«ет сорпасын дайындау»

Сабақтың тақырыбы:

«Ет сорпасын дайындау»

Сабақтың мақсаты:

Білімділік: Оқушыларға қазақтың ұлттық тағамдарының ерекшеліктері туралы түсініктері бойынша әзірлеу және ұлттық тағамдарын технологиясының әдіс-тәсілдерінің жолдарын үйрену

Дамытушылық: Оқушылардың өзіндік жұмыс барысының әр кезеңдерінде ізденуге,салыстыра білуге баулу

Тәрбиелік: Тағам жасаудың тәсілдерін үйрету барысында тазалық пен ұқыптылыққа, инабаттылыққа баулу.

Сабақ түрі: аралас

Пәнаралық байланыс: «Аспаздық», «Тағам әзірлеу технологиясы»

Әдіс-тәсілдері: Сұрақ - жауап.

Сабақтың көрнекілігі: Интерактивті тақта, нұсқау картасы

Құрал – жабдықтары:Кастрөл, ет кесетін тақтайша, асханалық пышақтар, тәрелке,қасық, шөміш,нан тақтай,оқтау,таразы

Қажетті азық-түліктер:Ет,сәбіз, пияз, май, сорпа, ұн, жұмыртқа, су,тұз

Сабақтың барысы:

І.Ұйымдастыру кезеңі:

Оқушылармен амандасу.Журнал бойынша түгендеу.Сабаққа дайындықтарын

тексеру. Жұмыс киімдерін бақылау. Қауіпсіздік ережеге арналған арнайы журналға қолдарын қойдырту.

ІІ.Кіріспе нұсқау:

1.Оқушыларға сабақтың тақырыбы мен мақсатын хабарлау.Жұмысты атқаруға қажетті құрал-жабдықтарды үлестіру.

2.Үй тапсырмасын тексеру.

1.Ірі балықты қалай қуырамыз?

(бірнеше бөлікке бөлу)

2.Азық-түліктерді жылытып өңдеу

(пісіру, бұқтыру, қуыру)

3.Балықты пісіру процесінде, оның формасы, консистенциясы және түсі сақталуы үшін қосатын өнім

(Сірке суы)

4. «Қамырдағы балық» шалафабрикат пішіні

(қалыңдығы 1 см, ұзындығы 8-10 см)

5. «Қамырдағы балық» шалафабрикаттарға қолданылатын қамыр

(кляр)

6.Тоңазытылған балықты жібіткенде , тағамдық бағалы заттары сақталып,жібіту уақыты қысқаратын тәсілі

(өте жоғары жиіліктен электр өрісінде қыздыру)

7.Ыстық балық тағамын ұсыну температурасы

(65⁰С)

8. Балық «фри» пішіні

(ромб)

ІІІ. Жаңа сабақ

Ғасырлар бойы көшпелі тіршілік тынысына орай болар қазақ халқының тағамдары ерекшеленеді.Қазақ ұлттық асханасында бірінші тамақтарды негізінен ет сорпасынан әр түрлі дәмдеуіштерді қосып дайындайды.Қазақ халқы үшін дастарқаннан, дәмнен үлкен еш нәрсе жоқ.Ет - тіршіліктің нәрі.Қазақтың ұлттық тағамдарының дені еттен жасалады.Ет дәмділігімен және өзінің құрамындағы адам организміне пайдалы белоктың заттарымен құнды.Ет жуылып, салқын су құйылған кастрөлге салынады да отты басыңқырап қойып бабымен қайнатады. Қайнаған соң көбігі алынады да одан әрі ауық-ауық сапырылып қойылады. Сонда көбігі таралады. Қазақша етке міндетті түрде қамыр иленіп, нан салынуға тиіс. Құрметті қонаққа қазан көтеріп, ет алу, оған қамыр илеп, нан салу ежелден келе жатқан дәстүріміз.

1.Қамырды жұмыртқа,тұз, су қосып илеу.Қамырдың қалындығын 1 мм етіп жаю.

2.Пиязды текшеше бен сәбізді талшықша етіп турап қуыру

3.Сорпаны отқа қою.Қайнап тұрған сорпаға шала қуырылған көкөністерді салып, 2-3 минут қайнату.Дәміне қарай тұз салу.

4.Дәмдеуіштерді қосу. Кеспені 10-12 минут қайнату.

5.Дайын тағамды оттан алып,

6.Сорпаны шұңғыл ыдыспен әкелу.Етті кесу

7.Көжені тарелкелерге бөліп құю, аскөк сеуіп безендіру.

8.Ұсынар алдында кеспеге үстіне етті салады.

ІV. Өзіндік жұмыс

Оқушылар тапсырмаларын алады. Тағамды дайындауға жұмыс орнын ұйымдастыру.Керекті шкізатты өлшеп алу. Нұсқау картасы бойынша жұмыс жасау.

Оқушылар жұмысын бақылау.Жұмыс барысында технологиялық процестердің дұрыс орындалуын қадағалау.Техникалық қауіпсіздік, санитария, гигиена ережелерін қатаң сақтауды талап ету.Керегінше практикалық көмек көрсету.Электр тогын үнемдеуді ескерту.Жабдықтарға ұқыптылықпен қарауды талап ету.Проблемалық сұрақтар қою арқылы өзін-өзі басқару жұмысын жолға қою.Әр оқушыға көңіл бөлу.

Сұрақ-жауап

1.Етті алғашқы өңдеуден өткізу

(Етті жібіту, жуу, құрғату)

2.Қазақтың басты ұлттық тағамы

(Ет)

3. Көкөністерді І-өңдеуден өткізу неше операциядан тұрады?

(Қабылдау, өлшеу, сорттау,жуу,кесу)

4. Дәмдеуіштерді атаңыз

(тұз, аскөк)

5.Ет құрамында ақуыз неше %?

(14,5-23 %)

6.Дәмдеуіш пен тұздың көптігі көжеге қалай әсер етеді?

(көженің дәмі мен хош иісі төмендеп кетеді)

7.Тағамның сапасына қойылатын талаптар

(дәмі, күйі,иісі,түсі, кесілу формасын сақтау керек)

8.Қамырдың барлық түрін әзірлеудің негізгі шикізаты

(Ұн)

9.Ыстық көжелерді ұсыну температурасы

(75⁰С)

10.Үй кеспесіне арналған қамырды дайындау үшін 1 кг ұнға қажет су мөлшері

(200г)

11.Еттің шырындылығын арттыру, дәмін жақсарту, хош иісінің сапасын күшейту мақсатында қолданылатын әдіс

(Дәмдендіру)

V.Қорытынды нұсқау

Дайын тағамның дәмін, сапасын тексеру. Оқушылардың өздеріне бағалату арқылы өз ойларын айта білуге , дәлелдеуге тәрбиелеу. Жұмыс барысында жіберілген қателеріне тоқталып өту.

Сабақты қорытындылау

Оқушылардың жұмысын бағалау.

Жұмыс орындарын жинап, жуу.

Үй тапсырмасы: Үйде де дайындау

Ұлттық тағамдарға байланысты буклеттер дайындап келу.

Сабақ аяқталды. Сау болыңыздар!