Ашық сабақ "Синоним сөздер"

Сабақтың тақырыбы: Синоним сөздер

Сабақтың мақсаты:

а) білімділік - алдыңғы сабақтарда өткендерді еске түсіріп, қайталау арқылы, жаңа сабақты меңгерту. Синоним туралы түсінік беру.

ә) дамытушылық – жеке тұлғаның ой-қабілетіне әсер ету арқылы оқушылардың жекелей, топпен жұмыс жасау әрекеттерін дамыту.

б) тәрбиелік – мәдениетті сөйлеуге, инабаттылыққа, ізденімпаздылыққа тәрбиелеу.

ойлауға және жүйелі сөйлеу білуге баулу.тәрбиелеу,

Сабақтың әдісі: ойын арқылы оқыту технологиясы

Сабақтың түрі: іздендіру сабағы

Көрнекілігі: интерактивті тақта, суреттер, таблица.

Сабақтың ұраны:

Өзің ойлан, өзің тап, өзің ізден,

Деген ақыл оқимын көзіңізден.

Қ.Мырза-Әлі

Күтілетін нәтиже:

Оқушылар синонимдерді меңгереді

Синоним сөздерді пайдалана отырып сөйлем құрастырады

Сабақтың өту барысы:

Ұйымдастыру кезеңі.

Үй тапсырмасын тексеру.

- Лексика деген не, қай тілден шыққан?

- Сөздің мағыналарына нелер жатады?

- Антоним дегеніміз не?

- Антоним қай сөз таптарынан болады?

Жаңа сабақтың шартын түсіндіру

• Балалар, бүгінгі біздің сабағымыз жеті бөлімнен тұрады. Мына жерде жеті тор бар. Әрбір бөлімді өткен сайын бір тордан ашып отырамыз. Тапсырмалардың барлығын орындасақ, сабақ соңында тақырыбымыз шығады.

1) Слайд: Мәтелдерді оқып, мағынасы жақын сөздерді табу.

1) Жалқаудың жаны тәтті

2) Еріншектің ертеңі бітпес.

3) Өз елің – алтын бесік.

4) Отан – оттан да ыстық.

5) Ерлік пен бірлік егіз.

6) Ырыс алды ынтымақ.

2) слайд: Сөйлемдердің ішінен мағыналас сөздерді теріп жазу.

1) Орман аңдары да қысқы азықтарын жинайды. Адамдар үй жануарларына қысқы тамақты жазда жинайды. (азық, тамақ)

2) Мұрат адал, шыншыл бала. (адал, шыншыл)

3) Бұлақтың суы мөп-мөлдір. Қыста ауа тұп-тұнық болады. (мөп-мөлдір, тұп-тұнық)

4) Бір аптада жеті күн бар.Бір жұма бойы күн салқын болды. (жеті күн, апта)

5) «Наурыз мейрамы» мұсылмандардың Жаңа жылы. 8 Наурыз – аналар мерекесі. (мейрам, мереке)

3) слайд: Суретке қарап, мағыналас сөздерді қолданып, сөз тіркесін құрастыру.

Қыз

Ұл

әдемі, сұлу, көркем дарынды, қабілетті

4) слайд: «Ғажайып алма ағашы» ойыны.

Алмада жазылған сөздерге мағыналас сөздерді тауып жазу.

Қалың, мол, биік, дәмді, жылдам, аспан.

5) слайд: «Кім тапқыр?» ойыны. Берілген сұрақтарға жауап беріп, сөйлемдегі асты сызылған сөзге мағыналас сөз табу.

1) Қазақстан Республикасының Мемлекеттік нышандарын атаңдар? (рәміздер)

2) Елбасы деген сөздің орнына тағы қандай сөзді қолдануға болады? (президент)

3) Сендерге ең жақын адам кім? (ата-ана, әке-шеше)

6) слайд: Жұмбақ шешу.

1) Бір ағашта бес тармақ, Бес тармақта бес жаңғақ. (саусақ, тырнақ)

2) Ерте тұрады, Жар шақырады. ( әтеш)

7) слайд: Мақалды оқу және асты сызылған сөзге мағыналас сөзді табу.

1) Жалқаудың екі досы бар. Бірі – ұйқы. Бірі – күлкі.

1. Әдепті бала – арлы бала,

Әдепсіз бала – сорлы бала.

Балалар тордың барлық көздері ашылды. Енді бетіндегі суреттердің бірінші әріптерінен сөз құрастырып, сабағымыздың тақырыбын білеміз. Жазылуы әртүрлі, мағыналары жақын сөздерді синоним сөздер дейміз.

Кітаппен жұмыс.

Жаттығу жұмысын орындау.Берілген сөздерді дәптерлеріңе көшіріп, сөйлем құрастырыңдар.

8) слайд: Шағын тест.

1) Синонимдерді анықтаңыз.

А) Жаман – нашар. В) Үлкен – кіші. С) Қайратты – күшті.

2) «Әдемі» сөзінің синонимін анықтаңыз.

А) Жаман. В) Үлкен. С) Сұлу.

3) Синонимнің анықтамасын көрсетіңіз.

А) Мағыналары жақын сөздер.

В) Мағыналары бір-біріне қарама-қарсы сөздер.

С) Жазылуы бірдей, бірақ мағыналары басқа сөздер.

4) «Сұлу», «көркем», «әдемі» қандай сөздер?

А) Антоним сөздер. В) Омоним сөздер. С) Синоним сөздер.

5) Синонимдік қатарды көрсетіңіз.

А) Мұғалім – ұстаз.

В) Биік – аласа. С) Ерте - кеш.

6) Мағыналары жақын сөздер қалай аталатынын көрсетіңіз.

А) Антоним. В) Омоним.

С) Синоним.

Қорытындылау. Бағалау

Үйге тапсырма: Ережені жаттау, мәтінді оқу.