Отбасылық құндылықтар

Сабақ мақсаты: оқушылар отбасында адам бойындағы асыл қасиеттердің қалыптасатынын ұғынады.

Ресурстар:

(көрнекі құралдар, слайдтар, карточкалар мен мәлiметтер)

1. Сабақ барысы:

Тыныштық сәті «Нұрға бөлену»

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде.

Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте-бірте жарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын». Осындай Нұр, Махаббат және Тыныштық күйінде отыра тұрыңыз... Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рақмет!

5 «Т»ережесін еске түсіру:

1.Тәртіп

2.Талап

3.Тыныштық

4.Тазалық

5.Татулық

«Жәннат бақтары»

Әуен авторы:

Фредерик Шопен

2. Үй тапсырмасы:

Оқулықтың 77 бетіндегі Аңыз әңгіме «Бақытты отбасы» Сахналық қойылым.

Сұрақтар:

1. Мәтінді оқып,өзіңіз үшін қажетті қасиеттер мен түйінді ойларды еске сақтау.

2.Өз отбасыңыз үшін адамгершілік ережесін жасау.

Мәтінмен жұмыс

3.Дәйексөз.

«Отбасында адам бойындағы асыл қасиеттер жарқырай көрініп қалыптасды.Отанға деген ыстық сезім жақындарына,туған-туысқандарына деген сүйіспеншілікпен байланысты»

Нұрсұлтан Назарбаев

1. Дәйексөздің мағынасын түсініп алу.

Слайдта жазылған дәйексөз

4.Әңгiмелеу: «Қонақта» Орал Таңсықбаев.1944ж.

2-тапсырма:Суретке қарап,ондағы отбасылық құндылықтар туралы әңгімелеп беру.

«Өзін-өзі тану»

оқулығы,76-бет

5.Шығармашылық жұмыс. Топпен жұмыс.

Сыныптағы оқушылардың өнерін, шығармашылық қабілеттерін анықтау.

І Топ Отбасы

ІІ Топ – Отбасы құндылықтары

ІІІ Топ – Асыл қасиеттер

Топпен жұмыс Оқушыларды топқа топтастырамыз.

6.Топпен ән айту.

«Сәби болғым келеді»

Әні:Тұрсынғазы Рахимовтікі

Сөзі:Мұқағали Мақатаевтікі

Оқулықта,83б.

Әннің сөзі жазылған слайд

1. Үй тапсырмасы.

Нұрсұлтан Назарбаевтың «Әр халықтың өміріндегі терең имандылық пен рухани негіздер-дәстүрлерге назар аудару керек.Оның халық өміріндегі рөлі еш даусыз»деген ойын басшылыққа алып,пікір алысу жүргізу.

«Өзін-өзі тану»оқулығы,

81-бет

8.Соңғы тыныштық сәтi.

Бүгінгі сабақтан үйренгенімізді жүрегіміздің түбіне сақтап алыңыздар.Сабаққа қатысқандарыызға көп рахмет.Сау болыңыздар.

9.Кері байланыс

Әні,сөзі жазылған слайд

Әні:Ұ.Жолдасовтікі

Сөзі:Шәкәрім өлеңінен үзінді

Сабақ мақсаты:

Ресурстар:

(көрнекі құралдар), слайд,дәптер,түрлі-түсті маркер,ватман.

1. Сабақ барысы:

Тыныштық сәті «Нұрға бөлену»

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде.

Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте-бірте жарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын». Осындай Нұр, Махаббат және Тыныштық күйінде отыра тұрыңыз... Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет!

5 «Т»ережесін еске түсіру.

1.Тәртіп

2.Талап

3.Тыныштық

4.Тазалық

5.Татулық

«Жәннат бақтары»

Әуен авторы:

Фредерик Шопен

2. Үйтапсырмасы.

Оқулықтың 74 бетіндегі А. Сейдімбектің «Бетпақдала» әңгімесін мазмұндау.

