"Таза болса табиғат, аман болар адамзат"

Сабақ: Өзін-өзі тану

Мұғалімнің есімі: Бердимуратова Каламкас

Күні:26.04.2019ж                            Сынып: 4 «Б»

Сабақтың тақырыбы

Таза болса табиғат, аман болар адамзат.

Осы сабақта қол жеткізілетін оқу мақсаттары (оқу бағдарламасына сілтеме)

Оқушыларға қоршаған орта жайлы білім беру,табиғат адамзаттың еңбек етіп, өмір сүретін ортасы екендігін түсіндіру.
Оқушылардың қоршаған орта, табиғат жайлы білімдерін кеңейту, табиғатқа деген жанашырлықтарын арттыру. Шығармашылық ізденіс арқылы жергілікті жердің табиғатын оқып үйренуге дағдыландыру.
Табиғаттың байлығын бағалай білуге, табиғатты сүюге, туған жер табиғатын қорғауға, аялай білуге тәрбиелеу.

Сабақтың мақсаттары

Барлығы:Жаңа білімді түсінеді.

Көбі: Жаңа білімге мысалдар келтіре алады.

Кейбірі: Анық және толық сөйлеу арқылы, мәселені түсінгенін көрсетеді. Оқиғаларды тыңдап (әңгімелер, ертегілер) талқылайды.

Құндылықтарды дарыту

Оқушыларды бір-біріне деген құрмет көрсетуіне тәрбиелеу.

Пәнаралық байланыс

Өнер, ана тілі сабағы

АКТ қолдану дағдылары

Аудиожазба, таныстырылым,bilimland.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Ертеңгілік шеңбері

 Оқушылар шаттық шеңберін құрып «Еңбекшіл досым-ай» әнін бірге шырқайды.

Топқа бөлу.

Мұғалім сурет қиындылары арқылы оқушыларды топқа бөледі. Оқушылар сандықшадан сурет қиындыларын алып, сурет құрастыру арқылы 4 топқа бөлінеді. Әр топ қолдарындағы суреттеріне қарай топ аттарын ойлап табады.

Тыныштық сәті.

Мұғалім баяу муызка қосып, тыныштық сәтін оқиды. Оқушылар ыңғайланып отырып, көздерін жұмып саяхатқа аттанады.

«СУ АСТЫ ПАТШАЛЫҒЫНА САЯХАТ»

Көзіңді жұмып, терең дем ал, денеңді босат. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңды елестет. Толқындардың жеңіл шалпылына, шағалалардың шуылына құлақ түр. Жалаң аяқтарыңмен құмды сезін. Шалғайдан қара нүкте көріп тұрсың: ол жақындаған кезде дельфин екенін түсіндің. Ол сені теңіз түбіне алып кету үшін келді. Ол өте әдепті екен, сені шыдамдылықпен күтіп тұр. Жайлап оның арқасына отыр, мықтап ұстап, жолға шықтыңдар. Дельфиннің арқасында жайланып отырып, өзіңді қауіпсіз сезін, су астында жүзу қандай керемет. Жан-жағыңа қара: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қарашы, қандай орасан зор әдемі балықтар. Су асты неткен қызықты әрі ғажап әлем. Сен бір нәрсені байқадың ба? Мұнда неткен тұңғиық, толық тыныштық. Осы тыныштық күйде бол (бірнеше секунд үнсіз қалады).

Ал қазір жоғарыға, өз әлемімізге кері қайтуға дайындал. Айналаға жақсылып қара. Ғажап түстерге тағы бір рет қара және тыныштыққа құлақ түр. Осындай тыныштық саған самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

Шаттық шебері

Сабақтың ортасы

Қызығушылығын ояту.

Суреттер сөйлейді. Тақырыпты ашу.

Мұғалім төрт топқа суреттер беріп, сол суреттерге байланысты сұрақтар қояды.

1 топ «Қайырымдылық» «Өз бойларыңда қайырымдылық қасиеті бар десеңдер табиғаттың тазалығын сақтау үшін, табиғат байлықтарын қорғау үшін не істеуіміз керек. Сендер қандай үлес қосып жатырсыңдар? 

