Сабақтың тақырыбы: Менің болашақтағы мамандығым.

Сабақтың тақырыбы: Менің болашақтағы мамандығым.

Сабақтың мақсаты:Модуль бойынша зат есім туралы білімдеріне қорытындылау жасау,оқушыларға мамандық

түсінігі туралы олардың адамның өміріндегі маңыздылығы туралы түсінік бере отырып өз бейіміне,қабілетіне сәйкес мамандыұ таңдау білуіне ықпал ету.

Күтілетін нәтиже:

Сыни тұрғыда ойланып,ой қорытады,ойын дұрыс жеткізуге дағдыланады.

Көрнекілік құралдары: Презентация,интербелсенді тақта,кесте

Сабақтың барысы:

І. Ұйымдастыру кезеңі.Сабаққа жағымды жағдаят жасау.

Барлық оқушылар бірге дауыстап:

Мейірімді жүрекпен,

Ақпейілді тілекпен,

Амандасып алайық,

Бір жадырап қалайық! –дейді.

ІІ. Үй тапсырмасын тексеру

Мұғалім:

-Қазақ тілінде зат есімнің сұрақтарының орыс тілінде зат есімге қойылатын сұрақтарынан ерекшелігі неде ? –деген сұрақ қояды.

Оқушылар екі топқа бөлінеді.

Постер жасау түрінде жалпы оқушылардың «зат есім» тақырыбы бойынша білімдері тексеріледі.

Дайын постерді әр топтан бір спикер таңдалып өз жұмыстарын қорғайды.

-Қазақ тілінде “кім?”деген сұрақ тек адамға және мамандыққа қатысты сөздерге қойылады.-деп оқушылар

жауап береді.

Мұғалім:

-“Мамандық “деген сөз орыс тілінде қалай айтылады? – деп оқушыларыдың жауаптарын тыңдайды.

-Иә,дұрыс айтасыңдар . Біздің де бүгінгі сабағымыздың тақырыбы мамандыққа байланысты.

Слайд 1

ІСабақтың тақырыбы және мақсатымен таныстыру.

Сабақтың тақырыбы : Менің болашақтағы мамандығым.

Сабақтың жалпы мақсаты :

Модуль бойынша алған білімдеріне қорытынды жасау. Оқушыларға мамандықтың түрлері,олардың адам өміріндегі маңызы туралы түсінік бере отырып,өз бейіміне, қабілетіне сәйкес мамандық таңдай білуіне ықпал ету.

Күтілетін нәтиже:

Сыни тұрғыда ойланып,ой қорытады,ойын дұрыс жеткізуге дағдыланады.

Сабақтың барысы:

Негізгі бөлім

І. Мұғалім Абайдың :

Әсемпаз болма әрнеге

Өнерпаз болсаң арқалан.

Сен де бір кірпіш дүниеге ,

Тетігін тап та бар қалан-

деген сөздермен сабақ тақырыбына енгізеді.

Слайд2

Сұрақтарға жауап беру.

*Балалар қандай мамандық иелері біздің ауылда тұрады ?

Қандай мамандық атауларын білесіңдер?

*Кімге қандай мамандық ұнайды?”Әңгімелеп беріңдер.

Әр оқушы өзіне ұнайтын мамандыө туралы айтып береді.

ІІ. Сөздік жұмысы

Жауапкершілік,қабілетіне қарай,бейімділігі,сүйену керек,

өнертапқыштық, сұраныс,кәсіптілік.

Слайд 3

Оқушылардың назарларына мәтін ұсынылады. Мамандық таңдау - өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Қазіргі таңда мамандықтардың түрі көп. Таңдау жасау оңай емес. Ең бастысы - адам еңбекқор болуы қажет және оның мамандығы өз халқына маңызды, бағалы үлес қосатындай болуы шарт. Өз ісіне сенімді,қабілетті, дұрыс таңдау жасаған адам ғана жетістікке жетеді. Қабілеттілік-табиғаттың әрбір адамға сыйлайтын ғажайып сыйы,Біреуге көбірек, біреуге азырақ бұйырады.Ал ұзақ уақыт бойы өз басында ешбір қабілеттілік жоқ деп санап жүрген үшінші біреу кенет өз бойынан ерекше қасиеттерді байқайды. Мысалы:оның өнертапқыштық қабілеті не сурет салуға бейімділігі, не ақындық дарыны бары белгілі болады.Өзі сұраныста және кең тараған мамандықтарға дәрігер, заңгер,мұғалім және құрылысшы мамандықтарын атап өтуге болады. Ал, қазіргі ХХІ ғасыр заманында қажетті жаңа мамандықтар бар,бұған менеджер,программист,дизайнер сияқты мамандықтар жатады. Қоғамның дамуында мамандық иелерінен жоғары кәсіби біліктілікті, коммуникативтік қабілетті, еңбек етуге деген сүйіспеншілікті, қызығушылықты, өз мамандығы бойынша біліктілігін арттыруға даяр болатын мамандық иесін талап етеді. Сондықтан қажетті, қызығуы, бейімі бар мамандықты таңдай білу, өзіне, қоғамға пайдасын тигізетін мамандық таңдау өзіңе байланысты.

