Өзін-өзі тану сабағының жоспары
Мектеп: Мұғалжар ауданы Қандыағаш қалалық №4 орта мектебі
Мерзімі :
№: 21сабақ. (Аралас сабақ)
Тақырыбы: Сенім-менің серігім
Құндылық: Тыныштық
Қасиеттері: өзін-өзі қадағалай білу, бәрін жақсы көру, қарапайымдылық.
Мұғалім: Кужаниязова Гульдана
Класс: 5 «А», «Б», «В», «Ә»
Сабақ мақсаты: Сенім-менің серігім туралыойлар ішкі тыныштық құндылығынан туындайтынын түсіндіру.
Міндеттері:
- оқушыларды бәрін жақсы көре білуге үйрету;
- оқушылардың өзін-өзі қадағалай білу қасиеттерін дамыту;
- қарапайымдылыққа тәрбиелеу.
Ресурстар:
Оқулық, дәптер (аудио,видио жазбалары )
Сабақ барысы:
1. Ұйымдастыру кезеңі:
Сәлемдесу.
Оқу құралдарына назар аудару. 5Т
- Сәлеметсіңдер ме, балалар! (оқушылар сәлемдеседі).Өзін - өзі тану сабағында көргеніме қуаныштымын.
- Бүгін далада қыстың бір жылы күні, қанеки біз бір-бірімізбен амандасып шығайық. «Бастаймыз» деген белгі берілгенде, мен қалай амандасу керек екенін айтамын, сонда сендер бір-бірлеріңмен тез-тез амандасасыңдар. Әр адаммен әртүрлі амандасасыңдар. Сонымен, көзбен… қолмен… иықпен… құлақпен… тіземен… иекпен… өкшемен… арқамен.
- Жақсы балалар міне амандасып алдық.
Үй тапсырмасын тексеру:
21 сабақ бойынша өлең жолын жаттап келу
М.Жұмабаевтың «Мен жастарға сенемін»
1. Ақын қандай жастарға сенім білдіреді?
2.Жастарға сенім білдірудің себебі неде?
Сабақ барысын талдау:
- Енді балалар, мен сендерге өлең оқимын, өлеңнің тақырыбын табуға тырысыңдаршы.
Сенім
Ә.Табылдиев
Еңбек етсем, ертеңгі
Бақытыма сенемін!
Мақсатыма жеткізер
Уақытыма сенемін!
Достық іспен қасты да
Жеңеріме сенемін!
Ақыл сана білім мен
Өнеріме сенемін!
Арым таза, ақ көңіл,
Адалдыққа сенемін!
Абыройлы ақ ниет
Адамдыққа сенемін!
(балалардың жауаптары)
- Ендеше, бүгінгі сабағымыздың тақырыбы «Сенім – менің серігім». Маған енді сұрақтарға жауап беріңдерші, қалай ойлайсыңдар?
(Шарда «Сенім» деген сөз жазылған, сол шарды балаларға беру арқылы сұрақтардың жауабын алу)
• Сенім деген сөзді қалай түсінесің?
• Өзіңе сенім артқан кезде қандай сезімде боласың?
• Қандай адам сенімге ие болады?
• Адамдардың барлығына сене беруге бола ма? Неге?
• Адамдар сенімді кісіге қалай қарайды?
* Сенімге ие болу үшін не істеу керек?
(Оқушылар өз орындарына отырады)
Оқушылардың жауаптары
- Сенім деген біреуге сенім арту, сенім артқан адамың сол істі уақытында орындау керек.
- Жауапкершілікті сезіну керек.
- Тәртіпті, ұқыпты, өз ісіне нақты көңіл аударатын, тапсырған затты уақытында орындайтын.
- Еріншек, жалқау, өзіне-өзі сенбейтін адамдарға сенуге болмайды.
4.Дәйексөз.
Жақын адамдардың,достардың,жалпы адамзаттың жақсылығына сеніп.адамдықты құрметтей білу-әдептіліктің,адамгершіліктің белгісі.
М.Жұмабаев
2рет ұлдарға, 2рет қыздарға, 1рет хормен айту
Тыныштық сәті - релаксация (Музыка қосу)
- Балалар, денелеріңді түзу ұстап, бастарыңды жоғары көтеріп, ыңғайланып отырыңдар. Ауаны терең жұтып, еркін тыныс алыңдар. (көздеріңді жұмығуда болады, көз алдарыңа достарыңмен бірге болған қызықты күндерді елестетіңдер.
Мұғалім: -Сенім тек жақын адамдар ғана арасында емес, қоғамдық деңгейде, әлемдік шеңберде де көрініс алады.
Адамның өз-өзіне, өзгелерге сенім білдіруі оның өмірге деген үміті мен қызығушылығын арттырады. Өзіне–өзі сену адамның өз құндылығын түсініп, мақсат-мүддесіне жетуіне көмектеседі.
