"Абай орта мектебіне - 90 жыл" кеш жоспары

Шығыс Қазақстан облысы

Зайсан ауданы, Қарабұлақ ауылы

КММ «Абай орта мектебі»

Қазақ тілі мен әдебиеті пәнінің мұғалімі

Закариянова Гулдар Нұрлыбекқызы

1-оқушы

Құрметті ұстаздар қауымы, қадірлі қонақтар.

Міне, алтын күз де өтіп, уақыт кемесімен қоңыр күзге келіп жеттік. Табиғаттың осы бір жыл мезгілі Абай орта мектебі үшін ерекше. Мектеп қабырғасынан әлдеқашан алыстап кетсе де, бойында жылуы бар әрбір парасатты азамат әріп үйретіп, білім теңізіне жетелеген ұстаздарымен, балалық шағының талай қызықты күндеріне куә болған алтын ұя мектебін әрдайым үлкен сағынышпен, құрметпен еске алып отырады. Олай болса, құрметті қонақтар, ардақты түлектер, ұстаздар баршаңызды бүгінгі үлкен мерекемен құттықтай отырып, қошеметпен ортаға шақырамыз.

2-жүргізуші

Шығыстың мынау төрінде

Зайсан атты жерім бар

Еңбекпен күнін батырған

Берекелі елім бар

Қарабұлақ ауылы

Алыстан шалқып тұрады

Сауыр мен Сайқан бауыры

Елімнің құтты тұрағы

Білімнің нәрін құятын

Мектебім – алтын бесігім

Аламын білім дегенге

Айқара ашқан есігін

1-жүргізуші

Мектеп күні, мерейлі той 90 жыл

Елге еңбек, сүбелі үлес қосқан жыл

Мектебіне ұлы Абайдың арналған,

Шарықтасын бүгін салған асқақ жыр.

2-жүргізуші

Жаны дархан ақыл-ойдың зерегі,

Барлық шәкірт біліміңді тереді.

Ардақтайды, аялайды құрметпен,

Мерейлі менің мектебім!

Тоқсанға келді ұлы ордам

Сан түлек қанат сермеді

Білімді жанға ту қылып

Бәсекелерді бермеді

Өзіңнен шықты ғалым да

Әнші де биші, ақының

Ұлы ұям, мүмкін, бағың ба?

Ағылды алыс, жақының

Құттықтап мерей тойыңмен

Сан жылғы түлек келіпті

Кешегі ұл мен қыздарың

Тым сұлу бүгін, көрікті

«Мектеп туралы ән»

2-жүргізуші-оқушы.

Ақтарған сәтте сарғайған тарих беттерін,

Сезіндім мен де өткен күндердің көктемін.

Жатырқамастан жаныма жылу сепкенің,

Жүрегі дархан, мерейлі менің мектебім!

1-оқушы

Барлық білімнің ошағы, мейірімділіктің шуағы мектептен басталады. Туған топырағынан нәр алып, тұнық ауасымен сусындаған, сулылығын бойына сіңірген өз тарихында талайларға әріп танытып, талайлардың арманына қанат болған, үлкен өмірге бағыт-бағдар беріп, биік шыңдарға ұшырған алтын ұя мектебіміз 1924 жылы шаңырақ көтерген екен. 1924 жылы ресейден орыс шаруалары көшіп келіп, ауыл болған жерде орыс бастауыш класы ашылды. Алғашқы мұғалімдер: Григорий Васин мен Наталья Васина болды.

2-оқушы

1932 жылы қазақ бастауыш сыныбы ашылды. Оны Ментай Ибрагимов деген ұстаз басқарды. Бұл жылдары ұстаздар:Әкірам Якупович Сайфуллин, Баби Мұқышев, Сабира мұқанова, Ләкеш сейсекенов, Закария Қожекенов, Валентина Васильевна Соболева, Мария Семеновна Кобышева, Тит Власович Кобышев, Галина Степановна Калугиналар еңбек еткен.

3-оқушы

1940 жылдары мектеп үйін кеңейту мақсатында басталған құрылыс жұмысы Ұлы отан соғысы жылдары тоқтап қалып 1955 жылдың күзінде асты тақтайсыз, төбесі шатырсыз күйі пайдалануға беріліп, 1955 жылы орыс-қазақ жетіжылдығы ашылып, одан кейін сегізжылдыққа айналды. Мектеп басшылары болып Б.Камалов, Н.Ағыбаев, А.Жекбаевтар қызмет атқарды.

4-оқушы. 1959-1960 жылдары оқушылар саны артып, паралель сыныптар пайда болды. мектеп директоры болып Ж.Бисаров қызметатқарды. Ұстаздар қауымы Зайсан, Семей қалаларынан бітірген мұғалімдермен толыға түсті. Олар: Арғынбек демесінов, Камал Әшкенова, Әсия Кездікбаева, Қаппас қалимолдин, Екатерина Еремеевна Гуляева, Еділбаев, Қ. Уанбаев, А.Нәсіпбаевтар еді.

