Конституциялық құқықтар мен міндеттер

Тақырыбы: Конституциялық құқықтар мен міндеттер

Сабақтың мақсаты: ҚР-ның конституциялық құқығының негізі мен міндеттері туралы түсінік беру.

Сабақтың міндеті:

Білімділік: Конституциялық құқық түсінігін оқушыларға түсіндіру..

Дамытушылық: Қоғамдық заңдар мен нормаларын орындауға құрметтеуге тәрбиелеу.
Дамытушылық: құқықтық мәдениетті қалыптастыру, жасөспірімдердің азаматтық белсенділігін нығайту

Сабақтың түрі: аралас

Сабақты ұйымдастыру әдісі: әңгіме, жаңа мәлімет беру

Көрнекілігі: тірек сызбалар

Сабақтың барысы

І. Ұйымдастыру кезеңі:

1) Амандасу

2)Оқушыларды сабаққа әзірлеу, сабақтың тақырыбы және мақсатымен танысу

3) Ынта-зейіндерін сабаққа аудару

ІІ. Үй тапсырмасын тексеру:

1. Толеранттылық (төзімділік) ұғымы

2. Толеранттылық ұғымы дін мен қазақ дәстүрінің сабақтастығы

3. Этносаралық толеранттылықтың қазақстандық үлгісі

ІІІ. Жаңа білімді меңгеру

1. Конституциялық құқық – ҚР-ның жетекші құқық саласы ретінде

2. Конституциялық құқық әдістері

3. ҚР конституциялық құрылысы

1. Конституциялық құқық – бұл Қазақстан Республикасының   конституциялық құрылыс негіздерін іске асырушы қоғамдық қатынастарды, адам мен азаматтың құқықтық мәртебесін, Қазақстан Республикасындағы мемлекеттік билік органдары және жергілікті басқару және өзін-өзі басқару жүйесін реттеуші және бекітуші құқық нормалар жиынтығынан құралады.Конституциялық құқық – құқықтық реттеудің жеке пәні болып табылатын, біркелкі қоғамдық қатынастарды реттейтін және ішкі бірлігімен сипатталатын құқықтық нормалар жиынтығын көрсететін Қазақстан Республикасы ұлттық құқық жүйесінің басты саласы болып табылады, сондай-ақ құқықтың басқа салалары нормаларынан ерекшеленеді.

2. 

3. Қазақстан Республикасының конституциялық құрылысы – мемлекетті ұйымдастыру тәсілдеріне, оның тұлғамен қатынасына негіз болатын, Конституция нормаларымен бекітілген және оны конституциялық мемлекет ретінде сипаттайтын қоғамдық қатынастардың жүйесі.

Конституцияда Қазақстан Республикасының конституциялық құрылысына негіз болатын барлық принциптер бекітілген. Олар:

1. халықтық билік,

2. мемлекеттік егемендік,

3. біртұтастық,

4. биліктерді бөлу принципі,

5. құқықтың үстемдігі,

6. мемлекеттік өмірдің аса маңызды мәселелерін демократиялық жолмен шешу,

7. идеологиялық және саяси әр алуандылық және т.б.

ІV. Жаңа сабақты бекіту.

1. Конституциялық құқық дегеніміз не?

2. Конституциялық құқықтың қандай әдістері бар?

3. ҚР конституциясының құрылымын айт.

V. Үй тапсырмасын беру:Конституциялық құқықтар мен міндеттер

VI. Бағалау.