"?мірде ?алай табыс?а ?ол жеткізуге болады?" тренингі

«Өмірде қалай табысқа қол жеткізуге болады?»

байқау-тренингі

Мақсаты: Оқушыларға «өмір» ұғымының құндылық ретіндегі маңызын түсіндіре

отырып, өмірде кездесетін әр түрлі жағдайлар туралы ақпарат беру.

Күтілетін нәтиже: балалардың өмірге деген құштарлығын, қызығушылығын ояту.

Тренинг ж о с п а ры :

1. Кіріспе сөз. «Өмір мектебі» бейнеролигін тамашалау;

2. «Ойланып көрейік» жаттығуы;

3. «Менің бәсекеге қабілеттілігім» тренинг;

4. «Елсіз арал» тренинг;

5. Ойын-тренинг: «Ашығын айтсам»;

6. Сергіту сәті: «Табиғат мінезі» жаттығуы;

7. Тренингті қорытындылау.

1)«Мен сізге ризамын» жаттығуы;

2) «Өміршеңдік ережесі».

Тренинг ережесі:
- Тыңдау әдебін сақтау;
- Өз пікірін ашық білдіру;.
- Ашық, көңілді болу;
- Белсенділік таныту;
- Сыйластықта болу.

Б а р ы с ы :

Кіріспе сөз. Өмір деген ─ баға жетпес асыл зат. Өмірді дүниеде еш нәрсемен салыстыруға болмайды. Өмір әрқашан өз бақытымен келеді. Өмір өзен болса, ағысқа қарсы емес. Өмірге келген әр адам оны лайықты өткізуі керек. Әрбір адам өмір сүрген соң оның арманы, тілегі болады. Сол арман мен мақсат қоя отырып, адам өмір сүруге құлшынады. Осы өмір туралы түсінігімізді молайту үшін алдымен бейнероликке құлақ түрейік.

«Өмір мектебі» бейнеролигі көрсетіледі. Тамашалап болған соң жалғастыру.

Өмірдің мақсаты ─ өзіңді-өзің танып білуде. Ол адамдар арасында бір-бірін түсінуге, қарым-қатынас жасау кезінде жақсы мен жаманды ажыратуға көмектеседі. Біздің бүгінгі тренингіміз осы тақырыпқа арналады.

Олай болса, тренингімізді «Ойланып көрейік» жаттығуынан бастайық.

2. «Ойланып көрейік» жаттығуы.

Топтық жұмыс. Жоба қорғау.
Мақсаты: Өмір туралы ұғымдарын дамыту.
Уақыты: 5 минут
Нұсқау: Төменде берілген сұрақтарға жауап таңдап алып, дәлелдеңдер.
(қатысушылар екі топқа бөлінеді).
1-топ: Адам не үшін өмір сүреді?
- Үлгілі отбасын құру үшін.
- Білім алу үшін.
- Қоғамға және өз ортасына пайда келтіру үшін.
- Үлкен дәулетке қол жеткізу үшін.
- Өзін өзгелерге таныту үшін.
2-топ: Өмірде үлкен табысқа жету үшін адам бойында қандай қасиеттер болу керек?
- Еңбекқор, адал, әділ болу
- Қабілетті, дарынды болу.
- Өзін және өз мүмкіндіктерін жақсы білу.
- Адамдармен тіл табыса білу.
2-топқа ортақ сұрақ: «Өмірде қалай табысқа қол жеткізуге болады?

Топтар өз жұмыстарын постерге жазып, жоба секілді қорғауы қажет. Қажетті құрал-жабдықтар үлестіріледі. Қайшы, желім, түрлі-түсті боялар, парақтар т.б.

Топтар өз жұмыстарын ортаға шығып таныстырады.

3. «Менің бәсекеге қабілеттілігім»

Мақсаты: Танымдық үрдістерге оқушылардың қызығушылықтарын арттыру. 
Оқушылардың танымдық үрдістерін дамыту. Зейінділікке, тапқырлыққа тәрбиелеу.

