Разработка внеклассного мероприятия Тілім тірегім

Тіл мерекесіне арналған сценарий

Яковлева Анастасия: Армысыздар, қымбатты қонақтар! Ұлағатты ұстаздар мен оқушылар!

Хамидоллин Бахытжан: Бүгін 22 қыркүйек – Қазақстан Республикасының халықтарының тілдер мерекесі күніне орай өздеріңізбен қауышып отырмыз. Олай болса, «Тіл - достықтың алтын көпірі» атты мерекелік кешімізді бастайық!

Қазақстан Республикасының Мемлекеттік Әнұраны орындалады.

Яковлева Анастасия:   Тіл – қандай ұлтта, елде болмасын әрқашан қастерлі де құдіретті. Ол әрбір адамға ана сүтімен бірге еніп, қалыптасады. Тіл - әрбір елдің жаны.

Аристанов Темирлан: Осыдан тура 25 жыл бұрын – 1989 жылы 22 қыркүйек күні "Тіл туралы" заң қабылданған болатын. Бұл заңда Қазақ ССР-нің мемлекеттік тілі қазақ тілі, ал орыс тілі — ұлтаралық тіл деп бекітілген еді.

Яковлева Анастасия:   2 «А» сыныбының орындауында «Қара жорға» биін қабыл алыңыздар!

Аристанов Темирлан: Кешіміздің тізгінін көсемсөз шеберлеріне берейік!

Яковлева Анастасия:   2 «а» сынып оқушысы Болатова Азиза ,Досказиева Салтанат

Ана тілім,

Жүрегісің анамның.

Жүрек-ана,

Мен өзіңнен жаралдым.

Сағат сайын саулығыңды тілеймін,

Сенсіз мынау керегі не ғаламның!

Сенің әрбір тынысыңмен күн кешем,

Сен арқылы тіршілікпен тілдесем. 

Аристанов Темирлан: 2 «а» сынып оқушысы Досказиева Салтанат

Тілім менің ғасырлардан аманат,

Аманатқа адам болсын қанағат.

Ар намысқа келтірмейік жаман ат,

Қазақ болып туылдың ба,

Ендеше,

Өз еліңді өзгелерге бағалат.

4 «в» сынып оқушысы Беккалиева Эльнара

Туған тілім – бабам тілі - өз тілім

Туған тілім – анам  тілі - өз тілім.

Туған тілім – заман тілі - өз тілім.

Туған тілім – адам тілі - өз тілім.

Туған тілде сыры терең жаным бар

Туған тілде әнім менен сәнім бар.

Туған тілім тіл болудан қалса егер

Жүрегімді суырып – ақ алыңдар.

Өз тілімдей қайда екен еркін басар

Тілім барда еркіме кім таласар.

Туған тілім күрмеліп әлсіресе,

Ыстық қаным суынып, сиқым қашар

Яковлева Анастасия:   Сергазиева Салтанат пен Дильназдың орындауында ән «Қазақстаным»

Аристанов Темирлан:  5«г» сынып оқушысы Жасекенова Шынардың орындауында күй.

Яковлева Анастасия:  4 «в» сынып оқушысы Акенова Данагуль

Қуан далам!

Қуанатын күн бүгін,

Серпіп таста

Мұңды жүрек түндігін

«Тіл туралы»

Заңым енді күшіне

Паш еткендей -1-

Кескен жаңа кіндігін.

4 «в» сынып оқушысы Мосеева София

Ана тілі – біздің туған анамыз.

Анамыздай – сыйлап бағып – қағамыз.

Ана тілін бағаласаң қалай біз.

Өзіміздің сондай болмақ бағамыз.

Ана тілін кім аялай білмесе .

Анасынан безген ұл – деп біліңіз.

Яковлева Анастасия:   6 «в» сынып оқушысы Иса Гулназ орындалуында «Ұйғыр биі»

Аристанов Темирлан: 6 «г» сынып оқушыларының орындауында Кулбулова Әдемі мен Амангалиева Рената ағылшын тілінен тақпақтар.

Яковлева Анастасия:   7 «в» сынып оқушысының Мусаева Айжан орындауында «Қадыр МырзаӘлінің» тақпағы.

Аристанов Темирлан: 6 «г» сынып оқушыларының Базаралиева Анеля мен Жасекенова Дарияның орындауында «Туған жер» әні.

