Азық-түлік дүкенінде

5-сабақ: Азық-түлік дүкенінде

Мектеп: Е.Ағелеуов атындағы Махамбет орта мектебі

Күні:

Мұғалімнің аты-жөні:Шыныбекова Б.

1 сынып «Қазақ тілі»

Қатысқаны: Қатыспағаны:

Сабақта меңгерілетін дағдылық мақсаттар:

Берілген суретке (зат) қатысты сипаттау сөздерін жазу;

Диалогты түсіну және түрлі тәсілдермен әрекет жасау, этика нормаларын сақтап жауап беру.

«Бар/жоқ, барамын/бармаймын» сөздерін өмірде орынды қолдануға үйрету.

Табыс критерийлері

Оқушылардың жоғарғы жетістігі: азық-түлік дүкенінде не сататынын біледі және өмірлік жағдаятта еркін қолдана алады;

Оқушылардың орташа жетістігі: азық-түлік атауларын «бар/жоқ, барамын/бармаймын» сөздерімен байланыстыра қолдана алады.

Оқушылардың төмен жетістігі: азық-түлік заттарын атай алады.

Тірек сөздер

Сатып алады, барамын, бармаймын, жеңіл, ауыр, пайдалы, ірімшік, жұмыртқа, шұжық.

Оқыту әдістері

Сұрақ-жауап, сипаттау, сурет салу

Қажетті ресурстар

Қарындаш, қағаз, флипчарт, желім, бояу, түрлі суреттер, видео, азық-түлік муляждар, қағаз ақша

Күтілетін нәтиже

Өзі жақсы көретін тамақтың суретін салады;

Тамақты сипаттап береді, «бар/жоқ, барамын/бармаймын» сөздерін өмірде қолдана алады.

Уақыт

Сабақ кезеңдері

Мұғалім әрекеті

Оқушы әрекеті

Қалыптастырушы

бағалау

І.Қызығушылығын

ояту

Бүгін сабаққа деген көңіл-күйлерін қандай? (смайлик көрсету) 

Айтылым. Оқушылардың алдындағы күлекештерді (мимикамен) көрсету.

Ынталандыру

Білу

(МК) Азық-түлік дүкенінде не сатылады? «Бар/жоқ, барамын/бармаймын» сөздерін орынды қолдануды түсіндіреді.

(ҰЖ) Дүкенде не сатылатынын суретке қарап отырып атайды. Дүкенде не бар, не жоқ екенін айтып беру. Өз жұбына бұрылады.

Жұбыңа бұрыл

Ой қозғау(шақыру)

(МК) Монитордан «Азық-түлік» дүкені туралы видео көрсетіледі.

(Ұ) Айтылым. Видеодан не көргендерін айтады.

ІІ.Мағынаны тану

(МК) Топқа бөлу.

Нан тағамдарына не жатады?

Сүт тағамдарына не жатады? -деген сұрақтарды қою арқылы топқа бөліп, рөлдерге ойнатады. Дүкенде азық-түлік муляждары тұрады, соны сатып алуға оқушылар (қағаз ақшамен) келеді.

(Т) Оқушылар нан, сүт тағамдарын атап, топқа бөлініп отырады. Әр топтан екі оқушы шығып, рөлдерге бөлініп ойнайды. Жақсы әртістік қабілеті бар оқушыға медаль беріледі.(Оқушы-сатушы)

Рөлдік ойын

Түсіну

(МК) Диалогті оқы.

Сөмкеңде не бар? тапсырмасы бойынша «бар, жоқ» сөздерін пайдаланыңыз. Оқушылар топпен жұмыс жасайтынын ескерту. Суреттерді сөйлетіп, ойын жеткізеді. Осы арқылы сөз мағыналарын ажыратады, бірін-бірі тыңдай отырып, сөздердің дыбыстық құрамын ажыратады.

