Просмотр содержимого документа
«Разработка урока по казахскому языку»
Мұғалім: Исимбаева Раушан Булатхановна
Пән: қазақ тілі
Сынып: 5 «А», «Б»
Мерзімі: 19.01-19.01
Сабақтың тақырыбы: «Қысқы киімдер» Сабақтың мақсаты: Білімділік: модуль бойынша алған білімдерін саралап, қорытынды жасау; Дамытушылық: оқушының ақыл-ойын, білімге деген ынталарын дамыту, сұрақ-жауап беруге машықтандыру; Тәрбиелік: ұлттық салт-дәстүрге, оның ішінде ұлттық киімге деген сүйіспеншілігін арттыру. Сабақтың түрі: қорытынды сабақ Сабақтың әдісі: сұрақ-жауап, сөйлесу, әңгімелесу, топтық жұмыс. Көрнекіліктер: киімдердің, ұлттық киімдердің суреттері, сиқырлы сандық, доп, қуыршақтар, қағазға жазылған сөздер, плакаттар. Сабақтың мазмұны мен жүрісі. І. Ұйымдастыру кезеңі: оқушылармен амандасу, оқушылар қонақ мұғалімдермен сәлемдеседі, оқушыларды түгендеу, оқушыларды сабақ тақырыбымен және мақсатымен таныстыру. Мұғалім сөзі: - Сәлеметсіңдер ме, балалар! Отырыңдар. Сабаққа дайынсыңдар ма? Топқа бөлініп отырдыңдар ма? Дайын болсаңдар, сабағымызды бастайық. ІІ. Үй тапсырмасын тексеру. Сұрақ-жауаптармен жұмыс. ІІІ. Жоспар бойынша жаңа материалды баяндау. Топпен жұмыс. - Балалар, бүгін біз сабақта осы жыл мезгілдерінде киетін киімдерді қайталаймыз, топпен жұмыс істейміз, әр түрлі тапсырмалар орындаймыз, білімімізді көрсетеміз. Мына менің қолымдағы сиқырлы сандықта конверттерде топтың аттары жасырылған.Кәне, әр топтан бір оқушы шықсын, топтың атын таңдайық. (сөйтіп төрт топ пайда болады). Олар: «қысқы киімдер» тобы, «көктемгі киімдер» тобы, «жазғы киімдер» тобы, «күзгі киімдер» тобы. Енді тапсырмаларға көшейік. (Әр топқа плакаттар таратамын). Қыста, көктемде, жазда, күзде қандай киімдер киесіңдер? Екі минут уақыт беріледі. Оқушылар жауаптарына қарай «3», «4», «5» деген ұпай алады. ! топ: көктемгі киімдері (күртке, шалбар, бәтеңке, джемпер) ІІ топ: жазғы киімдері (жейде, көйлек, қалпақ, туфли ІІІ топ: күзгі киімдері (пальто, күртке, бәтеңке, джемпер IVтоп: қысқы киімдері (тон, құлақшын, бөкебай, пима, етік, қолғап) - Ал, балалар, бір-біріміздің жауаптарын тыңдап, қателерді жөндейік. І топ - Балалар, біздің сабағымызға қонақтар келіпті. Кәне, оларды қарсы алайық. (Осы кезде есік қағылып ішке қазақша киінген ұл мен қыз кіреді). - Сәлеметсіңдер ме, балалар! - Сәлеметсіздер ме? - Халдарың қалай? - Жақсы, рақмет. - Сендер киімдерді білесіңдер ме? - Иә, білеміз. - Жақсы. Ал, біздің үстіміздегі қандай киім, айтыңдаршы? - Ұлттық киімдер (қазақша киім, қазақ халқының ұлттық киімі) - Қазақ халқының тағы қандай ұлттық киімдерін білесіңдер? - Тақия, бөрік, сәукеле, қамзол, ішік бүрмелі көйлек, шапан, мәсі. Мұғалім: - Балалар, Қаһарман мен Кәмшаттың киімдерін айтыңдар. - Кәмшаттың үстінде не бар? - Бүрмелі көйлек, оюлы қамзол. - Басында не бар? - Басында тақия бар. - Қаһарманның үстінде не бар? - Қаһарманның үстінде шапан. - Басында не бар? - Басында қалпақ бар. Қонақ оқушылар: - Жарайсыңдар, балалар. Біз кеттік. Сау болыңдар. - Сау болыңдар. IV.Дәптермен жұмыс. - Ал, бізге Дымбілмес келді. Сендер оған 2-тапсырманы орындауға көмектесесіңдер ме? - Иә, көмектесеміз. - Тапсырманы тыңдаңдар. Берілген сөздердегі жоқ әріпті тауып, фонетикалық талдау жасаңдар.(тақтаға әр топтан бір оқушы шығады) Қ...лақшын, ет...к, к...йлек, бәте...ке - Балалар, тақтаға қарап, тапсырманы тексерейік. - Келесі тапсырма «Ойнайық та ойлайық» деп аталады.тәуелдік жалғауын қайталайық. (мұғалім допты лақтырып, «менің» деп айтады. Допты қаққан оқушы «қолғабым» деп айтуы керек. Сөйтіп «қалпақ, етік, көйлек» сөздерімен ойын жалғасады. Келесі тапсырма «Пирамида» ойыны. Берілген сөздерден сөз өрбіту. Жейде. Бөкебай. Мынау – жейде Мынау – бөкебай. Мынау – менің жейдем. Мынау – менің бөкебайым. Мынау – менің жылы жейдем. Мынау – менің ұзын бөкебайым. Мынау – менің жылы,қара жейдем. Мынау – менің ұзын, жаңа бөкебайым. Ойын: «Қуыршақты киіндіру» деп аталады. (сурет қуыршақты әр топқа жыл мезгіліне қарай киіндіріп, қандай киім кигізгендерін айтады) Үлгі: Мен қуыршақтың басына құлақшын, аяғына пима, қолына қолғап, үстіне тон кигіздім. Мен қуыршақтың басына қалпақ, аяғына етік, үстіне күрте кигіздім. Мен қуыршақтың үстіне жасыл көйлек кигіздім. Мен қуыршақтың аяғына қара, жаңа туфли кигіздім. Сергіту сәті: Басымда бөрік, Аяғымда етік, Сөйлеймін мен жетік, Күнде аламын «бестік» V. Пысықтау. «Сұрақ-жауап» ойыны. Әр топ бір-біріне сұрақ қойып, жауап береді. Үлгі: Рената, сен қандай қысқы киімдер білесің? Сенің етігің жылы ма? Дима. Сен көктемде үстіңе не киесің? ... VІ. Cабақтың қорытысын шығару. - Балалар, бүгін не туралы сөйлестік? - Қандай киімдер туралы сөйлестік? - Біздің қонақтарымыз қандай киімдер киіп келді? - Дымбілмеске нені үйреттік? - Бүгін сабақта тағы біз не істедік? - Сабақтан сендер қандай білім алдыңдар? VІІ. Бағалау. Алған ұпай сандары бойынша бағалау. VІІІ. Үй жұмысы. Қазақтың ұлттық киімдерінің суретін салу және атын жазу.