Яковлева Анастасия:   7 «б» сынып оқушысы Кудрявцев Дмитрийдің орындауында гитарамен ән.

Аристанов Темирлан: 

6 «а» сынып оқушылары Галимова Мухамбеткалиева Кабанкинаның орындауында «Орыс биі».

Яковлева Анастасия:  7 «в» сынып оқушысы Давлетчарова Аминаның орындауында Күй.

Аристанов Темирлан:  Қазір дүниеде 2796 түрлі тіл қолданылады. Қолданатын жан саны 50 миллионнан асатын тіл – 13. Егер бұл тілдерді қолданатын жан санының аз-көптігіне қарай тізсек, реті мынандай болады: қытай тілі, һинді-ордо тілі, ағылшын тілі, испан тілі, итальян тілі. Бұл тілдер 65 мемлекетте мемлекеттік тіл ретінде қолданылады.

Дүниежүзінде ресми тіл саны алтау: қытай тілі, ағылшын тілі, орыс тілі, испан тілі, француз тілі, араб тілі.

Яковлева Анастасия:  Жалпы 6 мыңға жуық тілдің 100-і ғана мемлекеттік деген статусқа ие болған. 1989 жылы «Тіл туралы» Заң  қабылданғаннан бері қазақ тілі де осы мемлекеттердің  қатарына кіргеніне қуаныштымыз.

Аристанов Темирлан:  6 «б» сынып оқушысы Лукяненко Диананың орындауында ән «Ана тілі»

Яковлева Анастасия:  3 «а» сынып оқушысы Талгатова Маликаның орындауында тақпақ

Аристанов Темирлан:  3 «д» сынып оқушысы Ершеева Фаризаның орындауында ән.

Яковлева Анастасия:  Көрермен қауымға тіл туралы қызықты деректерімізді бөлісіе кеткеніміз жөн сияқты.

Аристанов Темирлан:  Ендеше, адамзат тарихындағы көп тілді меңгерген полиглот ғалымдар мен басқа да тіл туралы қызықты фактілерімізді естеріңізге сала жүріңіздер

Яковлева Анастасия:  Шығыс ғұламасы Әл-Фараби  70-ке жуық тілді меңгерген.

Ұлы Абай орыс-қазақ тілдерімен қатар парсы, араб тілдерін меңгерген. Орыс тілін орта жастан асып барып, кеш меңгерген.

Аристанов Темирлан:  А.С.Пушкин француз, ағылшын, неміс, итальян, испан, латын, грек, славян тілдерін білген. Көне еврей тілін зерттеген.

Луначарский испан тілін 57 жасында үйренген екен.

Яковлева Анастасия:  Профессор Құдайберген Жұбанов көп тіл білген кісі. Тіпті ана тілімізді салыстырмалы жүйемен үйренуге де, зерттеуге де себі бар деп жапон тілін де игерген. Кибернетика “атасы” деп есептелетін Норберт Винер 13 тілді зерттеген.

Аристанов Темирлан:  Люксембург халқының түгелге жуығы төрт тілде еркін сөйлей алады, әсіресе, жастары. Ең бастысы, Люксембург балалары мектепке дейін төрт жастан бастап тегін ана тілінде, екінші сыныптан бастап француз тілінде оқиды. Ағылшын тілі алтыншы сыныптан басталады.

Яковлева Анастасия:  3 «г» сынып оқушысы Мелехова Александраның орындауында «Араб» биі. -2-

Дүниедегі барлық аударма шығармалардың 33% ағылшын тілінен аударылса, 15 % – француз тілінен, ал 1%  неміс тілінен аударылады.

Олай болса, құрметті оқушылар, тілді үйрену ешқашан кеш емес. Ол үшін тек ниет пен еңбектену ғана қажет.

Аристанов Темирлан:  Бүгінгі кеш көңілдеріңізді біраз серпілтіп, тың мағлұматтар берді деген үміттеміз.

Яковлева Анастасия:  Уақыт бөліп, көңіл қойып тыңдағандарыңыз үшін көп рақмет!

Кеш Ескендір Хасанғалиевтің «Атамекен» әнімен салтанатты түрде жабылады.

№24 Орта жалпы білім беретін мектеп

«мектепішілік талкылау:

«

Өткізген: қазақ тілі мен әдебиет пәнінің мұғалімі:

Карашева Гульжанар Бактыгерейқызы

Орал – 2016 о.ж