Сабақтың мақсаты: Оқушылардың білім деңгейін көтеру, ұжымдық түрде білім алуға баулу, сөздерді өзара байланыстырып, ойды жүйелеп айту дағдысын қалыптастыру, грамматикалық тақырыптармен ұштастыру.
Білімділік: Жаңа тақырып бойынша алған білімдерін жетілдіріп, алған білімдерін тәжірибеде қолдануға үйрету. Сөздік қорын молайту. Дамытушылық: оқушылардың ауызекі сөйлеу тілдерін жаттықтырып, өз ойларын толық жеткізе білуге үйрету; сөйлеу әрекеті дағдыларын шыңдау; дүниетанымын кеңейту, сауатты жазуға баулу. Тәрбиелік: өз елін, жерін, Отанын сүюге, мемлекеттік тілді, құрметтеуге, қоғамдық ортада өзін-өзі ұстауға тәрбиелеу; әдептілікке, сыпайылыққа тәрбиелеу.
Просмотр содержимого документа
«Қазақ тілі сабағында мен не үйрендім?»
Қазақ тілі 5 «А»сыныбы23 ақпан 2017 ж
Сабақтың тақырыбы: Қазақ тілі сабағында мен не үйрендім?
Сабақтың мақсаты: Оқушылардың білім деңгейін көтеру, ұжымдық түрде білім алуға баулу, сөздерді өзара байланыстырып, ойды жүйелеп айту дағдысын қалыптастыру, грамматикалық тақырыптармен ұштастыру.
Білімділік: Жаңа тақырып бойынша алған білімдерін жетілдіріп, алған білімдерін тәжірибеде қолдануға үйрету. Сөздік қорын молайту. Дамытушылық: оқушылардың ауызекі сөйлеу тілдерін жаттықтырып, өз ойларын толық жеткізе білуге үйрету; сөйлеу әрекеті дағдыларын шыңдау; дүниетанымын кеңейту, сауатты жазуға баулу. Тәрбиелік: өз елін, жерін, Отанын сүюге, мемлекеттік тілді, құрметтеуге, қоғамдық ортада өзін-өзі ұстауға тәрбиелеу; әдептілікке, сыпайылыққа тәрбиелеу.
Пәнаралық байланыс: орыс тілі, қазақ әдебиеті, математика
Күтілетін нәтиже:
Сабақтың барысы:
І. Ұйымдастыру бөлімі
1. Психологиялық сәт. слайд
- Сәлеметсіңдер ме, балалар! Көңіл-күйлерің қалай? Бүгін біздің сабағымызға көп қонақтар келіп отыр. Сонымен біз сабағымызды бастаймыз.
Қайырлы күн деп айтамыз,
Түсте бірге қайтамыз.
Отбасының гүліміз,
Көңілді өтсін күніміз!
Ал енді бәріміз тұрып, шеңбер құрайық. Енді бір – бірімізге тілектер айтамыз. (1 мин)
- Балалар, бүгін сабағымыздың жақсы өтуіне сәттілік тілеймін.
2. Кезекшінің мәліметі. слайд
- Бүгін нешесі?
- Бүгін сыныпта кім жоқ?
- Енді сендер топқа бөлінесіңдер. Менің үстелімде екі түсті стикер жатыр. Ұнаған түсті таңдап аламыз. Қызғылт сары түс – 1 топ, сары түс- 2 топ. (оқушыларды орындарына отырғызу)
Топ капитанын анықтау.
Топ ережесін еске түсіреміз. (Сұрау)
«Ашық журнал» туралы айтып кету.
Фонетикалық жаттығу (1 мин)
Лексикалық жаттығу (2 мин)
ІІ. Өткен сабақты тексеру (5 мин) слайд
- Ал, сонымен үйге қандай тапсырма беріліп еді?
Диалогты айту.
БАҒАЛАУ
І. Қызығушылықты ояту слайд
Мұғалім оқушыларға «Тірек сөздер» стратегиясының негізінде тақтадағы плакаттарға бірнеше сөздер жазады.
Оқушылар кезек-кезек тақтаға шығады. Маркерлерді пайдаланып, ассоциаграмма құрайды. (3 мин)
Топтан бір оқушы шығып, ассоциаграмманы айтып береді.
