КИІМ АТАУЛАРЫ

Күні: Қазақ тілі, 5-сынып ІІ тоқсан № 1-сабақ

Сабақтың тақырыбы: Тамақтану тәртібі

Сабақтың мақсаты:

Білімділік: Тамақтану тәртібі тақырыбы бойынша сөйлесе отырып, фонетиканы қайталау.

Дамытушылық: Қазақ тіліне тән дыбыстарды дұрыс айтқызу арқылы тіл дамыту;.

Тәрбиелік: тағамды қастерлеуге тәрбиелеу.

Сабақтың түрі: жаңа сабақ.

Сабақтың әдісі: тілдесім, тыңдалым, жазылым, оқылым, айтылым.

Сабақтың көрнекілігі: суреттер.

Пәнаралық байланыс:өзін-өзі тәрбиелеу

Сабақтың барысы:

І. Ұйымдастыру кезкңі. Амандасу . Оқушыларды түгендеу. Кезекшімен сұхбаттасу.

-Бүгін қай күн?

-Аптаның нешінші күні?

-Бүгін ауа райы қандай?

-Үй жұмысына не берілді?

-Үй жұмысын кім орындаған жоқ?

ІІ. Үй жұмысын тексеру.

ІІІ. Негізгі кезең.Жаңа сабақ. Тілдесім. Суреттер мен қосымша материалмен жұмыс.

Тақтамен жұмыс.

А) Кеспе, тосап, нан фонетикалық талдау (қатарынан 3 оқушы шығады)

Ә) Тамақтану (септеу)

Б) Жіктеу

І жақ мен тамақ ішіп отыр+мын біз тамақ ішіп отыр+мыз

ІІ жақ сен тамақ ішіп отыр+сың сендер тамақ ішіп отыр+сың+дар

ІІ жақ сіз тамақ ішіп отыр+сыз сіздер тамақ ішіп отыр+сыз+дар

ІІІ жақ ол тамақ ішіп отыр олар тамақ ішіп отыр

Сергіту сәті

Сөздікпен жұмыс. Оқу, сөз тіркесін құру.

Қастерлеу – ценить

Жан-жақтан – со всех сторон

Жеп көру - попробовать

Жеке жұмыс. Зат есімнің септік жалғаулары

Септіктердің аты	Сұрақтары	Септік жалғаулары
Атау септік	Кім? не?
Ілік септік	Кімнің? Ненің?	- ның, - нің, - дың, - дің, - тың, - тің
Барыс септік	Кімге? Неге? Қайда?	- ға, - ге, - қа, - ке
Табыс септік	Кімді? Нені?	- ны, - ні, - ды, - ді, - ты, - ті
Жатыс септік	Кімде? Неде?	- да, - де, - та, - те
Шығыс септік	Кімнен? Неден?	- нан, - нен, - дан, - ден, - тан, - тен
Көмектес септік	Кіммен? Немен?	- мен, - бен, - пен

Тақтамен жұмыс. Берілген сөздердің қай септікте тұрғанын анықтап, жалғауларын табу.

Диқандар, көктемде, тамақтардан, аспазшымен, кеспеге, тағам, наубайханаға, кезекшіден, еңбекпен, сәбізді, асқабақты, тағамдардың.

Тіл дамыту. Нан туралы мақал-мәтелдерді еске түсіру, жазу, дауыстап хормен оқу.

• Еңбектің наны - тәтті,

Жалқаудың жаны – тәтті.

• Ас атасы – нан.

• Нан – қасиетті тағам.

• Ас – адамның арқауы.

• Нан – тамақтың атасы

• Ынтымақ – көптің батасы.

• Қазаныңа не салсаң

Шөмішіңе сол ілінеді Алты күн аш болсаң да

Атаңның әдетін тастама.

Ертеңгі асты тастама

• Кешкі асқа қарама. Ашаршылықта жеген құйқаның

Аузыңнан дәмі кетпес.

• Түскі асқа

Түстік жерден қонақ келеді.

• Айға жетпес асыңды Кешкі асқа

Ауылдастан аяма!

• Ертеңгі асты өзің іш,

Сабақты бекіту:

Кері байланыс

ІҮ. Үй жұмысы: 56-бет, оқу.

Күні: Қазақ тілі, 7-сынып ІІ тоқсан № 1-сабақ

Сабақтың тақырыбы: Интернетке қосылу үшін не істеу керек?

Сабақтың мақсаттары:

1. Білімділік: Ғаламтордың мүмкіндіктерін білу.

2. Дамытушылық: Деңгейлік тапсырмаларды орындау арқылы тіл

дамыту

3. Тәрбиелік: Интернетті пайдалана білуге баулу.

Сабақтың әдісі: тілдесім, тыңдалым, жазылым, айтылым

Сабақтың көрнекілігі: карточкалар

Сабақтың түрі: жаңа сабақ

Пәнаралық байланыс: информатика

Сабақтың барысы:

І. Ұйымдастыру кезеңі: Амандасу. кезекшімен сұхбаттасу.