Сұрақтар:

1. Хан жарлығы мен ел –жұрттың әрекеті табиғатты қандай жағдайға душар етті?

2.Құнарлы жердің бетпақ далаға айналуының себебі неде деп ойлайсыңдар?

3.Адамзаттың табиғат алдындағы парызы қандай?

4.Осы әңгімеден не ой түйдіңдер?

Мәтінмен жұмыс

3.Дәйек сөз.

«Таза болса,табиғат,

Аман болар адамзат! »

Ф.Онғарсынова

Дәйексөздің мағынасы неде?

Алдымен 2 рет оқып шығып,содан кейін ұлдар- 2рет,қыздар- 2рет оқиды.

4.Әңгімелесу.

1. «Табиғат адамзатқа аманат» бейне көріністі тамашалаймыз.

2. Табиғаттың адам өміріндегі маңызы қандай?

3. Табиғатқа өз қарым –қатынастарыңды қалайша түсіндіресіңдер?

5.Шығармашылық жұмыс. Топпен жұмыс.

Сыныптағы оқушылардың өнерін, шығармашылық қабілеттерін анықтау.

Қамқорлық тобы- табиғат туралы мақал - мәтел жазып мағынасын ашу.

Мейірімділік тобы - табиғат тақырыбына сурет салу

Жанашырлық тобы - табиғат туралы 5 жол, өлең құрастыру.

Топпен жұмыс Оқушыларды «», «Суретшілер», «Ақындар» топқа топтастырамыз.

6.Топпен ән айту.

«Өмір сүрейік алмасып»

М.Мақатаев

Жапырақ-жүрек жас қайың!
Жанымды айырбастайын.
Сен адам бола бастасаң
Мен қайың, бола бастайын.
Келісесің бе, жас қайың?
(Көрінер,мүмкін, кімге ерсі.)
Өміріңді маған бір берші!
Дүрбелең мына дүниені,
Адам көзімен бір көрші.
Қайың боп мен де бағайын,
Орманнан орным табайын.
Беймәлім маған өмірге,
Қайың көзімен қарайын.
Сен-дағы жерден нәр алдың,
Мен-дағы жерден нәр алдым.
Біреуден сен де жаралдың,
Біреуден мен де жаралдым.
Тілің жоқ, жанды қайың сен,
Айырмашылығым - Адаммын.
Мендегі бары бір жүрек.
Беріпті жүрек саған мың,
Сондықтан ұзақ жасайсың -
Құрдасы келер заманның.
Бар-жоғы менде бір жүрек,
Ол өлсе мәңгі кеткенім.
Сендегі: семсе мың жүрек,
Келгенде жасыл көктемін
Тірілер қайта дүруреп.
Жапырақ-жүрек, жас қайың!
Жанымызды айырбастайық?
Адам боп жүрсең қасқайып,
Қайың боп тұрам қасқайып,
Тәуекел, айырбастайық.
Өмірге-өмір жалғасып,
Анамыз жерге жармасып,
Бірде адам, бірде қайың боп,
Сүрейік өмір алмасып...

1. Үй тапсырмасы.

«Табиғат аясында өзіңді-өзің ұстай біл»жобасын жасап келіңдер.

8.Соңғы тыныштық сәтi.

Бүгінгі сабақтан үйренгенімізді жүрегіміздің түбіне сақтап алыңыздар.Сабаққа қатысқандарыңызға көп рахмет.Ендеше сабағымызды мына өлең жолдарымен аяқтағым келіп тұр.

Табиғат сен тіршілік тұнып тұрған,

Сен күнсің көтерілген күліп қырдан.

Сен көлсің,сен ормансың,сен бұлбұлсың,

Адамға сұлулықты шын ұқтырған –деп ақын бабаларымыз жырлағандай,мен де сендердің күндей күліп, күлімдеп,гүлдей жайнап,ағаштай биік,судай таза болып өскендеріңді тілеймін!

«Балалық шақ» Автор Т.Мұхаммеджанов

Орындаушы: А.Еңсепов