1001 мақал, 101 жұмбақ танымдық сайысы

Әлібек Бүркітбаев атындағы ЖББ №12 орта мектеп КММ

2-4 сыныптар арасында сайыс

Дайындаған:

«Жас ұлан» ұйымының жетекшісі:

Сламбекова Ж.К

2017 жыл

Бекітемін:

А.М.Омарова

Өткізу күні: 21.01.2017 жыл

Өткізу уақыты: 12⁰⁰

Өткізу орны: 39 кабинет

Қатысушылар: 2, 3, 4-сыныптар

Жұмыс бағыты: зияткерлік

Тақырыбы: «1001 мақал, 101 жұмбақ» сайысы

Мақсаты: Оқушыларға мақал-мәтел, жұмбақ жайлы білім беру, білімдерін жинақтау, толықтыру, пысықтау.

Міндеттері:оқушылардың халық ауыз әдебиетіне деген сүйіспеншілігін, қызығушылығын, ойлау қабілетін дамыту, топ алдында сөз жүйесін таба білуге үйрету, халық ауыз әдебиетін құрметтеп, оны дамытуға, тіл мәдениетіне, достық қарым-қатынасқа, ой ұшқырлығы мен тапқырлыққа, өз ұлтын сүюге, халық мәдениетін жалғастыруға тәрбиелеу.

Өткізу түрі: танымдық ойын сабақ

Техникалық қамтамсыз ету: интерактивті тақта, слайд

1. Ұйымдастыру кезеңі

Оқушылармен сәлемдесу, назарын аудару

1. Негізгі бөлім:

Барысы

-Құрметті ұстаздар, оқушылар! Халық ауыз әдебиетін дамыту, халық мұрасын сақтау және жалғастыру, тапқырлық пен ой ұшқырлығына тәрбиелеу мақсатында бүгінгі «Жас қыран» ұйымының арасында «1001 мақал, 101 жұмбақ» атты танымдық ойынға қош келдіңіздер.

Мақал-мәтел, жұмбақ – ата-бабамыздан қалған өшпес мұра. Олар көлемі жағынан шағын болғанымен, мазмұны терең, құны артып, қымбат қазынаға айналып келеді. Мақал-мәтелдер ой дәлдігімен, тереңдігімен, ықшамдығымен ерекшеленеді. Ал жұмбақтар ойлау қабілетін шыңдайды.

Олай болса бүгінгі ойынға 3 топ қатысып отыр. 2-сыныптан «Білгіштер» тобы, 3-сыныптан «Тапқырлар» тобы және 4-сыныптан «Алғырлар» тобы. Ал осы топтарды әділ бағалайтын әділ қазылар алқасымен таныс болыңыздар.

1. Мектеп директорының тәрбие ісі жөніндегі орынбасары Әсел Мұхаметқалиқызы

2. Қазақ тілі пәнінің мұғалімі Назира Мұратбекқызы

3. Мектеп кітапханышысы Бибінұр Балтабекқызы

Құрметті ойынға қатысушылар. Бүгінгі ойынымыздың шарттарымен таныс болыңыздар.

1. Кім көп біледі?

2. Кім епті?

3. Мақал – сөздің мәйегі.

4. «Ойлан тап»

5. «Даналық ойдан дән ізде»

Қатысушы топтарымызға сәттілік тілей отырып, ойынымызды бастайық.

1 сайыс «Кім көп біледі?» деп аталады. Мұнда әр топқа 1 минут уақыт беріледі. 1 минутта әр топ қанша мақал айтады? Мақалды әр оқушы кезек-кезекпен айтамыз. «Білгіштер» тобы бастайды.

Рахмет. Құрметті қазылар, сіздер есептеп отырсаңыздар дейміз. Келесі «Тапқырлар» тобы, келесі «Алғырлар»тобы.

Келесі сайысымыз «Кім епті?» деп аталады. Әр топқа 2 суреттен беріледі. Сол суретке мақал айтады. «Білгіштер» тобы бастайды.

Рахмет. Келесі «Тапқырлар» тобы, келесі «Алғырлар».

Үшінші сайысымыз «Мақал – сөздің мәйегі» деп аталады. Мұнда әр топқа 5 мақал беріледі, мақалдың жалғасын табу керек. «Білгіштер» тобы бастайды.

Келесі «Тапқырлар» тобы, келесі «Алғырлар»тобы.

4 сайысымыз «Ойлан тап» деп аталады. Мұнда берілген жұмбақтың шешуін тауып, жауабын қазақ, орыс және ағылшын тілдерінде айту керек.

Соңғы сайысымыз «Даналық ойдан дән ізде» деп аталады. Бұл жерде ойынға қатысушыларды математика пәні бойынша білімдерін сынаймыз. Әр топқа есептер беріледі. Есептің жауабы арқылы әріптер жасырылған. Сол әріптен 1 сөзді табу және сол сөзге жұмбақ құрастыру керек.

Қорытынды. Бүгінгі танымдық ойынымыз өз мәресіне жетті. Ойынға қатысушыларымыз өз ойларын ортаға сала білді, өте тапқыр, алғыр екен. Ойын болған соң жеңіс пен жеңіліс қатар жүреді. Жеңіске жеткен жеңімпазды анықтау үшін қазылар алқасы өз қорытындысын шығарғанша әнге кезек берейік.

