Ұрпаққа өшпейтіндей із қалдырған

Өзiн-өзi тану сабағының жоспары

Мектеп: №26  гимназия          Мерзiм:  22.04.17       №29

Тақырып: Ұрпаққа өшпейтіндей із қалдырған 

Құндылық: Дұрыс әрекет

Қасиеттер: Ақылдылық,өнегелілік,сыйластық

Мұғалiм: Жасұлан М.Ж.      Сынып: 7 «В»           Оқушылар саны: 20

Сабақтың мақсаты: Оқушылардың ұлы адамдар,олардың өмірі мен қызметінің мәні туралы түсініктерін кеңейту.

Міндеттері:

Оқушыларды ұлы адамдардан өнеге-үлгі алуға,ұлағатын үйренуге баулу; 
Оқушыларды ұлы адамдардың жақсы істерін сезініп-көре білуге,оларды қадірлеп бағалай алуға үйрету;
Ақылылыққа,өнегелілікке,сыйластыққа тәрбиелеу. 

Ресурстар:

Интербелсенді тақта,бейнетаспалар,кинолардан үзінді,күйлер мен әндер жазылған таспалар.

Сабақ барысы:

1. Ұйымдастыру кезеңi.

Тыныштық сәтi.

ОРМАНҒА ОЙША СЕРУЕН.

Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз,  қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына  көңіл бөліңіз.

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетінімізді бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта  оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз!

Сабақ барысын талқылау:

а) Сынып оқушыларын түгендеу
ә) Сыныпты үш топқа бөлу 
б) «Еңбеккерлер», «Қаламгерлер», «Өнерпаздар» деп топтарға бөлу
« 5-Т» ережесін сақтау.
1.Тәртіп.2.Тазалық.3Тыныштық.4.Талап.5.Татулық 

1. Үй тапсырмасын тексеру.

Ахметованың Бауыржан Момышұлы туралы естелік мәтінін оқып келу.Бұл мәтінде Бауыржан Момышұлының адами болмысы,ерлік істері,адамгершілік қасиеттері,өмірлік ұстанымы,халқына сіңірген еңбегі,артына қалдырған мұрасы,ой-толғамдары,халқының сүйіспеншілігіне бөленуі жайында оқып,мәтінге талдау жүргізу. 

1.Бауыржан Момышұлының өмірі несімен ұлағатты деп ойлайсыңдар?
2.Ұлы адамдардың істерін мәңгілік есте қалдырудың мәні неде?
3.Бауыржан Момышұлының бойындағы қандай қасиеттер болашақ ұрпаққа үлгі-өнеге болады деп ойлайсыңдар?

Оқушылардын үй тапсырмасын сұрау.

1. Әңгiмелеу (сұхбат).

Ә. Ысқабаевтің «Бесағаш бұлағы» атты әңгімесінен үзінді.

• Қасымбек Бесағаш бұлағын неліктен ерекшк жақсы көрді?

• Ақсақал неліктен бұлақ көзін ашу үшін еңбектенді?

• Табиғатты аялаудың мәні неде?

• Өздеріңнің ерекшк жақсы көретін жерлерің бар ма? Қандай?

Түсіндіру, өз ойларын сұрау.

1. Дәйек сөз.

Жақсының жақсылығын айт, нұры тасысын
Халық нақылы

 

Дәйексөзді қалай түсінеміз?

1 Қыздар1-рет, ұлдар 1-рет, қосылып 1-рет қайталау. Мағынасын ашу, талдау. Дәйексөзді дәптерге жазу.

1. Шығармашылық жұмыс, топтық жұмыс.

1-топ: «Менің ауылымның мөлдір бұлағы» эссе жазу
2-топ: «Менің ауылым» сурет салу
3-топ: «Мен туған жер.» өлең шығару.
 

Топтардын қалай жұмыс атқарып жатқанын тексеру.

1. Топпен ән айту.

«Бозторғайым» : сөзі:Б.Тәжібаев
Әні:Е.Хасанғалиев
 

Әуенді қосып, бірге айту.

1. Үй тапсырмасы.

Б.Соқпақбаевтың «Жекпе-жек»әңгімесін оқып келу

Күнделіктеріне жазғызу.

1. Бағалау

Жапырақшалар тарату арқылы бағалау.

Әр оқушыны бағалау, алғыс айту.