Қызықты орман саяхаты

Қызықты орман саяхаты

Балалар шаттық шеңберіне тұрады.Жылы лебіздерін білдіреді.Балалар тыныс алу жаттығуларын орамал арқылы орындайды (үлкен орамал астына жиналып,орамал ішінен терең тыныс алып орамалды үрлейді).

-Балалар,біздің бүгінгі сабағымыз ерекше болғалы тұр,өйткені біздер орманға саяхатқа барамыз,сендер саяхаттағанды жақсы көресіңдер ме?Ендеше үстімізге жылы киімдерімізді,аяғымызға аяқ киімдерімізді киейік (балалар ишарамен көрсетеді). Олай болса,қане,бәріміз сиқырлы кілемшеге отырып көзімізді жұмайық.Балалар ұшатын кілемшеге отырады.

Релаксация: Психолог: Балалар біз асу-асу жерлерден асып барамыз,төменде таулар,ағаштар көрінеді,бұлттар арасымен ұшып келеміз.Бір кезде құстардың сайраған даусы естіліп тұрады.Балалар орманға келгендей сезінеді.

-Балалар,орман қандай суық,тоңдыңдар ма,ендеше ортаға келіңдер,жылынайық,орманда кім бар екен,қане айқайлайық.

«Жаңғырық» жаттығуы: «Ау-ау,аууу!».Балалар жаттығуды орындайды.

Дауыс естіледі.Психолог: Ой,балалар,бірдеменің сықырлаған дыбысы естіледі ме,қане тыңдайықшы?!

Мыстанның даусы естіледі: Өй,мыналар не істеп жүр менің орманымда,ия,ия,өте жақсы болды келгендерің,менің түскі асыма азық болатын болдыңдар,енді қайтпайтын болдыңдар,ал аналарыңды сағынып қайтқыларың келсе,мына менің тапсырмаларымды орындаңдар сонан соң ғана қайта аласыңдар,ха-ха-ха!Қарға, қарғалар, менің тапсырмамды апарыңдар,мына балаларға,ұшыңдар,ұшыңдар,қане!

Психолог:Балалар,қорқып тұрсыңдар ма,ендеше біз Мыстаннан қорықпау үшін мына жаттығуды орындап жіберейік,менің қолымдағы не нәрсе екен,балалар,ия қара көбелектер –бұл біздің қорқынышымыз деп бейнелейік,енді осы қорқынышты жеңу үшін оны жыртып мына қалтаға салып,таспен бастырып қоямыз.Жарайсыңдар,балалар,бойларың жеңілденді ме?Осы кезде балалар тұрған жерден қара қарға ұшып өтіп бір түйіншекті лақтырып кетеді. Психолог түйіншекті ашып ішіндегі тапсырмаларды балалармен бірге орындауға кіріседі.

1.«Айта ғой» жаттығуын орындаңдар. (қандай жыл мезгілі,көктем неше айдан тұрады,көктемнің ерекшелігі,қазір қандай ай т.б).

Мақсаты: жыл мезгілі туралы танымын кеңейту,ерекшеліктерін білу.

2.«Айырмашылығын тап» жаттығуы

Мақсаты:зейін қабілеттерін дамыту.

«Піл үлкен,ал тышқан....»

«Лимон ащы, алма .......»

«Көпшік жұмсақ,үстел.....»

3.«Болады,болмайды» жаттығуы

Мақсаты:болатын-болмайтын нәрселерді ажырата білу іскерлігі.

«Ит ұшып барады»

«Қасқыр үйде отыр»

«Балалар далада ойнап жүр»

«Мысық тышқан аулайды»

4. «Қандай сан болса,сонша шапалақта» (1,2,3,4,5)

Мақсаты: балалардың тыңдау,қабылдау қабілеттерін дамыту.

Орындалуы: балалар психолог тақтадан қандай санды ашса,балалар сонша шапалақ соғады.

5. «Ауада дөңгелек,үшбұрыш,төртбұрыш сыз»

Мақсаты: команданы тыңдау,есту қабілеттерін арттыру.

Орындалуы: балалар ауада пішіндерді сызады.

6.«Сыпайылық ережелерін атаңдар»

Мақсаты: адамгершілік нормаларына тәрбиелеу.

*Апаң сенің базардан,

Алма сатып әкелді.

Ең үлкенін тәттісін,

Саған таңдап әперді,

Не деп барып жеу керек?

*Балалар жүр көшеде,

Естіледі айқай-шу.

Сен де шықтың көршіңді,

Қағып кеттің байқамай,

Сен не деуді ұмыттың?

*Әжең түскі тамақта,

Қант-кәмпитті салды мол

Жұрттан бұрын ыдысқа,.

Әй-шәйі жоқ салдың қол,

Жөн еді не айтқаның?

7. «Төртінші артықты тап»

Мақсаты:балалардың ойлау қабілетін дамыту.

Орындалуы: суреттегі 4 заттан артық тұрған затты табу

8. «Суретте не бейнеленген?»

Мақсаты:балалардың логикасын дамыту,суреттерді дұрыс қабылдау.

Орындалуы: балалар жол дорбасының ішінде қандай заттар бар екендігін ауызша айтады.

9. «Көңіл-күйді көрсет» (көңіл-күйге байланысты суреттерді мимикамен көрсету).

Мақсаты:эмоцияны жеткізе білу шеберліктерін шыңдау.

Орындалуы: балалар эмоцияны бет –әлпетпен және дыбыс арқылы орындайды.

Балалар Мыстанның тапсырмаларын сәтті орындап орманнан топқа қайтады.Балалармен бүгінгі көрген-білгендерін сұрап қорытындылайды. Балаларды бүгінгі іс-әрекеттері үшін мақтап –мадақтау.