- Қазір, өздеріңіз білесіздер, заманымыз бәсекелестіктен тұрады. Мұнда кімнің бәсекеге қабілеттілігі жоғары болса, соның жолы болады. Ондай адамдар өмірде үлкен жетістіктерге де жетіп жатады. Біздер соған орай қабілетке байланысты шағын тапсырмалар дайындадық. Оған танымдық үрдістерді алдық. Адамда қабылдау, ес, ойлау, түйсік, қиял секілді танымдық үрдістердің болатындығы барлығымызға белгілі. Сіздердің танымдық үрдістеріңізді байқайық. Солардың ішінде ойлау мен қиялға орай тапсырмаларды орындайтын боласыздар.

1. Ойлау түйсігіне тапсырма: Анаграммаларды шешу.

І топқа:

МТЕКІЕТҮНСІ Жауабы: түсініктеме

НАҚТАҒА Жауабы: қанағат

КЕЛУРИСАПБ Жауабы:

республика

ІІ топқа:

ІРКЕКӨК Жауабы: көкірек

АҰТЖМЫМАРДЫ Жауабы:

тұжырымдама

ЛҰЫҚСЫР Жауабы: құрылыс

2 ) Қиял түйсігіне тапсырма.

Шеңберді аяқтап, бейнеге айналдыру.

4.«Елсіз арал» тренинг

Ойынның шарттарымен қатынасушыларды таныстыру: «Мұхит бойындағы бірнеше күнгі болған оқиғадан кейін адамдар елсіз аралға орналасады. Осы уақыт аралығында тек үрленген салдан басқа ештеңе қалмады. Әрі ол да жарамсыз екені анықталды».

Ойынның шарты: «Сіздер елсіз аралда қалдыңыздар. 20 жылға дейін Сіздер басқа адамдармен кездесе алмайсыздыр. Енді екі топқа бөлініңіздер».
Топтардың әрқайсысында бір ұлттың халқы. Ойынның аяғына дейін ұлт өкілдері басқа топтағылардың ұлтын білмейді және өздерінің ұлтын басқаларға айтуына болмайды. Жиырма жылдың аралығында әр ұлт өкілдері қалай өмір сүретінін, қандай заттарға сүйенетінін, нені өсіретінін, салт-дәстүрі тағы сондай ерекшелік-терін айтып көрсетіп, басқаларға өздерін таныстыруы керек. Әр топ қағаз, түрлі-түсті қарандаш, фламастер, желім және тағы басқа заттармен қамтамасыз етіледі.

Әр топ тапсырманы алғаннан кейін, 20 минуттай дайындық жұмысын жүргізеді. Топқа көріністі көрсетуге 10 минут уақыт беріледі. Топ қай ұлт өкілдері екенін ешкімге айтпайды. Олар өздерін жан-жақты таныстыру үшін көрнекі құралдарды көп мөлшерде дайындайды. Көрермендер олар қай елдің және қай ұлттың өкілдері екенін анықтайды.
Талқылау: - Қандай белгілер арқылы ұлтты анықтауға мүмкіндік болды?

5.Ойын-тренинг: «Ашығын айтсам»

Мақсаты: Қоршаған ортаға топтың сенімін нығайту, ішкі кедергілерді жою.

Құрал: Аяқталмаған сөйлемдер жазылған карточкалар.

Нұсқау: Сіздің алдыңызда бірнеше карточкалар жатыр. Қазір әрқайсысыңыз бір-бірден ортаға шығып, бір карточка (топшама) суырасыз. Барынша ашық және шыншыл болуға тырысыңыз.

1.Ашығын айтсам, мен алдағы өмір туралы ойласам....

2. Ашығын айтсам, мен ренжіген кезде......

3.Ашығын айтсам, мен қуанған кезде...

4.Ашығын айтсам, мен үйге келгенде...

