"Жақсылықтан жақсылыққа" ашық сабақ

Сабақ мақсаты: Балалардың «жақсылық», «махаббат», «мейірімділік» құндылықтары туралы түсініктерін кеңейту

Міндеттері: жақсылық пен махаббаттың адам өміріндегі

маңыздылығын түсіндіру,жақсылық жасай білу

іскерліктерін дамыту,қайырымдылыққа ізгілікке

тәрбиелеу.

Ресурстар: (құралдар, мәлiметтер)

Сабақ барысы:

1. Ұйымдастыру кезеңi.

Сәлемдесу, оқушылардың көңіл-күйін сұрау,5т ережесі

Тыныштық сәтi. «Нұрға бөлену»

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

Сабақ барысын талқылау:

1. Үй тапсырмасын тексеру.

«Мен жақсылық жасай аламын» шығарма жазу

3.Жаңа сабақ: Жақсылықтан жақсылыққа

4.Жаңа ақпарат: Жақсылық жасау адам бойындағы асыл қасиеттердің бірі.Жақсы адам қол ұшын беруге,жәрдем етуге,жанашырлық танытуға,көмек көрсетуге,қолдау жасауға әрдайым дайын тұрады.Риясыз жақсылық жасау биік адамгершіліктің белгісі.

5.Дәйек сөз.

«Біреуге жақсылық етсең,ол жақсылығыңды міндет етпе»

6.Тапсырма: 1-топ «Жақсылық үйін құрастырады»

2-топ «Жақсылық гүлін құрастырады»

7.Әңгiмелеу (сұхбат).

Мұғалім сыйы: «Жан Ана» С.Дағайқызы

Ерте,ерте,ертеде қалаға жақын ауылда бір Жан Ана өмір сүріпті.Жан Ананың негізгі есімін ешкім білмейді екен. Алтындай жүрегі болғандықтан ауыл адамдары оны Жан Ана деп атап кетіпті. Жан Ананың баласы жоқ екен.Бірақ ол ауылдың бүкіл баласын жанындай жақсы көріп,оларға ертегі айтып,ойыншық жасап береді екен.Сондықтан да ауыл адамдарына қол ұшын беруге әрқашан дайын болыпты.

Жұмыстары басынан асып жатқандар да Жан Анаға: «Бүгін ісіміз көп,келіп біраз көмек бересің бе?»-деп өтініш білдіреді екен.Жан Ана ақыл сұрағанына ақыл,көмек сұрағанына қуана-қуана қол ұшын береді екен.

Уақыт өте келе ауылдағылар Жан Ананың жақсылығын ұмытып,көмектесу оның міндеті деп ойлай бастапты.

Әрі Жан Анаға барып бұрынғыдай өтінудің орнына «Жан Ана,бізге келіп көмек бер!»-деп бұйыра бастапты.

Жан Ана олардың бұл қылығына мүлде реңжімейді екен.

Үлкен бір ауыл,жалғыз бір Жан Ана,қайсыбірінің ісіне жүгіріп,қайсыбірінің дертіне ортақ болсын. Қанша тырысса да барлығының ісіне үлгермепті.Тіпті жанындай жақсы көрген балаларға да көңіл бөле алмапты.Жан Ана көмекке бара алмаған ауыл тұрғындары есігіне келіп: «Ей,Жан Ана,неге бізге көмекке келмедің? Біз сені жақсы бір адам екен деп жүрсек»,-деп жазғыра бастайды.Бейшара Жан Ана ешкімнің көңілін қалдырмайын деп жүріп күндердің бірінде науқастанып қалады.

Ауыл тұрғындары оған көмектесудің орнына «Кішкене бір аурудан төсек тартып жатуға бола ма?»-деген екен.

Бұл сөздерді естіп Жан Ана қапа болыпты.

«Ертегі айтып,ойыншық та жасамаймын.Ең жақсысы бұл ауылдан кетейін» деп ойлаған екен.Түн ортасы киімдерін,жейтін азығын алып,үн-түнсіз ауылдан кетпек екен.Ертеңінде ауыл тұрғындары әдеттегідей азанмен Жан Ананың үйіне барған екен.Үйге келсе ешкім жоқ,бос тұрғанын көріп таң қалыпты. «Енді Жан Анасыз қалай күн көреміз? Ісімізге кім көмек беріп,бізге кім ақылшы болады? деп қайғырыпты.Міне,осы кезде қателіктерін аңғарып, Жан Ана қадірін түсінген екен.Жан Анаға бір ауыз рақмет айта алмағандарына қатты өкініпті.

Оны қайта іздеп тауып,онымен жақсы қарым-қатынаста болуды ұйғарыпты.Бірақ қаншалықты іздестірсе де Жан Ананы көрген ешкім болмапты.

Қымбатты балалар! Іштеріңде оны көргендерің бар ма?

Егер Жан Ананы көрсеңдер,жасаған жақсылықтары үшін алғыс айтуды ұмытпаңдар,жарай ма?

1.Осы әңгімеден қандай ой қорытуға болады?

2.Жақсылық жасау деген не?

3.Жан Ана адамдарға қандай жақсылық жасады?

4.Адамдар жақсылықты қалай түсінді?

5.Жан Ана неліктен өкінді?

8.Шығармашылық жұмыс, топтық жұмыс.

Балалардың қабілеттері мен шығармашылық сенімдерін дамыту мақсатында шығармашылық жұмыс ұйымдастырылады.

Тақтаға «күн» мен «бұлт» салынған плакат ілінеді.

Партаның үстінде «күннің шуағы» мен «тамшылар» үлгісінде қиылған қағаздар жатады.

Әр оқушы күннің шуағына адамның бойында кездесетін жақсы қасиеттерді жазып,күннің жанына іледі.

Ал тамшыларға адам бойында кездесетін жаман қасиеттерді жазып,бұлттың астына ілу керек.

9.Топпен ән айту.

«Жақсы адамдар»

10.Қорытынды:

Жақсы болу – өзіңнен,

Жаман болу – өзіңнен.

Өзіңді-өзің ая да,

Өзің үйрен, өзіңнен.

Жақсылық көрсең біреуден,

“Мен қандаймын?” деп ойла.

Жамандық көрсең біреуден,

“Мен қандаймын” деп ойла!

11.Үй тапсырмасы.

27 сабақ «Атамның өнегесі»

Дәптермен жұмыс

12.Соңғы тыныштық сәтi. (Тыныштық... бар жерде, тыныштық... бүкiл әлемде)