Сын тұрғысынан ойлау стратегиясын технология сабағында қолдану

Сын тұрғысынан ойлау стратегиясын технология сабағында қолдану

Керимбаева Рымгуль Жаныбековна,

Қарағанды облысы Қарқаралы ауданы

Бақты ауылының ЖББ №21 орта мектебі КММ-нің

І санатты технология пәні мұғалімі

Қазіргі өркениетке ұмтылған қоғам талабына сай Қазақстан Республикасының дамыған елдермен иық тіресіп тұруы және еліміздің болашағы мен қазіргі кезеңі үшін білімді, зерделі, өз бетімен іс- әрекет ете алатын, қоғамнан өз орнын таба алатын шәкірттерді дайындау ұстаздардың міндеті.

Еңбек тәрбиесі – барлық тәрбиенің қайнар көзі. Еңбек ету арқылы киімді пішіп тігу, көркемдеу, қолөнер шеберлігін меңгерту арқылы жас ұрпақты адамгершілік рухында тәрбиелеуді басшылыққа аламыз.

Технология сабағында оқушы бұйым түрін жасаумен бірге, оған талдау жасап, тігілу, өңделу технологиясына өз ойын, пікірін, ұсынысын айта білуге дағдыланады.

Қазіргі педагогикалық ғылымда жаңа ұғымның бірі- инновация ұғымы: оны жете түсініп, инновациялық әдіс- тәсілдерді оқу үрдісіне енгізу – оқушының саналы да сапалы білім алуының басты кепілі.

Ал инновация дегеніміз – жаңа жағдайдағы жаңалық болып табылатын, нақты мақсаттың нәтижелі жүзеге асуын қамтамасыз ететін идеялар.

Саралап оқыту – оқушының туа біткен ақыл – ой қабілетінің жеке дамуының жан – жақтылығына негізделінген білім беру жүйесі.

Барлық педагогикалық жүйе құрам бөліктерінде инновация үрдісі іске асу үшін біріншіден: оқытудың дәстүрлі емес сабақ түрлері мен жаңа әдіс- тәсілдерін қолдану, екіншіден, оқушылардың ойлау қабілетін, жаңалықтарды тез қабылдауын қалыптастыру және өмірде қолдана білуге үйрету.

«Қазіргі заманда жастарға ақпараттық технологиямен байланысты әлемдік стандартқа сай мүдделі жаңа білім беру өте қажет» - деп Ел Президенті атап көрсеткендей, инновациялық әдіс – тәсілдер енгізу жаңа білім берудің бірден – бір шарты.

Оқудың түрлі тәсілдерін – жеке тапсырмалар, шығармашылық жоба, графикалық диктант, тест, сөзжұмбақ т.б. пайдалана отырып оқушының талдау, ойлау қабілетін арттыруға көңіл бөлемін.

«Бұлақ көрсең, көзін аш», - деп халқымыз айтқандай, еңбек сабағында оқушылардың іске икемділігі мен іскерлігіне, өнерге, шеберлікке деген бейім ділігін дамыта отырып қалыптастырамын.

«Шыдамды еңбек, алғыр ой, анық досың біліп қой» - дегендей, тігу өнері, тоқу өнері арқылы оқушылардың сән үлгісіне деген қызығушылығын, эстетикалық сезімін арттырып, еңбек сүйгіштікке, ұқыптылыққа, үнемдей білуге, іскерлікке тәрбиелеу басты мақсатым.

Біз ұлтымыздың болашақ тірегі болатын сұлу да сымбатты, қайырымды да инабатты, он саусағынан өнер тамған қазақ қыздарын тәрбиелеу мақсатында «Қыз еркем, кестесімен көркем», «Өзім пішіп, өзім тігемін», «Ал, кәнекей, қыздар!», «Қазақтың салт - дәстүрі» тақырыптарында жұмыс істеп, оқушылардың жеке өзіндік шығармашылығын ұйымдастырдым.

Мұғалімнің еңбегі – шығармашылық еңбек. Ол мұғалімнен үздіксіз ізденуді,өз білімін жетілдіріп отыруды талап етеді, өйткені ол елдің ертеңі – бүгінгі жас ұрпақтың қасындағы тәрбиешісі.

Жас ұрпақты білімді, саналы азамат болып өсіп қалыптасуы ұстазға байланысты. Оқушыларды еңбекке даярлау күрделі де кешенді мәселе.

Сабақ - оқыту мен тәрбие үрдісінің негізгі формасы. Сабақтың мәнді өтуі мұғалімнің шеберлігіне және сабақтың түрі мен оны өткізудегі тиімді әдісті таңдай білуіне байланысты.

Мектебімізде мұғалімдер «Сын тұрғысынан ойлау» стратегиясын оқып, оның жекелеген элементтерін, жаңа технологияларын сабақта пайдаланып келеміз.

Сын тұрғыда ойлау философиясы:

1. Өмірлік тәжірибеге сүйену

2. Ойлау жүйесіне қозғау салу

3. Ынталандыру және белсенділігін арттыру

4.Сабақ құрылысының үш кезеңін қадағалау: қызығушылықты ояту, мағынаны тану, ой толғаныс

5. Бірлесіп жұмыс жасау

6. Сыни ойлау проблема тудыратын мәселе

Сын тұрғысынан ойлау кезеңдері:

1. Қызығушылығын ояту

2. Бұрынғыны еске алу

3. Ойлауда белсенділігін арттыру

4. Жаңа мәліметті игеруге дайындық

5. Оқушының біліміне ой салу

Мағынаны тану:

1. Сұраққа жауап алуға мүмкіндік тудыру

2. Білімді кеңейту, ойларын жүйелеуге үйрету

3. Тақырыпты ашу

4. Жұппен,топпен,ұжыммен жұмыс жасай білу

5. Өз бетімен жұмыс жасай білуді қалыптастыру

Ой толғаныс:

1.Алған білімді талдау, ортаға салу, талқылау

2.Тиянақтау, жинақтау

3.Алға бағыттау

4.Жаңа сабақты бекіту

Сын тұрғысынан ойлау технологиясын сабақ үстінде қолдану арқылы төмендегідей тиімділікке қол жеткіземіз:

Сенімділікке

тәрбиелейді

Өз пікірін ашық айтады

Бірін-бірі тыңдауға үйренеді

СТО әдістерінің

тиімділігі

Оқушының сабаққа белсен-ділігі артады

Негізгі жауапты айтады

Топтық тапсыр-малар орындауға үйренеді

Өзара сыйластыққа тәрбиелейді