Мемлекеттік р?міздері

Солтүстік Қазақстан облысы

Ғабит Мүсірепов атындағы ауданы

№1 Новоишим орта мектебі

Сабақтың тақырыбы:

« Қазақстан Республикасының мемлекеттік рәміздері»

Қазақ тілі мен әдебиеті мұғалімі:Дүйсенбина Жанат Қорғанбекқызы

Сабақтың тақырыбы: Қазақстан Республикасының мемлекеттік рәміздері

Сабақтың мақсаты:

Білімділік: Қазақстан Республикасының рәміздерін құрметтеу және еліміз үшін асқақ сезім екенін түсіндіру. Құрмалас сөйлемдердің басты белгілерін білу, құрылысын, құрамын ажырату, тыныс белгілерін қайталап практикалық жолын меңгерту.

Тәрбиелік: Қазақстан азаматтарының мемлекеттік рәміздердің алдындағы борышын түсіндіру. Елін, жерін сүюге, оқушыларды патриоттық сезімге, отансүйгіштікке, оны қорғауға тәрбиелеу.

Дамытушылық: Оқушылардың сөйлеу мәдениетін, өз ойын ортаға салу дағдыларын жетілдіру. Ынта қойып тыңдау, жазу талдау машықтарын қалыптастыру, сөздік қорын, сөз байлығын дамыту, талдау және салыстыра білу дағдыларын дамыту;

Көрнекілігі: Қ.Р рәміздері туралы слайдтар, грамматикалық тапсырмалар.

Пәнаралық байланыс: тарих.

Сабақтың типі: жаңа сабақ

Өткізу әдісі: сұрақ-жауап, түсіндіру, әңгімелеу

Сабақ барысы:

1. Ұйымдастыру кезеңі.

2. Мақсатымен таныстыру.

3. Қазақстан туралы әңгімелеу.(слайдтар арқылы)

ҚР тәуелсіздігі туралы

ҚР астанасы туралы

ҚР президенті туралы

ҚР Конституциясы туралы

1. «Жылдар сөйлейді» слайды бойынша Қазақстан туралы әңгімені жалғастырып, видеокөрініс арқылы Қазақстан туралы білімдерін бекіту.

2. ҚР рәміздері туралы әңгімені жалғастыру.

А) ҚР туы ( авторы, түсі)

-ҚР мемлекеттік туында не бейнеленген?

- Қыран, ою, күн бейнесі нені білдіреді?

- Мемлекеттік туды қайда орнатады? (слайд)

Ә) ҚР мемлекеттік елтаңбасы ( авторы, түсі)

-ҚР мемлекеттік елтаңбасында не бейнеленген?

- Шаңырақ, тұлпарлар, жұлдыз нені білдіреді?

- Мемлекеттік елтаңбаны қайда орнатады? (слайд)

Б) ҚР мемлекеттік әнұраны

- Авторлары?

- Қашан қабылданды?

-Қашан, қайда орындалады?( слайд)

6.Мәтін бойынша жұмыс. (интерактивтік тақтада)

Қазақстан Республикасының тәуелсіз ел ретінде мемлекеттік рәміздері бар. Олар: Қазақстан Республикасының мемлекеттік әнұраны, Қазақстан Республикасының мемлекеттік елтаңбасы, Қазақстан Республикасының мемлекеттік туы.

Қазақстан Республикасының Президенті Н.Ә.Назарбаев 1992 жылдың 4 маусымында «Қазақстан Республикасының Мемлекеттік Туы туралы », «Қазақстан Республикасының Мемлекеттік Елтаңбасы туралы», «Қазақстан Республикасының Әнұраны туралы» заңдарға қол қойды.

«Қазақстан Республика азаматтары, сондай-ақ Қазақстан Республикасы аумағында тұратын ұлттар Қазақстан Республикасының Мемелекеттік Туын, Елтаңбасы мен Әнұранын қастерлеуге міндетті»

(Президент жарлығынан)

«Қазақстанның әрбір азаматы өз елінің негізгі Заңын құрметтеуге сөзсіз орындауға тиіс» Н. Назарбаев

7. Грамматикалық тақырыпты қайталау,тапсырмаларды орындау, синтаксис талдау жасау.

1.Құрмалас сөйлем дегеніміз не?

2. Оның түрлері?

3. Жай сөйлем дегеніміз не?

4. Оның түрлері?

Біздің республикамыздың мемлекеттік рәміздеріне шетелдік мамандар жоғары баға берген.

Мемлекеттік рәміздеріміз әлемдік каталогқа енген. (жай сөйлемге сатылай талдау жасау)

Қазақстан Республикасының мемлекеттік гимні көпшілік алдында орындалған кезде қатысушылар Гимнді орнынан тұрып, оң қолының алақанын омырауының сол жағына қойып тыңдайды.

( Қимыл -сын сабақтас құрмалас сөйлем синт. талдау)

Мемлекеттік рәміздерді мақтан етейік, себебі Отаншылдық сезім осы рәміздерге әрқайсымыздың құрметімізден басталады.

(Себеп-салдар салалас құрмалас сөйлем)

8.Семантикалық картаны толтыру.

9. Тест сұрақтарына жауап беру.

Құрмалас сөйлемді табыңыз. 
A) Сыныпқа оқушылардың бәрі жиналды. 
B) Іңір де түсті, балалар да үйлеріне кірді. 
C) Бұл мәселе сынып сағатында шешілді. 
D) Олар мұғаліммен ұзақ әңгімелесті. 
E) Нақты қорытынды жасалды.

 Шартты бағыныңқы сабақтас құрмалас сөйлемді табыңыз. 
A) Олар Асанды күтпестен, ертемен жолға шығып кетті. 
B) Күн жылы болғандықтан, біз серуенге шықтық. 
C) Не ексең, соны орасың. 
D) Тәуелсіздікті анаңдай ардақта, балаңдай мәпеле. 
E) Анам хатты төрт-бес рет оқып шықты. 

Қарсылықты салалас құрмалас сөйлемнің жалғаулықтарын табыңыздар. 
A) Бірақ, дегенмен, алайда. 
B) Бірде, біресе, кейде. 
C) Не, немесе, яғни. 
D) Және, әрі, да, де. 
E) Өйткені, сондықтан, себебі. 
Мезгіл бағыныңқы сабақтас құрмалас сөйлемді табыңыз. 
А) Не ексең, соны орасың. 
В) Күз келсе де, жаңбыр жаумады. 
С) Сабақ ерте басталғандықтан, ерте бітті. 
D) Ол көп уайымдап, ерте келді. 
E) Мұғалім айтқанда, ол жазды. 

Сөйлемнің түрін анықтаңыз. 
Сабақ кестесін өзгертсе, бізде кітапханаға баратын уақыт болады. 
А) Салалас құрмалас сөйлем. В) Жай сөйлем. 
С) Жалаң сөйлем. D) Атаулы сөйлемE) Сабақтас құрмалас сөйлем.

10. Қорытындылау. Слайд арқылы Венн диаграммасын толтыру.

(салалас құрмалас сөйлем мен сабақтас құрмалас сөйлемнің ұқсастықтары мен ерекшеліктерін анықтау).

11. Бағалау.

12. Үйге тапсырма. Құрмалас сөйлем түрлері.