Аты- жөні: Жумашева Айнур Уразовна
Мекен- жайы: Атырау облысы,
Махамбет ауданы, Талдыкөл селосы.
Мектеп: Талдыкөл мектеп- балабақша кешені.
Өзiн-өзi тану сабағының жоспары
Мектеп. Талдыкөл мектеп- балабақша кешені Мерзiмі 27.10.2016ж № 9
Тақырып Кешірімділік - көңіл кеңдігі
Құндылық Дұрыс әрекет
Қасиеттері: мейірімділік, рақымшылыдық, адамгершілік
Мұғалiм Жұмашева Айнұр Оразқызы Класс 8 Оқушылар саны 18
Сабақ мақсаты: Кешірімді болу адам өміріндегі маңыздылығы туралы түсініктерін кеңейте отырып, дұрыс әрекет жасауға үйрету.
Міндеттері:
1. Кешірімділіктің дұрыс әрекет екендігін ұғындыру.
2. Кешіре білу қасиеттерін дамыту;
3.Мейірімділік, рақымшылыдық, адамгершілік қасиеттерін көрсете білуге, жақсылық жасауға тәрбиелеу.
Ресурстар:(құралдар, мәлiметтер)
слайд,өлеңнің аудиодискісі.
Сабақ барысы:
1.Ұйымдастыру кезеңi.
Сәлемдесу. 5Т
Тыныштық сәтi.
Нұрға бөлену
Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.
Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.
Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.
Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.
Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.
Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын. Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын. Нұр менің ішімде. Мен Нұрмын».
Осындай Нұр, Махаббат және Тыныштық күйінде отыра тұрыңыз.
Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.
Жаймен көзіңізді ашуға болады.
Рахмет.
2.Үй тапсырмасын тексеру
№9 М.Мақатаевтің өлеңін оқу.
Сұрақтар:
1. Реніштің тууына не себепші болады?
- Күндестік достыққа ұласа ма?
- Өкпе, ренішті сақтаған адамның денсаулығы қандай болады?
- Сені ренжеткен адамдарың болды ма, оған қандай кешіріммен қарадың?
- Адам адамға тек қуаныш сыйлау керек деген пікірмен келісесің бе?
Сабақ барысын талдау:
Дәйексөз.
«Кешіре білген сайын абыройың арта түседі»
Публилий Сир
(оқушылар талдап болғасын 2 рет қыздарға айтқызу 2рет ұлдарға айтқызу. Барлығы бірге 4рет айтып шығады)
3.Мұғалім сыйы: Қанат пен Жанат мульфильмнен үзінді
4.Әңгiмелеу.
- Бұл оқиға кімдер туралы?
- Ағаш ұстасы неліктен қақпа салмады деп ойлайсыңдар?
- Ағасының ашуының тез тарқауына не себепші болды?
- «Кешірімді болу» дегенді қалай түсінесіңдер?
- Сені қандай жағдай өкпелетіп, ренжітеді?
- Сәл нәрсеге режіп, өкпелеміс үшін не істеулерің керек?
- Бұл оқиғадан қандай ой қорытар едің?
5.Шығармашылық жұмыс, топтық жұмыс, жұптық жұмыс
1-ші топқа
«Кешір мені» тақырыбына сурет.(постер қорғау)
2-ші топқа
«Кешірімділік көңіл кеңдігі» тақырыбына сахналау көрсету.
3 – ші топ жұптық жұмыс
М.Мақатаевтін өлең жолдарын оқып, ондағы ой тұжырымдарды көзқарас- мысал- қоытындылау әдісін пайдаланып, өз пікірлерін айту.
6.Топпен ән айту. Жақсы адамдар Әні мен сөзі: А. Оралов
Сендер аман болыңдар жақсы адамдар,
Жақсы адамдар – бұзылмас тас қамалдар.
Табаныңның астында жатады әлі
Пенделіктен өресі аспағандар.
Қайырмасы:
Жақсы көрем сондықтан мен сендерді,
Мен де бір сәт көретіп еңсемді енді.
Сендер салған адамдық ардын жолын,
Болашаққа көрсетіп пезент болдым.
Жақсы көрем сендерді мен неліктен,
Мінезіммен мызғымас ерге біткен.
Адамдықтың алдында аласарып,
Биік тұрғам қашанда мен еліктеп.
Қайырмасы:
7.Үй тапсырмасы.
- Дәптермен жұмыс №9 1,2 тапсырмаларды орындау.
8.Соңғы тыныштық сәтi.
Баяу музыка қосылады.
- Көзімізді жұмып, тыныштықта бүгінгі сабақты есімізге түсірейік. Бүгінгі сабақтан алған қасиеттерімізді жүрегімізге жеткізіп, сақтайық. (Тыныштық. бар жерде, тыныштық. бүкiл әлемде)
Енді көздеріңді ашсаңдар да болады.