5-оқушы

Мектебім Абайдың аты берілген,

Сүйеніш болдың кезімде кейде жеңілген.

Қол бұлғап арман, алыстан көзге көрінген,

Сәттерде –дағы қадамды бастым сеніммен.

1963-1964 оқу жылынан бастап орыс-қазақ орта мектебі болып оған Абай Құнанбаев есімі берілді. Оның директоры болып Мәкеш Әукебаев қызмет етті. Осыдан кейінгі жылдары мектепті басқарғандар: Сіләмғали базаров, Арқалық Сіргебаев, Жүнісбек Бисаров қызмет атқарған. 1974-1978 жылдар аралығында Зәйкен Тұрғанбаев мектеп директоры болып істеді.

6-оқушы

Абай мектебі-жаңа мектеп, өр мектеп,

Жырымды саған жеткізем қалай өрнектеп.

Табалдырықты аттаған сәтте қолымнан.

Тартқансың өзің «Келе ғой, қызым, төрлет», -деп.

1978 жылы желтоқсанда 960 орындық жаңа мектеп пайдалануға берілді. Оны сол кездегі мектеп директоры Қадырбек Бидахметов қабылдап алды.

7-оқушы

-асыл сөздің қас шебері Ахмет Байтұрсынов «Алты алаштың баласы жиналса да, ұстаздың орны төрде» деген.

Ұлылықтың ұйытқысынан жаралған,

өнегеңнен барлық шәкірт нәр алған,

шапағаты шуақ сепкен ұстаздар

өздеріңнен бастау алған бар арман,- деп мектебімізде ұзақ жылдар еңбек еткен ұстаздар: Әсия кездікбаева, Арқалық Сіргебаев, Қаппас Қалимолдин, Мәкеш Әукебаев, Айтқазы Нәсіпбаев, Кәмеш Есенбаева, Гүлжамал Байжұманова, Құмаш Қытанов, Арғынбек демесінов, Ақан Сарсенбаев, Рәш Рақыпбаева, Мамзағали Бастаубаев, амангелді Ахтанов, Тұрысбек Өкпебаев, Қадиша Қамзанова, Лаззат асқарова, Меңдігүл Мұсылманова, Роза бекбаева, Сара Тауасарова, Жанат Қарабекова, Гүлбақыт Тантыбаева, Қарлығаш Сабекова, Гүлзипа Қалиева, айгүл байбосынова т.б.

8-оқушы

Түлектерің бар қияға талай самғаған

Өзіңнен алған білімін баптап, жалғаған

Талайға болған аяулы мектеп, арман ән.

Көркіңе сенің күн өткен сайын таң қалам,-деп осы мектепте білім алған әділбек тауасаров, Ермұрат Бапи, Жанәділ Атаев, майшекер Қорабаева, Сұңғат Әліпбаев, Жұмабек Құнанбаев, Гүлжібек Аязбаева, Далел Уашев т.б.

1. Жүргізуші

сен жайлы жазар дастаным менің тағы бар,

Қазақтың елі қасиетіңді сан ұғар.

Тарихы терең, мерейлі менің мектебім,

Өзіңе деген ақ тілегімді қабыл ал!

Ән.

1 оқушы

Мектеп тарихында көп жылдар бойында басшылық еткен ағалар мен апайларға арналады:

Толқынды толқын қуалап жарысқандай,

Ай артынан күн туып ауысқандай,

Баяхмет, Сләмғали, мәкештей ағалардың,

Тарихында мектептің ізі қалды-ай.

2 оқушы

Елге сыйлы өнегесі, беделі.

Қайраткері ақыл-ойдың кемелі.

Нардың жүгін арқалады, басшы боп.

Өрге сүйреп білім атты кемені.

Ниязбектей басшыдан тізгінді алған,

Ақынжанды адам ғой Закиолда ағам.

Еңбегінің бүгінде зейнетін жеп,

Ардагер ұстаз болып ұлықталған.

3оқушы

Мектебімнің жері көп мақтанатын,

Гүлнар апай бүгін де басқаратын.

Терең білім, кәсіби тәжірибе оған қоса,

Зор парасат бойына жарасатын.

Ән.

1-жүргізуші.

«ұстазым ұлы мәңгілік,

Жадымда қалар жаңғырып. Оқушылардың жыр шумақтарын қабыл алыңыздар.

4-оқушы. Мектебімізде қызмет еткен, қазір қызмет ететін Математика пәні мұғалімдеріне арналады:

Математика патшасы ғылымдардың,

Сан түрлі есеп, теңдеу ұғымдардың.

Салқар өші математик ұстаздардың

Сіздерден өмір сырын ұғынғанмын.

Әр үйдің болмай ма өзінше есебі,

Есепсіз қалайша еңбегі өседі.

Экономика өлшейді мемлекет тынысын,

Есеппен жасалған әр қадам күрмеуді шешеді.