БАҒАЛАУ
Енді дәптерімізді ашып, бүгінгі күнді, тақырыпты жазамыз.
Бүгін сендер алдарыңа қандай мақсат қоясыңдар?
Иә, дұрыс. Білімдеріңді жетілдіріп, қазақша дұрыс сөйлеп, тапсырмаларды орындайсыңдар, топта ынтымақта жұмыс жасайсыңдар.
ІІ. Мағынаны тану.
Сонымен келесі тапсырмаға көшпес бұрын, мына бір өлең жолдарын тыңдайық.
Өлең не туралы?
Оқылым. «Мұғалім» өлеңін мәнерлеп оқиды (аудио)
Оқылым. Мәнерлеп, дұрыс оқуға машықтандыру үшін өлеңді мәнерлеп оқиды. (3 мин) (слайд)
Ұстазым менің ақылшым,
Бәрінен маған жақынсың.
Білім беріп оқытып,
Тәрбиелеп жатырсың.
Алғыс айтып Сізге,
Жақсы оқимыз біз де!
Жарайсыңдар, мұғалім ардақты, құрметті адам. Сондықтан біз мұғалімді құрметтеуіміз керек. Мұғалім оқытады, тәрбиелейді.
Топтық жұмыс слайд
Ал енді оқулықтың 35 бетіндегі №2 тапсырманы орындаймыз. Тапсырманы топта оқып, талдап орындаймыз.
Жазылым. Оқушыны сауатты жазуға дағдыландыру үшін 2-тапсырманы орындатады.
Берілген сөздерді қатыстырып сөйлем құрайды. (5 мин)
Енді әр топ өз сөйлемдерін оқып шықсын. Жақсы, жарайсыңдар!
Қазақ тілі мен математика сабағын салыстырып, жұбымен Венн диаграммасын құрастырады. (5 мин)
БАҒАЛАУ
IV. Бекіту
«Жедел хат» стратегиясы
Балалар, сендерге Астана қаласынан жедел хат келіпті. Бұл жеделхаттың ішінде тапсырма бар екен. Сол тапсырманы топпен отырып, орындайсыңдар. Бұл тапсырмаға 7 минут беріледі.
Әр топ хат алып , хаттың ішіндегі сұрақтарға жауап береді (7 мин)
1 жедел хат
- Қазақ тілі аптаның қай күндері болады?
- Қазақ тілі сабағында не істейсің?
- Қазақ тілі сабағында сенің жаныңда кім отырады?
2 жедел хат
- Қазақ тілі сабағы аптасына неше рет болады?
- Қазақ тілінен сабақ беретін мұғалімнің аты-жөні кім?
- Қазақ тілі сабағында сенің досың не істейді?
- Сонымен уақыт болды. Енді топтан шығып тапсырманың қаншалықты орындалғанын тыңдап көрейік.
V. Бағалау
Формативті бағалау. «Ашық журнал» техникасы бойынша бағаланады.
Қорытынды бағасын шығарып, күнделікке бағаларын қойдырту. Жарайсыңдар! Енді күнделіктеріңе үй тапсырмасын жазып алыңдар.
VI. Үйге тапсырма
Тақырып бойынша 5 сұрақты тест жасап келу.
VII. Рефлексия «Желкенді қайық»
Балалар, тақтаға қараңдаршы, мына суретте шуақты күн, ашық аспан, таза су берілген. Бұл суретте тағы не жетпей тұр. Суда не жүзеді?
Иә, дұрыс. Сондықтан бұл суретті қайықпен толықтыруымыз керек. Сендердің алдарыңда конвертте қайықтар бар. Әркім қайықты алады. Қайықтың желкенін бояп, мына суға орналастырамыз.
Егер саған сабақ ұнаса, барлық тапсырманы жақсы орындасаң, желкенді жасыл түске боя
Егер сен сабақта қиындықты кездестірген болсаң, желкенді сары түске боя
Егер саған тапсырмалар өте қиын болып, мұғалімнің көмегі қажет болса, желкенді қызыл түске боя
Оқушылар орнатылған ватманға қайықтарын жапсырады.
Сонымен сабағымыз аяқталды. Жарайсыңдар! Сендерге көп рахмет!