2 топ «Мейірімділік» «Табиғат тазалығы – адам денсаулығының кепілі дегенді қалай түсінесіңдер?»

3 топ «Сүйіспеншілік» «Мың шыбық шаншып өсірсең, халқыңа орман салғаның нақыл сөзді қалай түсінесіңдер?»

4 топ «Адамгершілік» «Табиғатты қорғау жолдары»

Жаңа сабақ.

Мұғалім «Суреттер сөйлейді» тапсырмасы арқылы бүгінгі тақырыпты ашады.

Видеоролик.

Мұғалім bilimland сайытынан оқушыларға видеоролик көрсетіп, сұрақ-жауап арқылы талқылайды.

Шығармашылық жұмыс. Мақал-мәтел құру.

Мұғалім әр топқа әріптер жапсырылған кір ілетін қыстырғыштарды береді. Оқушылар сол қыстырғыштағы әріптерінен табиғат, тазалық туралы мақал-мәтелдерді жіпке тізу арқылы құрастырады. Әр топ құрастырған мақал-мәтелдерін оқып, мағынасын түсіндіреді.

Сергіту сәті.

«Көңілді күн». Жіпке таза парақ қағаздар ілінеді. Әр топтан бір-бір оқушыдан шығып қағазды қолмен ұстамай акварель бояуын пайдаланып күн суретін салады. Әр топтың оқушылары кезекпен кезек сурет аяқталғанша шығып салады.

Оқулықпен жұмыс.

Табиғатпен тілдесем өлең шумағын тізбектей оқиды. Сұрақ-жауап әдісімен талқылайды.

Сергіту сәті.

«Көңілді күн». Жіпке таза парақ қағаздар ілінеді. Әр топтан бір-бір оқушыдан шығып қағазды қолмен ұстамай акварель бояуын пайдаланып күн суретін салады. Әр топтың оқушылары кезекпен кезек сурет аяқталғанша шығып салады.

Оқулықпен жұмыс.

Табиғатпен тілдесем өлең шумағын тізбектей оқиды. Сұрақ-жауап әдісімен талқылайды.

Жеке жұмыс

Топтық жұмыс

Сергіту сәті

Оқулық, дәптерлер.

Сабақтың соңы

Рефлексия

«Тазару» жаттығуы

«Ақылды үкі» әдісі

Бүгінгі сабақта болған көңіл – күйді  бет – әлпеті салынған суреттерді таңдау.

Түсінбедім      Сұрағым бар        Түсіндім

Оқушылар параққа өздерінің бойындағы жаман қасиеттерін жазып, жыртып қоқысқа тастайды.

Смайликтер

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Қорытынды бағамдау

Қандай екі нәрсе табысты болды (оқытуды да, оқуды да ескеріңіз)?

1: Оқушыларды сабақтың әр кезеңінде бағалау.

2: Дарынды және үлгерімі төмен оқушылардың ерекшелігіне көңіл бөлу.

Қандай екі нәрсе сабақты жақсарта алады ( оқытуды да, оқуды да ескеріңіз)?

1: Сабақтың нәтижесіне көңіл бөлу.

2: Рефлексия.

Сабақ барысында мен сынып немесе жекелеген оқушылар туралы менің келесі сабағымды жетілдіруге көмектесетін не білдім ?

Пәнаралық байланыс

Денсаулық және қауіпсіздік техникасының сақталуы


Құндылықтармен байланыс (тәрбие)

Қолдау көрсету.

Қабілеті жоғары оқушылар айтылған сөздер мен сөйлемдердің көпшілігін дұрыс қайталай алады.

Оқушылар өздері жасаған  бет-бейнелеріне қарап бір-біріне көңіл- күйлерін айтады. (қуанышты, көңілді, көңілсіз, ашулы)

Өнер, ана тілі сабағы

Оқушыларды бір-біріне деген құрмет көрсетуіне тәрбиелеу.