Үйреткен біздерге Пифагор заңдарын,

Адамдық, адалдық ар барын

Мың алғыс сіздерге математик ұстаздар,

Жамандық көрмесін тек әзиз жандарың.

5-оқушы. Мектебімізде қызмет еткен, қазір қызмет ететін физика пәні мұғалімдеріне арналады:

Өмірдің физика атайды сырларын,

Уақыттың, дыбыстың зымырап зырлауын.

Армысыз ардагер физиктер

Оқытқан Ньютон мен Архимед заңдарын.

Пәниден бақиға озсаң да,

Ұстаздар еңбегің жануда.

Бар бізде еліне танылған.

Физиктер: ұстаз да, ғалым да.

Ел үшін тер төгіп жүр бүгін

Тәуелсіз Отанның бағына.

Қалдырған іздерің жаңғырып.

Сақталды халықтың жадында.

Би.

6-оқушы. Мектебімізде қызмет еткен, қазір қызмет ететін тарих пәні мұғалімдеріне арналады:

Өмір деген дойбының нақ тақтасы,

Кескілеске қара тасы, ақ тасы,

Жойқын-жойқын қақтығыстар, ұрыстар.

Жазылатын бар тарихтың тақтасы.

Өткенсіз болашақ жоқ деген.

Даналық сөз қалған халқымда.

Тарихты оқытқан көптеген.

Ұстаздар бейнесі жадымда.

Ел мұратын арқалаған намысты ер,

Ізі қалған тұлғалардан қайраткер.

Зүлфира апай-ол дейтұғын өнеге.

Ұстаз-ана, бұл күндері зейнеткер.

7-оқушы.

Мектебімізде қызмет еткен, қазір қызмет ететін ән-күй пәні мұғалімдеріне арналады:

Мектептің тамаша ғой ән сабағы,

Жүрек жылып, кеудеңе жан саалды.

Жаңғыртып салған әннің әуеніне.

Туған елдің бұлбұлы тамсанады.

Сегіз өнер бойын жиған дара,

Арқаланып кететін сахнада.

Жасында пайғамбардың зейнет шықты,

Ақын, сазгер, домбырашы, баянист – Бақан аға.

Жас ұрпаққа әнімен тәлім берген,

Ұстаздарым мектебіме тері сіңген.

Кейбіреуі бүгінде қатарда жоқ,

Жүректерде сақталды жарқын бейнең.

Ән. Не күй.

8-оқушы. Мектебімізде қызмет еткен, қазір қызмет ететін қазақ тілі пәні мұғалімдеріне арналады:

Үйретіп үстеу, шылауды

Тақтада сөйлем талдатқан

Жаттатып шешен сөздерін

Анама өлең арнатқан

Мұғалімдері бұл пәннің

Қашанда биік тұрады

Қазақ тілін әр бала

Сенің арқаңда ұғады

Әдебиетті оқиды

Жазушыларды саралап

Миына берік тоқиды

Әр ақынды даралап

9-оқушы

Мектебімізде қызмет еткен, қазір қызмет ететін химия пәні мұғалімдеріне арналады:

8-сыныпқа келгенде

Химия пәні қосылды

Реакцияларды көргенде

Оқушы талай тосылды

Сонда да сен білімді

Нұр қылып құйдың санама

Еңбегі зор ұстаздың

Жеңілге оны балама

Қолыңнан келсе құрметте

Еңбегін әрбір бағала

Себебі, ұстаз үйретет

Білгеннің бәрін балаға

10-оқушы

Мектебімізде қызмет еткен, қазір қызмет ететін биология пәні мұғалімдеріне арналады:

Қызықты өттік сабақтар Биология пәнінен

Мұғалімдері бұл пәннің

Жаныма жақын бәрінен

Себебі, олар жолыма

Мол үмітпенен қарады

Менен бір жақсы азамат

Шығады – ау деп санады

11-оқушы

Мектебімізде қызмет еткен, қазір қызмет ететін дене шынықтыру пәні мұғалімдеріне арналады:

Ұрандап қалыспай,

Жарыста жеңеміз.

Құрыспай, құрыштай,

Шыныққан денеміз.

Денсаулық-зор байлық.

Көп көңіл бөлеміз.

Кез келсе қиындық.

Бірлікпен жеңеміз.

Дені сау азамат,

Мақсатым сол дейтін.

Өр, өжет лебізің,

Жүректі тербейтін.

Жарақат ап қалсам.

Ұстазым емдейтін.

Шәкіртің додада,

Намысты бермейтін.

Көк туды шалқытып,

Біз талай самғаймыз.

Сіз берген тәлімді,

Ұрпаққа жалғаймыз.

2-жүргізуші

Қуанышты кернеген,

Жүрек қалай жасырсын.

Бар баланың бақыты

Ұстаздарым асылсың.

1-жүргізуші.

мектебім менің, атыңдай өзің текті едің,

Ұрпаққа тарих болады сенің өткенің.

Тоқсан жылда өткенің тоғыз белестен,

Құтты болсыншы, мерейлі менің мектебім.