Ашы? саба? "Жанашырлы? - жан?а ?уат"

Сабақ мақсаты: Сүйіспеншілік құндылығының мәнін ашу. Жаныңда жүрген жақын адамдарды (отбасы мүшелері, құрбы - құрдастар, достар) сыйлауға, құрметтеуге үйрету.

Міндеті:

1. Оқушылардың өзін-өзі тану пәніне қызығушылығын арттыру, оларды рухани-адамгершілік құндылықтарға тарту; рақымшылыдық, жанашырлық қасиеттерінің мәнін ашу;

2. Балалардың шығармашылық әлеуетін белсендіру, өздерінің бойында жоғары адамгершілік қасиеттерін қалыптастыру;
   өмірлік міндеттерді шешуіне, шынайылық және рақымшылдық, қамқорлық қасиеттерін дамыту.

3. Үлкендерді сыйлауға, кішіпейілділікке тәрбиелеу.

Ресурстар:

интерактивті тақта, «Мұхит асты саяхат» әуені, оқулық дәптер, стикерлер, күннің көзі мен бұлттар суреті, «Шеше мен бала» үнтаспасы, «Жанашырлық» видеоролигі.

Сабақ барысы:

1. Ұйымдастыру кезеңi.

Сәлемдесу, оқушылардың көңіл-күйін сұрау, сабаққа қатысуын тексеру.

Тыныштық сәті. «Мұхит астына саяхат»

Ойша су асты патшалығына саяхат жасайық. Сіздерді түзу отырып, қолдарыңызды тізеге қойып, аяқтарыңызды айқастырмауларыңызды өтінемін. Көздеріңізді жұмып, бірнеше рет демалып, дем шығарыңыздар. Денелеріңізді бос ұстаңыздар.

Біз теңіз жағалауында жүрміз деп ойлаңыздар. Теңіз толқындары мен шағалалардың баяу дауыстарын естіп тұрсыз ба? Жалаң аяқ астында жұп- жұмсақ құмды сезесіз бе, ұзақта теңіз үстінде бір қара нүктені байқадыңыз, ол не екен? ... ол дельфин, дельфин жүзіп келіп, сізді теңіз асты патшалығына саяхаттауға алып бару үшін келіп тұр. Жайлап оның арқасына отырып алыңыз да, саяхатқа шығыңыз. Теңіз түбіне сүңгіп кеткен дельфин досыңыз сізге бар ыңғайды жасап келеді. Мөп- мөлдір су астында сіз өмірі көрмеген түрлі- түсті өсімдіктер мен балықтың бірнеше түріне тап болдыңыз. Алдыңызда әртүрлі балықтар өтіп жатыр, ал анау алыстағы сегіз аяқ болар. Алақаныңызбен сипап өткен өсімдіктердің мақтадай жұмсақтығы сізді тамаша бір сезімге бөледі. Керемет, неткен тыныштық пен сұлулық десеңізші... Кәдімгі көк экрандағыдай көрініс. Осы жағдайда сәл бола тұрыңыз.

Ал енді жоғарыдағы өз әлемімізге қайту үшін дайындалыңыздар. Жан- жағыңызға мұқият қарап алыңыз. Неткен тыныштық, неткен сұлулық, осы тыныштықтың сізге қалай әсер ететіндігін есте сақтаңыз. Дельфин жер бетіне қайтпақшы, сіз жағалауға келдіңіз. Дельфиннен түсіп, оны маңдайынан сипап, саяхат үшін оған ризашылығыңызды білдіріңіз.

Бөлмеге келіп, өз орныңызға да жеттіңіз. Бірнеше секундтан соң көзіңізді ашасыз, бірақ осы тыныштық сезіміңізді сақтап қалуға тырысыңыз.

1. Үй тапсырмасын тексеру.

№ 13 сабақ. Бауырмалдық және кеңпейілділік

Қайталау сұрақтар:

1. Балаға мінездеме беру. Бала қандай еді?

Оқушылар дәйексөздің мағынасын түсініп білу үшін видеоролик көрсетіледі.

1. Дәйексөз.

«Өзіңе де, өзгеге де жақсылық тіле»

А. Йүгінеки

(Дәйексөзді талдау, дәптерге жазып, 2-3 рет бірге қайталап оқимыз)

1. Мұғалімнің сыйы

Шеше мен бала Ел аузындағы аңыз әңгіме

Шешесі қыз баласынан сұрады:

-Берген ақшамды қайда қойдың?

-Біреуге бердім.

-Кімге?

-Бір тентек балаға бердім.

-Мұнан былай тентек болма деп берген шығарсың?

-Рас,әже екінші рет тентек болма!-дедім.

-Құста құдайдың жәндігі ғой,-Әже.

-Біз де, құс та,бөтен жан-жануардың бәрі де құдайдың жаратқаны.

-Әлгі бала құдай-тағаланың жаратқан кішкентай құсын ұстап алып сатайын деп жүр екен. Құс кісі аярлық болып шиқылдап тұрды, сонда алып жүрген бала тұмсығын қыса береді. Бишара құстың даусын құдай-тағала есітеді деп қорыққан шығар деймін.