«Достарым» әні.

Жеңімпазды анықтау үшін сөз кезегі Әсел Мұхаметқалиқызына беріледі.

Марапаттау

2-сынып «Білгіштер»

3-сынып «Тапқырлар»

4-сынып «Алғырлар»

Берілген мақалдың жалғасын табу

2-сынып «Білгірлер» тобына:

1. Отан........................................отбасынан басталады

2. Оқу – білім бұлағы ...............білім өмір шырағы

3. Еңбек етсең ерінбей..............тояды қарның тіленбей

4. Ананың сүті тәтті, .................баланың тілі тәтті

5. Әдепті бала – арлы бала, .......әдепсіз сорлы бала

Берілген мақалдың жалғасын табу

3-сынып «Тапқырлар» тобына:

1. Жалқаудың ...................ертеңі таусылмайды

2. Ақыл – тозбайтын тон, .........білім таусылмайтын кен.

3. Ағасы бардың жағасы бар, ........інісі бардың тынысы бар

4. Қыз өссе елдің көркі, .........гүл өссе жердің көркі

5. Ашу – дұшпан, ақыл – дос, .......ақылыңа ақыл қос

Берілген мақалдың жалғасын табу

4-сынып «Алғырлар» тобына:

1. Батыр туса – ел ырысы ..........жаңбыр жауса жер ырысы

2. Туған жердей жер болмас ..........туған елдей ел болмас

3. Досы жоқ адам ..............тұзы жоқ тағам

4. Өнерлінің қолы алтын, .........өлеңшінің сөзі алтын

5. Жақсының аты өлмейді, ........ғалымның хаты өлмейді

Берілген мақалдың жалғасын табу

2-сынып «Білгірлер» тобына:

1. Отан........................................................................................

2. Оқу – білім бұлағы, ...............................................................

3. Еңбек етсең ерінбей,..............................................................

4. Ананың сүті тәтті, .................................................................

5. Әдепті бала – арлы бала, ......................................................

Берілген мақалдың жалғасын табу

3-сынып «Тапқырлар» тобына:

1. Жалқаудың ............................................................................

2. Ақыл – тозбайтын тон, ........................................................

3. Ағасы бардың жағасы бар, ...................................................

4. Қыз өссе елдің көркі, .............................................................

5. Ашу – дұшпан, ақыл – дос, ...................................................

Берілген мақалдың жалғасын табу

4-сынып «Алғырлар» тобына:

1. Батыр туса – ел ырысы, .........................................................

2. Туған жердей жер болмас, .....................................................

3. Досы жоқ адам, .......................................................................

4. Өнерлінің қолы алтын, ..........................................................

5. Жақсының аты өлмейді, .......................................................

Жұмбақты шешіп жауабын қазақ, орыс, ағылшын тілдерінде айту

2-сынып «Білгірлер»

1. Қабат-қабат қаттама,
   Ақылың болса аттама (кітап-книга-book )

1. Адамға серік,
   Күзетке берік (ит-собака-dog)

Жұмбақты шешіп жауабын қазақ, орыс, ағылшын тілдерінде айту

3-сынып «Тапқырлар»

1. Қанаты бар ұшпайды,
   Су астында қыстайды (балық-рыба-fish)

1. Құстан аумайды,
   Көкке заулайды (ұшақ-самолет-plane)

Жұмбақты шешіп жауабын қазақ, орыс, ағылшын тілдерінде айту

4-сынып «Алғырлар»

1. Аспаннан домалап көп моншақ төгілді,
   Бусанып жөн алып,терілді,керілді (жаңбыр-дождь-rain)

1. Ақ жібек асыл көрпедей,

Қыс болса жерді жабады.

Жазғытұрым болғанда,

Су болып сайға ағады. (қар-снег-snow)

Есептің жауабы арқылы әріптер жасырылған.

Сол әріптен 1 сөзді табу және сол сөзге жұмбақ құрастыру керек.

2-сынып «Білгірлер»

20+15-5=30

70-30+3=43

25+25+15=65

16+4+12=32

35-5-10=20

Есептің жауабы арқылы әріптер жасырылған.

Сол әріптен 1 сөзді табу және сол сөзге жұмбақ құрастыру керек.

3-сынып «Тапқырлар»

8*5+15=55

20:2+30=40

25+30-40=15

45+20+10=75

5*5-20=5

Есептің жауабы арқылы әріптер жасырылған.

Сол әріптен 1 сөзді табу және сол сөзге жұмбақ құрастыру керек.

4-сынып «Алғырлар»

(15+60) – (15-5)=65

200+20+30=250

(8*5) + (4*8)=72

45+30-25=50

150-100+20=70

(45:5)+(6*5)=39

2-сынып «Білгірлер»

30- Т 43-А 65 - С 32-Ғ 20-А

3-сынып «Тапқырлар»

55- Т 40-А 15-К 75-П 5-І

4-сынып «Алғырлар»

65-З 250-Д 72-Ж 50-Ы 70-Л 39-Ұ