- Қазір қандай сабақ?

- Қазақ тілі нешінші сабақ?

-Бүгін нешесі?

-Үй жұмысына не берілді?

-Үй тапсырмасы бойынша қандай қиындықтар кездесті?

ІІ. Үй жұмысын тексеру.

ІІІ. Негізгі кезең.

• Сөздікпен жұмыс.

қызметкерлер – сотрудники бадарлама – программа

жылдамдық – скорость танымал – известный

жөнелту – отправлять

• Мәтінді оқу, жоспар құру.

• Деңгейлік тапсырмаларды орындау.

І деңгей

Сөйлемді толықтыру

Электронды пошта 1965 жылы ... .

Электронды пошта хаттан басқа ... .

Электронды поштамен жұмыс істеуге арналған танымал бағдарламалар ... .

ІІ деңгей

тәуелдеу, жіктеу.

І. Менің интернетім, сұранысым Мен іздеймін, бағалаймын

ІІ. Сенің интернетің Сен іздейсің

ІІ. Сіздің интернетіңіз Сіз іздейсіз

ІІІ. Оның интернеті Ол іздейді

І деңгей

Мәтін бойынша диалог құру.

Электронды пошта немесе е-mаіl – интернеттің жиі қолданылатын мүмкіндіктерінің бірі.Электронды пошта 1965 жылы пайда болған. Электронды поштаның ең елеулі ерекшелігі – оның жылдамдығы . Электронды пошта хаттан басқа сурет, бейнелік мәлімет, дыбыс, бағдарлама т.с.с. ақпарат түрлерін тасымалдай алады.

Сабақты бекіту

ІҮ. Үй жұмысы:

«Интернеттің шығу тарихы» туралы қосымша мәлімет жинап әкелу.

Күні: Қазақ тілі, 9- сынып ІІ тоқсан № 1 - сабақ

Сабақтың тақырыбы: Қандай шәкірт болуымыз керек?

Сабақтың мақсаттары:

1. Білімділік: Лексикалық тақырып бойынша сұхбаттасу, грамматика

бойынша оқушыларды ОЖСБ-ға дайындау.

1. Дамытушылық. Білімдік танымдарын өмірмен байланыстыра отырып

арттыру.

3. Тәрбиелік. Ұқыпты шәкірт болуға тәрбиелеу.

Сабақтың әдісі: сөйлесім, тілдесім, жазылым, айтылым, оқылым.

Көрнекіліктер: кітаптар көрмесі, оқулық.

Сабақ түрі: аралас сабақ

Пәнаралық байланыс: әдебиет, орыс тілі

Сабақ барысы:

І. Ұйымдастыру кезеңі.

Амандасу. Оқушыларды тексеру.

ІІ. Үй жұмысын тексеру.

ІІІ. Негізгі кезең 1.Мотивация.

Қабат-қабат қапталған,

Асыл сөзбен апталған.

Парағы бар сөйлейтін,

Ол қазына өлмейтін.

Бетін адам ашады,

Білім нәрін шашады.

Ол не? т.б.

2. Қандай шәкірт болуымыз керек? тақырыбына сұхбаттасу.

3. Көрнекілікпен жұмыс. Кітап – қарым-қатынастың, еңбектің, күрестің құдіретті құралы. «Кітап – білім бұлағы». Кітап – өмір ұстазы. Кітапты оқымай, өмірді білу мүмкін емес.

Кітап туралы ережелер:

• Кітаптың мұқабасы бүлінбес үшін оны қаптап ал.

• Тамақ ішіп отырып кітап оқыма, оны ластап алуың мүмкін.

• Кітаптың арасына қаламсап және басқа жуан нәрсе салма, оның түбі жыртылады.

• Кітап беттерінің бұрышын бүктеме, оның бұрыштары жыртылады.

• Кітап беттерінің арасына қыстырғыш жасап ал.

• Кітапты жыртпа, кітапқа сурет салма.

• Кітапты майыстырып, бүктеме

• Кітап – бағалы сыйлық.

Тіл дамыту. Кітап туралы мақал-мәтелдер

Ақыл азбайды,

Білім тозбайды.

Кітап білім бұлағы,

Білім өмір шырағы. т.б.

Кітап туралы нақыл сөздер.

Білімнің қайнар бұлағы – кітап.

Кітап – құдіретті қару.

Кітап – өмір ұстазы.

Тақтамен жұмыс. Синтаксистік талдау жасау.

нені? қанша? кім? не істейді?

