«Жиырма тиын»

2-сынып

Әдебиеттік оқу

Сабақ тақырыбы: Жәнібек Кәрбозин «Жиырма тиын»

Сабақ мақсаты: Оқушылар «Жиырма тиын» әңгімесін дұрыс, түсініп оқиды; мәтін мазмұнының негізгі идеясын ашады; пікірлерін еркін айтуға, өз көзқарастарын дәлелдей білуге үйренеді; өмірмен байланыстырады.

Оқу дағдысы, сөздік қоры, байланыстырып сөйлеуі, шығармашылық қабілеттері дамиды.

Адамгершілікке, қайырымдылыққа, мейірімділікке тәрбиеленеді.

Сабақ типі: Жаңа білім беру сабағы

Сабақ түрі: Аралас сабақ

Әдіс-тәсілдер: «Шаттық шеңбері» әдісі, «Алтын ереже» әдісі, ойын, ой қозғау, топтық жұмыс, конверт-сұрақ, диалог, сергіту сәті, постер құру, бестармақ (синквейн), хат жазу, кері байланыс

Ресурстар: АКТ, слайд, қосымша ақпараттар, стикерлер, жетістік сатысы, бес саусақ

Сілтеме: Әдебиеттік оқу 2-сынып, оқу бағдарламасы

Оқыту нәтижесі: Әңгіменің мазмұнын түсінеді. Өз ойларын тиянақты, еркін айтады. Дәлелді сөйлейді. Қайырымдылыққа, мейірімділікке тәрбиеленеді. Топпен жұмыс жасауға дағдыланады.

Сабақ барысы:

-Балалар, бүгін біздің сабағымыз ерекше болмақ. Бізге қонақ апайлар келіп отыр. Сол кісілерге сәлемдесіп алайық.

Сәлемдесу: Үлкенге де сіз, Кішіге де сіз,

Құрметпенен бас иіп, Сәлем бердік біз.

Шаттық шеңбері: Қайырлы күн, достым, 1-слайд

Қайырлы күн болсын.

Сәрсенбінің сәті,

Сәттілікке толсын!

Біздің алар бағамыз,

Кілең бестік болсын!

-Мен де сендерге сәттілік тілеймін.

Кеудедегі белгіге қарап, топқа бөлініп отырыңдар.

-Міне 3 топқа бөліндіңдер. 1-топ Каспий банк, 2-топ Халық банк,

3-топ Еуразия банк. 2-слайд

-Банк туралы не білесіңдер? Әр топтың қасына бару.(ақша аламыз, саламыз, айырбастаймыз, кредит аламыз)

Сендер банк қызметкерісіңдер. Мен салымшымын. Қай банк жақсы жұмыс істесе, ақшамды сол банкке саламын.

-Топтың «Алтын ережесін» еске түсірейік. Әр топқа бару. (тыныштық, бір-бірімізді тыңдау, бір-бірімізге көмектесу.)

Біздің қағидамыз: Біріміз бәріміз үшін, Бәріміз біріміз үшін! (қолдарымен көрсету)

-Үйге қандай тапсырма берілді? Жарқын: М.Әлімбай «Кім жомарт? Не жомарт?» өлеңін жаттау, жалғастыру.

*Қалауым бойынша 3 оқушының алдына стикер жапсырып, сұрау: Әмина, Нұрдәулет, Елжан

*«Ұтыс» ойыны арқылы сұрақтарға 3 бала: Айқын, Іңкәр Қ, Асқар

*Өлеңді жалғастыру 3 бала: Жәмиға, Нұр, Бауыржан,Нұрдәулет

Үй тапсырмасын қорытындылау: Жомарттық жақсы қасиет.

*Ондықтарды өсу ретімен санау. 3-слайд

*Сабақ тақырыбын хабарлау. 4-слайд

*20 тиын суретін көрсету. 5-слайд

-Тиын деген не? (ақша) Ақшаға топтастыру жасайды (ауызша)

-Ақшаға не аламыз? (азық-түлік, киім-кешек, үй, машина, қажетімізге жаратамыз)

*Кеңес Үкіметі кезінде ақшаны сом, тиын деп атаған. Қазір біздің ақшамыз қалай аталады? (теңге)

1993 жылы 15 қарашада ұлттық теңгеміз қабылданды.

*Автор туралы түсінік беру. 6-слайд

Оқулықпен жұмыс Әр топқа мәтіннің басын, соңын көрсетіп беру.

Оқу, ат қою. Оқушылар бөлімдерге бөліп оқиды, ат қояды.

Біраз сергіп алайық: Музыкамен жасайды

Оқушылар қозғалысқа түсу арқылы бойларын сергітеді.

Оқулықпен жұмыс:

1-т. Алтай мен апасының арасындағы диалогты тауып оқиды: Жәмиға, Бақберсін, Эльвира.

–Алтай қандай бала екен? Неліктен?

2-т. Рөлге бөліп оқиды: Жарқын, Нұрдәулет.

–Алтай қандай бала екен? Неліктен?

3-т. Көрініс көрсетеді: Бауыржан, Елжан, Толғанай.

–Алтай қандай бала екен? Неліктен?

*Әр банк қызметкерінің сұрағы. Әр топтан 1 бала сұрақты қояды, топта ақылдасып жауап береді. (белгі 1 шапалақ)

1. Алтай қандай бала? Алтайдың іс-әрекетіне баға бер.

2. Осындай жағдайға тап болсаң, қайтер едің?

3. Оқиға неге бұлай аяқталды, басқаша аяқталғанда не болар еді?

Шығармашылық жұмыс*Топтық тапсырма:

1-топ Алтайға мінездеме (Әмина)

2-топ Алтай 5 жолды өлең (Жарқын)

3-топ Алтайға хат жазу (Толғанай)

*Әр банк бастығы тақтада постер қорғайды

Суреттер сөйлейді: Қайырымдылық тақырыбына арналған суреттер .

Сурет бойынша әр топтан 2 бала сөйлейді.

Сабақты қорытындылау

Мақал: «Басыңа іс түссе,

Жақсы көмек етеді,

Жаман күліп кетеді.»

(Қайырымдылық, қамқор болудың түрі көп, адамдарға, жан-жануарларға)

Әрқашан қолдарыңнан келгенше көмек көрсетіңдер!

Рефлексия (кері байланыс): «Бес саусақ» әдісі

1. Сабақ ұнады ма?

2. Қай тапсырмадан қиналдың?

3. Топқа жақсы көмектесе алдың ба?

4. Бүгінгі сабақта алғаныңды өмірде қолданасың ба?

5. Мұғалімге ұсыныс (келесі сабақта не істейін?)

Әр оқушы «иә», «жоқ» деп бес саусаққа жазады.

Бағалау: «Жетістік сатысы» (өзін-өзі бағалау)

Жетістік сатысына белгі қойып, өзін-өзі бағалайды.

Мұғалімнің бағалауы.

Үйге тапсырма161-163 б. оқу, мазмұндау. Өз басыңда осыған ұқсас оқиға болды ма? Эссе жазу. Оқушылар күнделігіне жазады.