Баяндама "?аза? тілі - мемлекеттік тілі"

Мемлекеттік тіл – Тәуелсіз елдің негізігі рәміздерінің бірі.Елдің өзінің Туы,Елтаңбасы,Әнураны,шеқарасы болатыны секілді мемлекеттік тіл де болады.Сонымен, біздің мемлекеттік тіл де –мемлекеттігіміздің негізгі атрибуттарына жатады. «Қазақстан Республикасың мемелекеттік тілі- қазақ тілі» деп біздің Ата Заңымызда жазылған.

Ал орыс тілі –ресми тіл және мемлекеттік тілмен бірдей қолданылады деп айтылған.Біз Конституция талаптарын орындауға міндетпіз.

Мемлекеттік тіл тәуелсіздігіміздің жырын жырлап,бұғанасын қатайтты. «Ұлттың сақталуына да,жоғалуына да себеп болатын нәрсенің ең қуаттысы – тіл» деген Ахмет Байтұрсыновтың қасиетті қағидасына сүйенсек Ата Заң аясында бақ- берекетіміздің сақталып отырғаны тіл саясатын да дұрыс жүргізудің жемісі екені анық. Тіл- халық қазынасы,ұлттық жаны. Тілдің мәселесі- ұлттық мәселесі.Тіл меңгеруде ата- ананың рөлі ерекше екенің әр отбасы уыз шағынан балаға қазақ тілін үйретуді қолға алса, бұл тілдің еш қиындығы жоқ. «Ана тілін білмеген,анасын да сыйламас» деген асыл сөз тараған, себебі өз ана тілін білмеген жаннаң анасын сыйлайтын жанның шығуы неғайбыл.Әрбір отбасында ,осындай тілге деген жанашырлық болса, «тамшыдан тама – тама дария болар» дегендей, тіліміздің жағдайы әлдеқайда жоғары деңгейге көтерілер деген сенімдемін.Өзге тілді ұлт мектептеріне қазақ тілін негізгі пәндердің бірі ретінде қою тілді дамытуға жасалған дұрыс деп ойлаймын.Себебі,Қазақстанның азаматы деп саналған жас ұрпақ мемлекеттік тілді білуі шарт деп айтуыма болады.Тіл- адамдар арасындағы қарым- қатынастың аса маңызды құралы ғана емес, дүниетанымның, ойлаудың,рухани мәдениетті жасаудың ұлттық ұжымдық тәрбиесін жинактаудың, сақтаудың құралы.Жас ұрпақты дұрыс тәрбиелеу,оларға ғылым мен білімді үйрету тіл арқылы жүзеге асады.Мектеп қабырғасында Мемлекеттік тілді оқыта отырып,жастардың бойына елдік сана сіңіріліп, мемелекеттік рәміз,ұлттық болмыс туралы ақпараттар толық беріледі. Біздің қазақ халқының тілі өте бай,айтылуға орамды,көркем тіл. ТІл адамның барлық саналы өмірің құралы: өнер –білімді,мәдениеттілікті , қоғамның белсенді азаматы болуды ол тіл арқылы үйренеді.Тіл байлығын игеру – ана тілін қадірлейтің тіл мәдениетінің шыңына қол созатын адамның әрекеті.Елбасымыз айтқандай, «Қазақстанның болашағы – қазақ тілінде» . Ендеше ,тілімізді ,ұлтымызды , отбасымызды қадірлегендей қадірлейік !