Кітапты миллиондаған адам оқиды. (жай сөйлем, хабарлы, жақты, толымды, жайылма)

ОЖСБ-ға дайындық (мәлімет беру)

Күләш Бәйсейітова (Астана)

Иса Байзақов (Павлодар)

Мұқтар Әуезов (Алматы)

Ең алғашқы спектакль «Еңлік-Кебек» М.Әуезовтікі, «Неке қияр» Б.Майлиндікі.

Ең алғашқы драма театры 1926 жылы ұйымдастырылды.

Біріккен сөздер туралы мәлімет беру.

Екі немесе одан да көп түбірден бірігіп, тұтас бір ұғымды білдіретін күрделі сөздер біріккен сөздер деп аталады.

Қазақ тілінде біріккен сөз екі түрлі болады:

1)Құрамына енген түбір сөздердің тұлғалары сақталады:

Түйеқұс, бұзаубас, қарақұрт, басмақала т.б.

2)Құрамына енген түбірлердің тұлғалары сақталмай, кейбір дыбыстық өзгерістерге ұшырайды. Мысалы: биыл – бұл+жыл, жаздыгүні –жаздың+күні, түрегелді-тұра+келді т.б.

Кітаппен жұмыс. Тест сұрақтарына жауап беру. 40-бет.

ІҮ. Үй жұмысы: 2-тапсырма, 41-бет.

Күні: Қазақ тілі, 11- сынып ІІ тоқсан № 1 - сабақ

Сабақтың тақырыбы: Алтай өңірінің байлығы.

Сабақтың мақсаттары:

1. Білімділік: Лексикалық тақырып бойынша сұхбаттасу, грамматика

бойынша оқушыларды ҰБТ-ға дайындау.

1. Дамытушылық. Білімдік танымдарын өмірмен байланыстыра отырып

арттыру.

3. Тәрбиелік: Қоршаған ортасын таза ұстауға тәрбиелеу.

Сабақтың әдісі: сөйлесім, тілдесім, жазылым, айтылым, оқылым.

Көрнекіліктер: кітаптар көрмесі, оқулық.

Сабақ түрі: аралас сабақ

Пәнаралық байланыс: әдебиет, орыс тілі

Сабақтың барысы:

І. Ұйымдастыру кезеңі: Амандасу. кезекшімен сұхбаттасу.

ІІ. Үй жұмысын тексеру.

ІІІ. Негізгі кезең. Оқылым, тілдесім, айтылым.

1. Мәтін арқылы тіл дамыту. Мәтінді оқу.

2. Негізгі ойды анықтау.

3. Сөйлем түрлерін анықтау.

Алтай жерінің асты қандай қазыналы болса, үсті де сондай бай ғой. Мұның сыңсыған орманының өзі бір байлық емес пе жатқан! Оны нағыз Тайганың өзімен ғана теңестіруге болады. Алтай орманын аралап көргендеріңіз бар ма? Оның іші ғажап қой! Балуан пішінді кедр ағашын көріп пе едіңіздер? Жел қозғалғанда, оның жасыл инее жапырақтарының ғажайып күйге ұқсайтын сыбдыр-сыбдырын естіп пе еді құлақтарыңыз? Кедрді көрмесеңіздер, оның үнін естімесеңіздер, онда Алтай орманын аралаңыздар.

… Ең алдымен орман ішінің ауасын айтсаңызшы! Оған жақындай бергенде –ақ шөптің, шайырдың, жапырақтың, топырақтың, ағаштың, гүлдің бір сөзбен айтқанда,- бүкіл табиғаттың хош иісі мұрныңды жарады.

Тапсырмалар: Жазылым.

1. Сөздерге фонетикалық талдау жасаңдар.

Қазыналы теңестіру

1. Сөздерді сөз құрамына талдаңдар.

Орманының қазыналы

Көрмесеңіздер аралаңыздар

Мұрныңды алдымен

1. Сөйлемге синтаксистік талдау жасаңдар.

2-сөйлем 4-сөйлем

ҰБТ-ға дайындық.

1.Дауысты дыбыс әсерінен өзгеріске ұшырап тұрған дыбысы бар сөзді табыңыз.

А) Ықпалы В) қайраты С) дыбысы Д) намысы Е) жүрегі

2.Туынды түбірлер қатарын табыңыз.

А) ақылсыз, ақыл В) ақылды, қуатты С) Нашар, күшті Д) Ақыл, жуас Е) Жақсы, жаман.

3.Туынды зат есім жасайтын жұрнақты табыңыз.

А) -дікі, В) – дар С) –қа Д) –нда Е) –хана

4.Туынды зат есім жасаушы қосымшаны табыңыз.

А) жіктік жалғау В) тәуелдік жалғау С) жұрнақ Д) септік жалғау Е) көптік жалғау.

5. Туынды сын есімді табыңыз.

А) тар, кең В) ұзын, қысқа С) Жақсы, жаман Д) ақылды, қуатты Е) Келте, шолақ.

ІҮ. Үй жұмысы. Берілген сөздердің мағыналарын талдау.