Есте сақтау қабілетін дамытуға арналған ойындар
«Төрт құбылыс»
Балалар шеңбермен тұрады. Жүргізуші «су» десе қолдарын алдарына қарай созады, «ауа» дегенде жоғары көтереді, «от» десе екі қолын айналдырады, «жер» дегенде қолдарын түсіреді. Кім шатасса сол ойыннан шығады.
«Көңілді шеңбер»
Балалар шеңбер жасап отырады, бір-біріне мұқият қарайды. Жүргізуші белгі берген кезде балалар көздерін жұмады. Сол кезде жүргізуші отырған балалардың біреулеріне әртүрлі заттарды қыстырып қояды (гүл, орамал, бант, көзілдірік) Балалар көздерін ашқанда не өзгереді ? – деп сұрайды. Ең зейінді балаға ойыншық беріледі.
«Орыныңды тап»
Балалар шеңберге тұрады. Әр баланың өзінің жанындағы баланы есіне сақтап, қарап алуы керек, жүргізушінің бірінші белгісі бойынша, бөлменің жан-жағына тарап кетеді. (белгі: шапалақтау). Екінші белгі бойынша шеңберге, бастапқыда қай орында, кімнің қасында отырғанын есіне сақтап, қайта шеңбер түзеді. Өз орнын тапқан балалар мадақталады, таба алмағандар ойынан шығады