ІІІ. Мәтінмен жұмыс.

Мәтін түсініп оқып,мәтін бойынша сұрақтар құрастырып оларға жауап беру.

Слайд 4

І - топ жуан сұрақтар құрастырады

ІІ – топ жіңішке сұрақтар құрастырады

Қарсылас топтар бір-бірінің сұрақтарына жауап береді.

ІV. Пән араалық байланыс(әдебиет )Ауызша тіл дамыту жұмысы «Айтыс» ойыны

1.Еңбек не мамандық туралы мақалдар айтысын өткізейік. «р топтан бір бір оқушы шығып қарсыласымен айтысады.Кім мақалдарды көбірек айтса жеңіс соныкі

2.Сонымен «Миға шабуылы» - ой қозғауын бастайық: Жалпы сұрақтарға жауап беріңдер.

Слайд 5

• Мамандық дегеніміз не?

Мамандықты меңгеру үшін не қажет?

• Ауыл экономикасын көтеру үшін, ауылға ең алдымен қандай мамандықтар қажет деп ойлайсыңдар?

• Жақсы маман болу үшін адам нені білуі және үйренуі керек?

• Адам өзің белгілі бір мамандыққа қашан, қалай дайындауы керек?

• V Слайд 6

• Мақалдары оқып танысу, мақалдар туралы оқушылардың өз пікірлерін айтқызу.

• Ітоп- Мақал –мәтелден антоним, омонимдерді атау.

• ІІ топ-Мақал-мәтелден зат есімдерді атау.

• 1Еңбек пен бақыт егіз.

• 2 Еңбегі аздың - өнбегі аз.

• 3 Еңбек ширатады ,өмір үйретеді.
  4 Байлықтың көзі еңбекте.

• 5 Жақсыдан үйрен,жаманнан жирен.
  6 Еңбекпен тапқан нан тәтті.
  7 Еңбек түбі- береке,көптің ісі- мереке.
  8 Көз-қорқақ, қол-батыр.

• 9 Еңбексіз өмір жоқ,

• Ауырсыз жеңіл жоқ.

• 10 Жақсы жұмыс жанға тыныс.

• (Жаңа таныс емес мақалдарды дәптерлеріне жазып алады)

• VІ Слайд 7

• Схема бойынша жұмыс.Ой толғаныс.

• Өз мамандығының шебері болу үшін адам өз бойында қандай қабілеттерді дамыту керек?

• Мемлекетімізде қандай мамандықтар қажет?

• Слайд 8“Аяқталмаған сөйлем”

•  

• (Көп нүктенің орнына өз ойларын жазу,ойды аяқтау).

•  

• Жақсы маман ол -...

• Мамандық таңдағанда....

• Жақсы маман болу үшін...

• VІІ Слайд 9

• Білім шыңы.Өз мамандығының шебері болған тарихтағы тұлғаларды атап айтыңдар

• Ұстаз, ағартушы-?

• Суретші -?

• Атақты ғалым,академик -?

• Ұшқыш Ұлы Отан соғысының Батыры -?

• Қазақ елінің түңғыш ғарышкері -?

• VІІІ Сабақты қорытындылау

• Әр мамандық иесі немен айналысады ?-деген сұраққа жауап беру.

• Мысалы :Аспаз не істейді ?(Ол ас дайындайды)

• ІХ Қорытынды бағалау.

• -Жақсы ,Жарайсыңдар балалар .Бүгін сабақта көп нәрсе

• білдік деп ойлаймын.Сабағымызды біздің Елбасымыздыңмына сөздерімен аяқтағым келеді-деп мұғалім сабақты қорыдындылайды

• Слайд 10

• «Еліңнің ұлы болсаң, еліне жаның

• ашыса, азаматтық намысың болса,мемлекетіңнің нығайып көркейуі

• жолында жан теріңді аянбай жүріп еңбек ет.Жердің де елдің де иесі екеніңді ұмытпа». Н.Ә. Назарбаев.

• Х . Рефлексия.Оқушылар сабақтан алған әсерлерін стикерлерге жабыстырып дана ағаш суретіне жапсырады.

• ХІ Үйге тапсырма.