу.

Б) Тәрбиелік: Оқушыларды ізденімпаздыққа, кішпейілділікке, бір – бірімен өзара достық қарым – қатынаста болуға тәрбиелеу.

Сабақтың түрі: Аралас сабақ

Сабақтың типі: білімділік пен дағдыны қалыптастыру.

Сабақтың әдісі: түсіндіру, ой қозғау, көрнекіліктер т.б.

Сабақтың барысы:

І. Ұйымдастыру кезеңі:

А) Оқушылармен сәлемдесу, түгелдеу.

Ә) Оқушылардың сабаққа даярлығын тексеру.

Б) Оқушылардың назарын сабаққа аудару.

ІІ. Үй тапсырмасын тексеру. «Бағдаршам» әдісі бойынша Үйге берілген тапсырма: Әр оқушы қайым айтысқа 2 жол өлең шумағын жазбаша түрде жазып дайындалып келеді.

ІІІ. Өткен білімді тексеру. «Гүлдер жинау» ойыны (сұрақ – жауап арқылы өткенді кайталап қорытындылау). 1) Сәлемдесу сайысы неше минуттан аспауы тиіс? 2) Жамбы атудың басқаша баламасы? 3) Бейне сайыстың неше түрі бар? 4) Көрініс сайысы неше минуттан аспауы тиіс? 5) Бес сайыстың құрамын ата? 6) Фестивалъдік ойын неше минуттан аспауы тиіс? 7) Бір әуен аясында сайысының жайдарманшылар арасындағы атауы? 8) Көрініс (СТЭМ) сайысында сахнада неше адам өнер көрсете алады? 9) Ребус сайысы кандай сайыс? «командалық» 10) Қайым айтыс сайысында қанша уақыт ішінде жауап беруі тиіс? 11) Жамбы ату сайысының басқаша атауы? 12) Ойлан тап! Сайысының өту формасы қандай?

ІҮ. Жаңа білімде меңгерту. Теориялық бөлім.

1)ЖАУАП-СҰРАҚ. Дәстүрлі сұрақ-жауап ойынының керісінше нұсқасы. Сұрақ ретінде бір сөз айтылса, қарсылас команда соған лайық сұрақ ойлап табуы керек. Мысалға, берілген сөз «әліппе», сұрақ - «Бірінші сыныпқа бірге барғанбыз, екінші тоқсаннан кейін кетіп қалды. Бәріміз шығарып салдық. Орнына ең жақын адамның тілі келді». Бұл сайыста ойыншылардың фантазиясы мен креативті ойлана алу деңгейі бағаланады. Сұрақ неғұрлым сауатты да ақылды жасырынған болса, соғұрлым жоғары бағаға ие болады.

2) Бейнебаян көрсету. Жайдарман сайысы кезіндегі сұрақ – жауап ойыны.

Ү. Сарамандық бөлім.

1-тапсырма «Сұрақ – жауап» ойыны: Әр оқушы тақтада жапсырылған смайлктердің біреуін таңдап алады. Смайлктің артында логикалық сұрақтар болады. Сол сұрақтарға 2 минут ішінде ойланып, тиянақты жауап беруі қажет.

1) Қайыңда 50 жаңғақ өсіп тұр. Қатты соққан желден 10 жаңғақ түсіп қалды. Қанша жаңғақ қалды? Ж: Қайың ағашында жаңғақ өспейді.

2) Бір адам құйып тұрған жаңбырдың астында қалыпты. Үйіне келгенде үсті – басы малмандай су, тек шашы су болмапты. Неліктен? Жауабы: Шашы жоқ

3) Төрт қызметші. Бір патша. Ж: Үстел

4) Тауық бір аяғымен тұрса 3 кг, екі аяғымен тұрса қанша кг? Ж: 3 кг

5) Королъ кімнің алдында тәжін шешеді? Ж: Шаштараздың

6) Құлақ не үшін керек? Ж: Көз ілдірікті ұстап тұру үшін.

7) Үйдің ең суық жері? Ж: Сырты

8) Машинаның қай дөңгелегі айналмайды? Ж: Запастағы дөңгелегі

9) Қатты жылдамдықпен келе жатқан жүк машинаны бір қолымен кім тоқтата алады?

Ж: жол полициясы

10) Жердің ортасында не бар? Ж: «е» әрпі

11) Есікті ашу үшін не қажет? Ж: есіктің жабық болуы қажет

12) Жеген сайын жылататын нәрсе? Ж: таяқ

2 – тапсырма: «Жауап – сұрақ» әдісі. «Жеміс ағаштарын баққа отырғызу» ойыны. Берілген тапсырмаларға ұпай саны 1 эмблемамен бағаланады.

1)Алма жемісі: Пирожки. Ж: Ас атасы нан, оның анасы кім.

2) Алмұрт жемісі: Көлік. Ж:Төрт дөңгелекті темірді алғанда қуанасың, соғып алсаң киналасың.

3) Банан жемісі: Химия Ж: Осы пән қиын ашиды миың, кітаптың бағасын сұрасаң 800 тиын.

4) Құлпынай: Көлеңкенің Ж: Ненің көлеңкесі жоқ?

5) Ананас: Су Ж: Еш тесікке тұрмайды, Ол жоқта жер құрғайды, Бұл не?

6) Өрік: Би Ж: Музыка қосылса өзімізден өзіміз қозғаламыз, Осы қозғалғанан тоқтай алмай қаламыз.

7) Жүзім: ҰБТ Ж: 11 сынып оқысаң қуанасың, бітірер соңында қиналарсың. Соңғы сынан өте алмасаң, папам менен мамамның ұрысына бір тоярсың?

8) Апельсин: Ғаламтор Ж: Бүкіл әлемнің патшасы, адамдардың қалтасы, Төрт бұрыштың картасы.

9) Шие: Ұялы телефон Ж: Кіп – кішкентай дүние адамға пайдасы зор, Ол бір күн болмаса зияны мол.

10) Анар жемісі: Сағат Ж: Үш бірдей тілі бар, күнтізбе тілі олда бар, Жұмысынан қалма деп, оятатыныда бар.

11) Лимон жемісі: Кілт Ж: Шағын қана дүние, үлкен есіктің патшасы, Жолғалтсаң егер сен ашылмайды қақпасы.

12) Таңқурай жемісі: Тоңазтқыш Ж: Төрт бұрышты үлкен зат, есігін ашшан қыс болар, тоғын ажыратып тастасан, шамалдан кейін жаз болар.

3 – тапсырма: «Тұлғаны танып – біл» ойыны: Оқушыларға жайдарман сахнасында өнер көрсетіп жүрген жайдарманшылардың портреттерін тапсырма ретінде алады. Суреттегі жайдарманшы команданың атын, сахналық рөлін, жетістіктерін, кай өңірдің намысын қорғап жүргендегі туралы мағұлмат беру қажет.

ҮІ. Сергіту сәті. «Май шам» ойыны. Оқушылар шеңбер құрып қолдарына шырақ алып

бір – біріне жылы лебіздерін білдірді.

ҮІІ. Өтілген сабақты пысықтау, қорытындылау.

«Жауап – сұрақ» сайысындағы қасиеттерді күн диаграммасының сәулесіне жазады?

ҮІІІ. Үй тапсырмасы: Үйге «еркін жазу» әдісі бойынша «жауап – сұрақ» тапсырмасын құрастырып келеді, қағаз бетіне түсіріліп келу тапсырылады.