Айналадағы адамдардың сенім білдіруі адамның жауапкершілігін арттырып, өз мүмкіндіктері мен қабілеттерін ашуға ықпал етеді.
Сенімді болу – ол жауапты және орындай білу дегенді білдіреді. Ол бастаған істі аяғына дейін орындау. Сенімді адамға қашанда ден қоюға болады. Сенімді болу – ол сөзіне берік болу, тосқауыл мен ескертусіз өзіне уәде еткенді жасау. Сенімді кісі жанымызда болғанда біз өзімізді еркіндікте, барлығы ойдағыдай болатынына сенімді боламыз. Сенімді кісі уәде берсе, соны істейді және дәл уақытында орындайды.
«.Егер өмірде өзіңе-өзің сенімді болғың келсе, қиындықпен бетпе-бет кездесуден қорықпа. Үнемі өмір сынақтарынан жасқанып, қашқақтай берсең, кезең-кезең қиындықтар туындай береді, өзіңмен–өзің әлектене бересің.
Қиындықты жеңе білген кезде ғана өзіңе өзің сенімді боласың, өз құныңды білесің. Егер ұмтылыс пен табандылық жеткілікті болса, адам қандай кедергіні де жеңуге қабілетті болады. Осының өзі саған өзіңе деген сенімділік әкелуі керек.
Сондықтан жеңіл жол іздеме, қиындықпен күресе біл»
Сан Мен Мун
4.Әңгімелеу. (мұғалімнің сыйы).
«Сынық құмыра» бейнеролик
-Осы әңгімеден не түйдіңдер?
-Шынайы әрекет қандай жағдайда көрініс береді?
-Қандай жағдайда шыдамдылық танытып, өзіңді-өзің қадағалай алдың?
-Сабырлылық адамды неге жеткізеді?
-Саған айналадағы әсер етуші жағдайлар жақсылық жасауға кедергі бола ала ма?
5.Шығармашылық жұмыс, топтық жұмыс.
Қасиеттер жазылған үш қағазбен үш топқа бөлу.(сабырлылық,шыдамдылық,шынайылық)
Тапсырма:Сөзтізбек
Тор көздегі сандардың орнына қазақ әліпбиіндегі әріптерді ретімен қойсаңыз, халықтың даналық сөзі шығады. Шыққан сөзді қорғайды.
6.Топпен ән айту.
Ізгілік әлемінде
Сөзін,әнін жазған: К.У.Каирова
Рухы таза көңілім,
Махаббаттан жаралған.
Жарқын,бейбіт өмірім,
Ізгіліктен нәр алған.
Бауырмалдық сезімім,
Қамқорлықтан нәр алған.
Сәби бала сәттерім,
Мейірімнен жаралған.2 рет.
Өшпес нұрдың сәулесі,
Жойылмасын бойымнан.
Тануменен өзімді,
Мақсаттарым қойылған.
Мейірімді жүрегім
Арманыма жетсе екен
Туған жердін алдында
Парызымды өтсе екен. 2 рет
Рухы таза көңілім,
Махаббаттан жаралған.
Жарқын,бейбіт өмірім,
Ізгіліктен нәр алған
Бауырмалдық сезімім,
Қамқорлықтан нәр алған.
Сәби бала сәттерім,
Мейірімнен жаралған.2 рет
«Біздің топтың жүрегі»Үлкен қабырғаға жабыстырыңыз. Осыдан кейін әрбіреуіңіз түсті қағаздан кішкентай жүректі алып, оған топқа арналған тілегін жазады. Осы қабырғаға жапсырылған ақ жүректе өмір жоқ, бірақ қазір әрбіреуің бұл жүрекке өздеріңнің жылы лебіздерің жазылған кішкентай жүректі жапсырып, үлкен жүрекке өмір беріп, тірілтеміз. Бұл топтың жүрегі болады. Адам тек өзіне, өзгеге, қоршаған ортаға, болашаққа сеніп қана қоймайды, бүгінгі өмірінің жарқын, шырайлы екендігіне сеніп, әр күнді шаттықпен, қуанышпен өткізу өз қолында екендігі ұмытпау керек
7.Үй тапсырмасы. 22 сабақтағы «Жан жарасы жазылмайды» және «Сабыр түбі-сары алтын» осы екі мәтінді оқып өз сөздерімен әңгімелеп беру.
8.Соңғы тыныштық сәті.
- жүрекше арқылы жақсы тілектер жазылды.
- Балалар бүгінгі сабаққа белсенділікпен қатысқандарыңа рахмет!
- Бүгінгі сабақтан алған әсерлерің қалды ма, әлде өзгерді ме – смайл арқылы апарып жапсырамыз.
- Барлық айтылған жақсы ойларды жүрегіміздің түкпіріне апарып орналастырайық.
- Сабақ аяқталды. Бүгінгі күндерін қуаныш әкелсін.