5. Ашығын айтсам, ата-анамның менің алдағы болашағым туралы ойлайтынын ойласам ...

6. Ашығын айтсам, мен бос уақытымда...

7. Ашығын айтсам, мен көшеде қыдырып келе жатқанда....

8. Ашығын айтсам, менің ата-анам....

9. Ашығын айтсам, мен ойымды жинақтай алмасам....

10. Ашығын айтсам, мен сабақ туралы ойласам....

11. Ашығын айтсам, менің ұстазым...

12.Ашығын айтсам, мен мектепке келгенде....

13.Ашығын айтсам, менің өмірдегі жетістіктерім....

14. Ашығын айтсам, менің көңіл-күйім....

15. Ашығын айтсам, менің достарым....

Талдау: Қандай сезімде болдыңыз?  

Оқушылардың ойын тыңдай отырып, олардың айтқан пікірлері арқылы жаттығуды орындау барысында қаншалықты ашық болғанын білу.

Конец формы

Начало формы

6.Сергіту сәті: «Табиғат мінезі» жаттығуы. 

(1 топ-ұлдар, 2 топ-қыздар тізбектеліп тұрады)

Қане, барлығымыз тізбектеле шеңбер құрып тұрайық. Көзімізді жұмып, өзімізді табиғат аясында тұрғандай сезінейік. Күн тамаша ашық, күн сәулесі шуақ шашып тұр, айнала тамаша көрініске толы. Енді, көзімізді ашып, өзімізді еркін сезінейік. Алғашқыда бәрі жақсы болып тұрды да кенет, аяқ астынан жеңіл жел соқты. 
Алдыңызда тұрған адамның арқасынан жәймен ғана қолмен жеңіл желдің самалындай етіп сипаймыз. 
Жел күшейді – енді алдымыздағы адамның арқасын қатты уқалай бастаймыз. 
Кенет, боран басталды - енді боран күшіндей екі қолмен айналдыра күштірек уқалаймыз. 
Содан кейін, аяқ астынан жай ғана жаңбыр сіркірей бастады – енді қолымызбен жаңбырдың тамшысындай жәймен ұрамыз. 
Бір кезде қатты жауын жауды – біз қатты жауын сияқты арқамызды саусақтың ұшымен жоғары төмен сипалаймыз. 
Аяқ астынан бұршақ жауды – арқамызды саусақ басымен бұршақ жауғандай қаттырақ ұрамыз. 
Бір кезде бәрі басылды, күн жарқырап ашылып, адамға бір күшті шуақ берді.

- Енді, алдымыздағы адамдармен алмасамыз. Кері бұрылып, артымыздағы адамға осы жаттығуды жасаймыз, ал, сізге алдыңызда тұрған адам орындайтын болады. 

7. Тренингті қорытындылау.

1)«Мен сізге ризамын» жаттығуы.

Мақсаты: Оқушыларды бір-бірімен қарым-қатынасын жақсартуға, бір-бірін сыйлауға, құрметтеуге, қадірлеуге үйрету.

Оқушылар шеңбер бойына бой түзеп, бір-бірінің қолынан ұстап тұрып,

«Мен сізге ризамын, себебі...» деп өз ойлары мен тілектерін айтулары керек.

(Барлық оқушы бір-бірінің барлық жақсы қасиеттерін атап өтуі керек).

1. «Өміршеңдік ережесі».

Интерактивті тақтадағы слайд арқылы өміршеңдік ережесін топпен қайталату арқылы тренингті қорытындылау.

Жігер деген – Мен

Күш деген – Мен

Махаббат деген – Мен

Кешірім деген – Мен

Құдірет деген – Мен

Жасөспірімдік деген – Мен

Жастық шақ деген – Мен

Денсаулық деген – Мен

Адалдық деген – Мен

Жарқындық деген – Мен

Бар ғажайып деген – Мен

Хормен: Бәрі маған байланысты, Бәрі менің қолымда.

А.Арыстанов, Ж.Кубаева

Соңы.