-Онда сен не қылдың?

-Мен балаға ақша беріп, сатып алып,құсты ұшырып қоя бердім.

-Менің бұл ісім сауап емес пе?

-Әрине, сауап. бишараларға қайырлы болғаның.

-Ол бала кім біледі, кемтарлықтан құсты сатуға жүрген-ау.

-Мен де солай ойлаймын. Сонда сөйлесіп отырған бала сіңлісіне қарап:

-Мана ақшаның бәрін берген жақсы болған екен- деді.

Сіңлісі шешесіне қарап:

-Апам екеуіміз мана бәстесіп едік, ол балаға апам құсының бәсі не деп сұрамай ақшасының бәрін берді.

-Мен айтамын: «Құстың бәсі не деп?» - сұрау керек еді.

-Қайсымыздікі дұрыс?

Шешесі үлкен қызына қарап айтты: «Сенің де бұл істеген ісіңді дұрыс деймін. Егер манағыдай бала жолықса, ақшаның бәрін бастапқы балаға беріп қойдың, соңғыға не берер едің?

-Онда мен тағы да саған келер едім.

-Егер мен де ақша болмаса қайтер едің?

-Онда а, недерін біле алмады. Көп рет жақсылық етуге шамаң келсін десе, әр нәрсеге күтімді болу керек. Құстың бәстесін сұрап, кемге бермеймін десе, сонда ақшаның бәрін беру керек еді.

-Ол құстың өзі не құс екен?

-Мен сұрағаным да жоқ, Әже.

-Өзің айтушы едің «Жақсылық жасаған адамның атын да сұрама»

-Солай,солай, шырағым.

-Әже көрсең еді, құсты қоя бергенімде әуелі, қуанғаннан ұша алмады. Сонан соң құсты сатқан баладан уәде алдым, екінші рет ұстама деп.

-Қызым, жақсы іс етіпсің

-Мінеки,саған тағы да –теңге.

-Алла разы болсын Әже.

-Шырағым,қозым, әрдайым осындай рақымды бол.

Саған мұның үшін құдайым рақым етер-деді.

Сұрақтар:

1. Қыздың неге жаны ашыды?

2. Бұл мәтінде қандай жақсы іс байқалып тұр?

3. Анасы қызына қандай тілек айтты?

4. Сіз осындай жағдайда болсаңыз не істер едіңіз?

1. Шығармашылық жұмыс. (Жақсы әуен)

Оқушыларды 2 топқа бөлу (стикерлерде сөздері жазылады, әр бала 1 стикерді алады)

Жақсылық пен Рақымшылдық тобы

1топ Айналаңа не үшін жанашырлық танытар едің?

2 топ Жанашырлық таныту барлық кезде қажет пе?

Сұрақтарына өз ойларын жазады.

Дәптермен жұмыс

Ойын: «Күннің көзін бұлттан арылту»

Бұлтпен толық жабылған күннің макетін дайындаймын.Бұлттың артқы бетіне сұрақтар жазылады.Ойынға шыққан оқушы кез келген бұлтты алып,сұраққа жауап беріп біткенде күннің көзі бұлттан арылып,сәулесін шашады.

1.Кішіпейіл болу дегенді қалай түсінесің?

2.Достарыңмен және жақын адамдарыңмен ренжіскен кезде қандай күйде боласыңдар?

3.Кешірім сұраудың достықты сақтауға көмектескен кездері болды ма?

4.Сендер әркез шындықты айтасыңдар ма?

5.Үлкендерді сыйлау дегеніміз не?

«Сиқырлы пошта» ойыны

– Сиқырлы пошта аталатын себебі, ол сүйіспеншілік сөздері, нәзік әрі жылы сөздер, жұбату

сөздері жазылған хаттар мен ашық хаттарды ғана жіберуге көмектеседі.

– Сендер ондай сөздерді білесіңдер ме? Ол сөздерді біз кімге айтамыз? (Балалардың

пікірлері).

– Сүйіспеншілік сөздерін біз жақын туысқандарымызға, достарымызға айтамыз. Бір-бірімізге

сиқырлы пошта арқылы хаттар жіберу үшін белгілі жолдан өту қажет.

Балалар екі топқа бөлініп, бір-біріне қарама-қарсы 12-16 қадам арақашықтықта тұрады.

Ойынның мақсаты: қарама-қарсы тұрған адаммен кездесу.

Ойынның шарты: жылы сөз айтқанда ғана бір адым алға жүреміз. Мысалы: «Әйгерім, сен

мейрімдісің!», «Зарина , сен қамқоршысың!», «Серік, сен ұқыптысың!», Сұлусың! Көңілдісің! (т.б.)

1. Үй тапсырмасы.

№15 сабақ Он екі миллион мәтінін оқып, сұрақтарға жауап беру

1. Тыныштық сәті (баяу музыка ойнап тұрады)

• Балалар көзімізді жұмып бүгінгі сабақтан алған жақсы, жағымды әсерлерімізді жүрегімізге сақтаймыз. Рахмет.