План - конспект урока. Тема: Синтаксический разбор простого предложения.

5-нэ «Б» классым щек1уэк1а урок

(гуп лэжьэк1э 1эмалыр къыщыгъэсэбэпащ)

Темэр: Псалъэуха къызэрык1уэр зэрызэпкърах.

Мурадхэр:

• Псалъэуха къызэрык1уэр зэрызэпкърахым щыгъуазэ щ1ын;

• Хэкум ф1ылъагъуныгъэ хуа1эу, абы и природэ дахэр хъумэным хущ1экъуу щытыным хуэущиин;

• Жыг л1эужьыгъуэхэм хащ1ык1ыр нэхъыбэ щ1ын, синквейн егъэщ1ын.

Урокым ехьэл1апхъэхэр: гупищыр зыбгъэдэсын т1ысып1эхэр, тхылъ, тетрадь, ручкэ, интерактивнэ доска, проектор.

Урокым и планыр

I.Сэлам зэхын, урокым и темэмрэ и мурадхэмрэ щыгъуазэ щ1ын.

II.Гупищу гуэша еджак1уэхэм упщ1эхэр ядот. (проекторк1э доскам къыщыхьа псалъэухахэм ехьэл1ауэ)

1.Ди Хэкуыр дахэщ къуылейщ. 2.Абы и куэдщ гуыбгъуэхэр мэзхэр псыежэххэр. 3.Къэбэрдей-балъкъэрым и къэлащхьэщ налшык.4.инщ, икIи дахэщ налшык паркыр.5.абы итщ жыгейхэр псейхэр бзихухэр пхъэхуейхэр уэздыгъейхэр.6.Сыту фIыщ эпаркым къыщыпIкIухьыну.(презент.)

1. Сыт хуэдэ псалъэуха л1эужьыгъуэхэр къыщыхьа мы текстым? ( гуп къэс езыхэм я жэуап къат). Адрей псалъэуха л1эужьыгъуэ щы1эхэр къыжа1э, псалъэухахэм л1эужьыгъуэ къэс я к1эм щыт нагъыщэхэр зыхуэдэр къыжа1э.

2. Псалъэуха убгъуахэмрэ мыубгъуахэмрэ ягу къагъэк1ыж. Гуп къэс текстым псалъэуха мыубгъуа дапщэ хэтми къыхагъуатэ. А псалъэухахэр зэрызэщхьэщык1ыр къыжа1эж.

3. Псалъэухам и пкъыгъуэ нэхъыщхьэхэр къыжа1э, упщ1э хуэувыр, зэрыщ1атхъэр. Иужьк1э гуп къэс пкъыгъуэ ет1уанэ зырыз къалъосри абы характеристикэ ират (упщ1э хуэувыр, зэрыщ1атхъэр, апхуэдэу хэувэ псалъэ лъэпкъыгъуэр)

4. Текстым къыхагъуатэ щыуагъэхэр, гуп къэс къигъуэтахэм я бжыгъэр къыжа1э, щыуагъэхэр орфографическэрэ пунктуационнэу зэхагъэк1, пэжыр иджыри зэ псоми нэрылъагъу ящыдощ1.

5. Щы1эц1э унейуэ текстым хэтыр къыхагъуатэ.

III. Темэщ1эр ядот. (Псалъэуха къызэрык1уэр зэрызэпкърах)

1. Бзихум и гъэгъахэм фо хужь бжьэхэм къыхах.(зэра1у., убгъуа, къыз.)

Мы псалъэухар и пкъыгъуэк1э зэпкърыдох, характеристикэ идотыж.

Урокым ипэ дызэлэжьа текстым догъэзэжри абы гуп къэс псалъэуха зырыз къыхахри ар и пкъыгъуэк1э зэпкърах.

• Япэ гупым 1 –нэпсалъэухар

• Ет1уанэ гупым 2 –нэпсалъэухар

• Ещанэ гупым 5 –нэпсалъэухар.

Мы лэжьыгъэмк1э темэщ1эр егъэбыдыл1эжа мэхъу.

1. Жыгыц1эхэр къыщыхьа слайдхэр идогъэлъагъу, жыгхэр идогъэц1ыху.

Жыгей – дуб

Псей – ель

Уэздыгъей – сосна

Бзиху – липа

Пхъэхуей – берёза

Бжей – бук

Дыкъуэнагъ – бязь

Щиху – тополь

Блашэ – клён

IV. Унэ лэжьыгъэ ядот:

• «Налшык паркым» презентацэ.

• «Ди жыг хадэ» тхыгъэ к1эщ1 ц1ык1у.

• Жыгхэм я мыхьэнэм теухуауэ доклад щ1ын.

V. Урокыр къызэщ1экъуэжын.

Синквейн (резюме) пхъэхуейм хуатх

1. Пхъэхуей

2. Плъыфэц1эу т1у

3. Глаголу щы

4. Зы псалъэуха

5. Къик1 мыхьэнэр зы псалъэк1э.(слай д)

1. Пхъэхуей

2. дахэ, лант1э

3. Мэсыс, къосэбэп, мэкъутэ

4. Пхъэхуейр ц1ыхум куэдк1э къыхуосэбэп.

5. жыг

Урокым щ1эуэ къыщащ1амк1э еджак1уэхэм доупщ1ыж.

Урокым и эпиграфу псалъэжьищ къыдохь, гуп къэс къалъыса псалъэжьым къик1ыр къыжа1э.

• Зы акъыл нэхърэ акъылищэ.

• Дзыгъуибгъур зэде1эмэ к1адащхьэ трач.

• Зэщыгугъмэ унэхъу.(слайд)

1.Ди Хэкур дахэщ, къулейщ. 2.Абы и куэдщ губгъуэхэр, мэзхэр, псыежэххэр. 3. Къэбэрдей – Балъкъэрым и къалащхьэщ Налшык. 4. Инщ икIи дахэщ Налшык паркыр. 5. Абы итщ жыгейхэр, псейхэр, бзихухэр, пхъэхуейхэр, уэздыгъейхэр. 6. Сыту фIыщэ паркым къыщыпкIухьыну!(слайд)

3