Дискриптор

­Оқушылар суреттер бойынша сөйлей алады;

­Өз ойларын айтады;

(Ж) Оқылым. Жұппен жұмыс. Оқулықтағы диалогті оқиды, толықтырады.

(Т) Айтылым. Сурет арқылы сұраққа жауап береді және сипаттайды.

І «Нан» тобы: Сөмкемде нан бар. Дүкенде ақ (қара) нан сатылады....

ІІ «Сүт» тобы: Сөмкемде шай жоқ. Мен дүкеннен шай сатып алмаймын. ...

Жазылым

(МК) Мұғалім оқушылардың қиялына ерік береді. Оларды ынталандырып, қиялдары бойынша ұнататын тағам суретін салуды тапсырады. Бұндай жұмыс қолмен жазу, түстерді таңдай білу дағдыларын дамытады, талғампаздыққа тәрбиелейді. Жақсы салынған суретке сыйлық барын ескерту.

(Ө) Жазылым. Ақ параққа азық-түліктің суретін салып бояйды да астына өз есімдерін жазады. Ең жақсы салынған суретті ерекше мадақтау.

Ынталандыру сыйлығы

Сергіту

Балық

Жып-жылы, тұнық суда,

Балық жүзіп жүр екен.

Біресе керіледі, біресе жиырылады,

Ал біресе құмға тығылады.

Мұғалім шартын түсіндіреді.

Оқушылар қайталап отырады.

1) Екі қолдарын алға созып, алақандарын бір-біріне түйістіріп, ирелеңдетеді.

2) Екі қолдарын айқара ашады, жаяды.

3) Екі қолдарын кеуделеріне қарай тығады.

4) Екі алақандарын бүрістіріп, ирелеңдетіп бүгеді.

ІІІ. Ойтолғаныс

(шығарма.тапсырма)

Күрделі тапсырма. Жоба қорғау.

А) Оқушыларға «қара, ақ, тәтті, ащы, ауыр, жеңіл» сөздерінің сурет-сөздігін дайындатуға болады.

Ә) Оқушыларға боялмаған әртүрлі заттардың суреттерін үлестіріңіз. Оларды шынайы өмірдегі түсіне сәйкес бояп, өз постерлеріне орнату керек. Содан кейін жобаны қорғау жұмысы басталады.

Топпен жұмыс. Әр топ өз суреттерін бояп, флипчартқа желіммен жапсырады, ат қояды, жай сөйлемдерді қолданып, жобаларын қорғайды. Мысалы: «Сүт, ірімшік, май, айран, құрт...» осы суреттерді (топтағы әр оқушы бір-бірден алып бояйды) флипчартқа жапсырады да «Сүт тағамдары» деп ат қояды. Жобаны қорғау. Мынау - сүт тағамдары. Сүт тағамдарына: айран, құрт... жатады. Ірімшік, май тәтті. Құрт-ащы. Сүт тағамдары ақ және жеңіл болады. Олар өте пайдалы.

Топ бірін-бірі бағалау

Жинақтау (бекіту)

Сөйлесім. Тапсырманы күрделендіру үшін түрлі суреттерді көрсетіп, оқушыларды сөйлесімге тартыңыз.

Сөйлесім. Суретке қарап айту керек. (үлгі)

Мынау-қант. Қант-ақ, тәтті, қатты. Менің сөмкемде қант бар. Мен дүкеннен қант сатып алдым.

Бағалау

Формативті бағалау. Сұрау стратегиясы топтың білімін жылдам бағалауға мүмкіндік береді

(Т) Оқушылар сұрақтарға жылдам жауап беруге тырысады.

Сұрақ тармақтары

Үйге тапсырма

Кері байланыс (рефлексия)

(МК) Оқушыларды шатастыру мақсатында білімдерін тексереді. Сурет арқылы «Мынау не?» Аю ма? Түлкі ме?...

Оқушылар сұрақтарға ауызша жауап береді.

Білім дағдыларын тексеру сұрақтары