Жаңа нәрсені оқыту адамның нені білетінімен және түсінетінімен байланысты.(МАН,1-тезис,35бет,).Мұғалімдер оқушылардың не білетінін және нені жасай алатынын,сондай ақ олардың қызығушылықтарын,әр оқушының нені жақсы көретінін және не істегісі келетінін түсінуге тырысады.(МАН,35-бет). Мен сабақты бастамас бұрын оқушылардың көңіл күйін көтеру керек деп шештім. Сыныпқа кіріп,амандасқан соң оларды ортаға шақырып,шаттық шеңберін құру керектігін айттым. Шаттық шеңберінде оларға смайлик көрсеткізу арқылы көңіл күйлерін көртердім. Сонымен,бүгінгі күнге жақсы көңіл күй тілеп, топқа бөлу үшін киіз үйді ортаға қойып ішіне қима қағаздар салып «Мозайка » әдісі арқылы топқа бөлдім. Оқушылар бір-бірден қима қағаздарды жылдам құрастырып топқа бөлініп отырады.Топқа бөлініп отырғаннан кейін топ ережесін естеріне түсірдім. Сонымен бағалаудың формативті екенін слайд арқылы түсіндірдім. Бағалудың түрлерінәрбір топтың алдына тастадым.
Оқыту оқушының бастапқы білімі мен дағдыларын назарға алып, оларды өрістетуді мақсат еткенде мәнді болады.(МАН,2-тезис,35-бет). Сабақтың басында оқушылардан өткен сабақ бойынша үйге берілген тапсырманы тексеріп шықтым. Оны «микрофон» әдісі арқылы жүзеге асырдым.Әрбір оқушыға сұрақ қойып микрофонға жауап бергіздірдім.
Осы байланыстарды дамытып,нығайту үшін проблемеларды шешу үдерісін толыққанды қатыстыру қажет.(3-тезис,35-бет)Жаңа тақырыпты ашу үшін оқушыларға слайд арқылы суретті жұмбақ жасырдым. Жұмбақтың шешуі мен өткен сабақтың арасында қандай байланыс бар екенін оқушылардан сұрап,жаңа сабаққа дайындық жүргіздім.
Оқушыларға гипотеза жасауға,оны қорғауға,сынақтан өткізуге және құруға уақыт беріңіз.(4-тезис,35-бет).Жаңа тақырып бойынша сұрақтарға әр топтан бір оқушы жауап береді.
Оқушылардың бір бірін оқытуына мүмкіндік беріңіз (5-тезис,35-бет).Жаңа сабақты түсіндіру мақсатында «Мен мұғаліммін» ойынын қолдандым. Әр топқа кеспе қағаз таратып бердім. Мәтінді үшке бөліп, үш топқа бөліп бердім. Әр топ мәтінді оқып,түсінгендерін басқа топқа айтып береді. Осы тапсырманы орындау барысында оқушылар қызығушылық танытты. Бұрын барлық оқушыларға мәтінді түгел оқытып,түсінгендерінен ғана сұрайтынмын және үлгермейтін оқушылар қалып қоятын. Әр топтан бір оқушы түсінгенін басқа топқа айтып бергенде,басқа топтың оқушылары бірден түсініп алады екен. Бұл тапсырманы орындағанда оқушылардың оқуға деген қызығушылығы артатүсті.Ойхон, Ситора,Ясмина сияқты оқи алмайтын оқушылар оқи бастады. Әрине бұл бір сабақта нәтиже берген жоқ.
Қолайлы оқу үшін оқушыға кері байланыс пен мадақтау қажет,сондықтан бағалау ізгі болуы керек (8-тезис,36-бет). Сабақта бас бармақ және қол шапалақтау арқылы өзін-өзі және өзара бағалады. Ал мен жалпы бағалап отырдым. Бағалау оқушыларға өте қызық болды.Олар топтағыларды бақылай отырып,өзін өзі реттеуге де біршама төселіп қалды. Осы бағалаулар арқылы өзінің білім деңгейі қаншалықты екендігін білді. Білім алуға түбегейлі ықпал етіп,оқуын ары қарай жақсарта түсуге ұмтылып,түсіне білді.Сабақ соңында кері байланыс жасалып,оқушылар «Жеміс ағашына» 2 жұлдыз бір тілекті стикерге жазып,сабағымызды аяқтадық.
Сабақтың сәтті өтуіне көп күш жұмсап,тиімді әдіс-тәсілдерді қарастырдым.Соның нәтижесінде бүгінгі сабағымның сәтті тұстары басымырақ болды.Тағы бір сәтті жағы-сабағымда жеті модульдің төртеуі қамтылды.
