«Мемлекеттік тіл-менің тілім!»

Сабақтың мақсаты:Оқушылардың тіл туралы танымдық деңгейін көтеру.

Жас ұрпақты ана тілінің қадір – қасиетін білуге шақыру.Оқушылардың ой – өрісін

кеңейтіп,сөздік қорын молайту.

Сабақтың түрі:Сайыс сабақ 
Сабақтың типі:Сыныптан тыс 
Сабақтың әдісі:Сұрақ – жауап, топпен жұмыс, ойын 
Сабақтың көрнекілігі:Интерактивті тақта, плакатқа жазылған нақыл сөздер 
Сабақтың барысы:

1.Ұйымдастыру кезеңі 
Мұғалім сөзі:

Тіл – адамзат баласына тән ғажайып құбылыс.Адамзат қоғамының

аясында халық, ұлт және оның тілі жүздеген, мыңдаған жылдар бойы

қалыптасады.Әр ел өз тілі арқылы әлемді, дүниені, өмірдің құнды тағылымдарын

таниды.Өз елінің мәдениетін жасайды, өмірден түйген тағылым, тұжырымдарын

келешек ұрпақтарына жеткізеді.Тіл – халық тарихы,тіл – ұлттық қазына,тіл – біздің

намысымыз,арымыз, байлығымыз,барымыз. Ана тілі – бұл атаңның,анаңның

тілі,туған халқыңның тілі.Ана тілін біз кішкентай кезімізден қастерлеп,құрметтеп

үйрене бастаймыз.Әр халықтың жер бетінде жасағаннан бергі басынан кешкен

өмірі, ерлік істері,аңыз-ертегілері,шығарған өлең-жырлары,жазған кітаптары,

табиғат пен қоғам құбылыстары атаулары,көрген білген жалпы дүние жайындағы

ұғымдары,ойы,сезімі – бәрі- бәрі де ана тілінде сақталады,ана тілі арқылы атадан

балаға ауысып отырады. Қазақ халқы өз тілін ардақтап, кие тұтқан.Тіл құдіретін

танып, «Өнер алды-қызыл тіл», «Бас кеспек бар да, тіл кеспек жоқ» деп

дәріптеген.Ананың әлдиімен ұрпақ бойына таралып, ананың бал сүтімен сүйегіне

сіңетін тілді ана тілі деп аялаған.Атаның ақылы мен даналығына суарылған сөз аталы сөз боп есептелген. Қазақстан Республикасының Конституциясына сәйкес қазақ тілі мемлекеттік тіл мәртебесіне ие. Қазақстан Республикасының Конституциясы(1995),Тіл саясаты туралы тұжырымдама(1996) және Қазақстан Республикасындағы тіл туралы Заң (1997) тек қазақ тілінің ғана емес,республикадағы барлық ұлт тілдерінің ұлтаралық жарастық пен рухани ынтымақтастыққа құрылған мүддесін көздейді.Тіл туралы Заң VІ тарау, 27 баптан тұрады. Осы Заң Қазақстан Республикасында тілдердің қолданылуы құқықтық негіздерін, оларды оқып-үйрену мен дамыту үшін жағдай жасау жөніндегі міндеттерін  белгілейді.
Құрметті оқушылар, енді зияткерлік  сайыс-сабағымызды бастаймыз.

1-айналым.Ана тілім –тірлігімнің тірегі,

                    Тілмен ғана кірер адам реңі.

                    Тілсіз қоғам –өлі,мынау дүние

                    Түсініксіз тылсымменен бір еді.

                    Ана тілім –бәрін сөйлер шежірем,

                    Тілсіз нені білдіре алам, не білем!

                    Тілім барда ғана мынау ғаламның

                     Кілтін табар саналысы сезінем,- дей келе

 Сайыс кешіне қатысушы 2  топ өздерінің топ атауларын және төс белгі  қорғайды.

2-айналым.Туған тілде сыры терең жаным бар,

                     Туған тілде әнім менен сәнім бар.

                     Туған тілім тіл болудан қалса егер,

                     Жүрегімді суырып-ақ алыңдар,-демекші бұл айналымда оқушылар тіл тарихына шолу жасайды.

3-айналым.Жанбасамда,жансам да, 
Туғантілдесайраймын. 
                           Мылқау болып қалсам да, 
                          Туған тілді ойлаймын.-дей отырып ендігі кезекті сұрақ жауапқа береміз.

4-айналым.Дәулет деген ұғыңдар,

                    Кеше бар да,бүгін жоқ.

                    Тілің болса,үнің бар,

                    Тіл болмаса,түгің жоқ-дей келе, оқушылар бұл айналымда тілдің бүгіні мен ертеңі  бойынша постер қорғайды.

Әрбір тілде сөйле әлемді таң қылып,

                Қазақ тілін білмеу қандай заңдылық?!

                Өсер болсаң, байтақ далам тұрғанда,

                Қазақ тілі жасау керек мәңгілік!- дей отырып, бүгінгі сайысымызды аяқтаймыз.