Өзiн-өзi тану сабағының жоспары
Мерзiм ______________ № 8
Тақырып Бақыт құшағында
Құндылық: Жан тыныштығы
Қасиеттер: дұрыс ырғақты демалу, салмақтылық, ашуды, сараңдық, жалқаулықты, басқара білу, өзін-өзі алдамау, шыдамдылық.
Cынып 7 Оқушылар саны ________
Сабақ мақсаты: Оқушыларға бақыттың құндылық ретіндегі мағынасы туралы түсінік беру
Сабақтың міндеттері:
1. Білімділік: оқушыларға адам өміріндегі қуанышты сәттер, істеген игі істерден рақат алуды, барды қанағат тұту және жалпы адам бақыты үшін дұрыс қолдана білуге үйрету;
2.Дамытушылық: Ішкі тыныштық құндылықтарын дамыта отырып, жақсы азамат болуға дағдыландыру;
3. Тәрбиелік: өмірді бағалай алуға тәрбиелеу.
Ресурстар: (құралдар, мәлiметтер)
интерактивті тақта, үнтаспа, бейнематериалдар, қағаз, түсті қарындаштар
Сабақ барысы:
1. Ұйымдастыру кезеңi.
Тыныштық сәтi. № 1 «Нұрға бөлену»
2. Үй тапсырмасын тексеру.
Табиғат сұлулығы туралы пікірлерін айтқызу
3. Дәйек сөз. Дәйексөздің мағынасын түсіндіріңдер
Бақыттың мәні парасаттылықта, әркімнің өз алдына игілікті мақсат қоя білуінде ол мақсат тек кездейсоқ рақат үшін емес, шынайы игілік үшін бағытталуында адамның өз мінез-құлқын, іс-әрекетін ерікті түрде өзгертіп, ізгілікке бағыттап отыруында. Әл-Фараби
4. Әңгiмелеу (сұхбат).
«Ойланайық, пікірлесейік» - сұрақтарға жауап
Бақытты болу дегенді қалай түсінесіңдер?
Өмірдегі әр қуанышты сәттің мәні неде?
Бақытқа жету үшін адам не істеу керек деп ойлайсыңдар?
«Бақытты балалаық шақ» дегенді қалай түсіндірер едіңдер?
Қандай адамды «Басыңа бақ қонған» деп айтуға болады?
«Оқып үйренейік» Мәтінмен жұмыс
Қ. Толыбаевтың «Бақытқа бара жол» мәтінің оқып, ондағы бақыт туралы шәкірттердің пікірталасын оқушыларға жеткізу.
Шәкірттер ұстаздан не туралы айтып беруді өтінді?
Бақыт туралы ұстаз қандай ой айтты?
Бақыт дегенді өздерің қалай түсінесіңдер?
Бақытқа жету үшін не істеу керек деп ойлайсыңдар?
5. Бейнематериалдар көру:
«Бақытты адам»
6. Шығармашылық жұмыс, топтық жұмыс.
«Ата-ана бақыты» тақырыбында ой-толғау жазу
7. Үй тапсырмасы.
8-сабақ, 1 тапсырма
8. Топпен ән айту
Сөзі Т. Молдагалиевтікі, әні Ә. Бейсеуовтікі « Алдымнан шық»
9. Соңғы тыныштық сәтi. Көздеріңізді жауып, бүгінгі сабақта өткен кезеңдерді естеріңе түсіріңіздер. Қандай жақсылықты білдік, соны жүректеріңе сақтандар. Рахмет!
