Таза болса таби?ат, аман болар адамзат

Пәні:

Өзін-өзі тану

Сыныбы:

4 -сынып

Сабақтың тақырыбы:

Таза болса табиғат, аман болар адамзат

Құзіреттілікке жеткізетін сабақтың мақсат міндеттері:

a)Ақпараттық құзыреттілік

ә) Коммуникативтік құзыреттілік

б)Проблемалық шешу

Оқушылардың «табиғат», «денсаулық» құндылықтары және «таибатқа қамқорлық» адами қасиеттері туралы түсініктерін кеңейту.

Табиағат пен адамның үйлесімділіктері туралы түсініктерін қалыптастыру.

Денсаулығын күту іскерліктерін дамыту.

Табиғатты, халқын сүюге, денсаулықты сақтауға тәрбиелеу.

Сабақтың типі:

Аралас сабақ

Сабақтың көрнекілігі:

Оқулық,дәптер,плакаттар,суреттер,слайд т.б.

Пән аралық байланыс:

Ана тілі ,дүниетану.

Сабақтың барысы:

Мұғалімнің қызметі

Оқушының қызметі

Күтілетін нәтиже

1.Ұйымдастыру бөлімі:

Сәлеметсіздерме оқушылар ? Көңіл- күйлеріңіз қалай ?

Мұғаліммен амандасып сабаққа дайындалады.

Белсенді іс – әрекет жасауға дайындалады.

Балалар кезекпен тілек айтып шығады:

Табиғат –анамыз таза болсын.

Табиғат –анамыз көркем де сұлу болсын.

Табиғатымыз ұзақ жасасын.

Табиғат –анамыз таза болсын.

Табиғат –анамыз көркем де сұлу болсын.

Табиғатымыз ұзақ жасасын.

Табиғаттың сұлу әсем болуына үлестерін қосуға тырысады.

2.Тыныштық сәті

3.Шығармашылық тапсырма

Баяу музыка ойналып тұрады.

-Балалар,қолдарыңды тізелеріңе қойып ыңғайланып отырып алыңдар.Көздеріңді жұмсандар да болады.Жап-жасыл табиғат әлеміне еніп барамыз.Біреуіміз қып-қызыл гүл секілді жайнап тұрмыз.Біреуіміз тұп-тұнық мөлдір су тәрізді тап-таза отырмыз.Енді біреулеріміз көк аспанда еркін ұшып жүрген құстар сияқтымыз,ойымызды еркін айтып келеміз.Қыздар болса көлдегі аққудай сызылып барады.Ұлдар болса қыран бүркіттей биіктерге самғап барады.Алдымыздан жарық нұрын шашқан күн сияты аналарымыз бен әжелеріміз бізге мейірлене қарайды.Әкелеріміз бен аталарымыз асқақтаған асқар тау болып,ақ батасын беріп,бізге қол бұлғайды.Біз өзіміздің осылайша табиғатпен үйлесіп тұрғанымызға айрықша қуанып тұрмыз.Табиғаттың түстері мен реңктері,әрекеттері мен құбылыстары,аңдары мен құстары «БІЗБЕН БІРГЕ»екендігін сезініп келеміз. Осындай әсем табиғат аясында ауаны терең жұтып,еркін тыныс алыңдар.Өздеріңнің тыныс алуларыңды бақылап,бақытқа,махаббат пен тыныштыққа толы таза, шипалы ауаның тұла бойларыңа толғанын сезініңдер.

Ал енді көздеріңді ашыңдар Ал енді осы сезімімізбен бүгінгі сабағымызға ораламыз.

-Өздеріңді табиғаттағы неге теңейсіңдер соның суретін бейнелеп көрсетіңдер

Оқушылар өзімен-өзі ойлана алады.

Өз бетімен жұмыс жасайды.

Табиғаттың сұлу әсем болуына үлестерін қосуға тырысады.

Шығармашылық қабілеттері одан әрі шыңдала түседі.

4. Мәтінмен жұмыс

Н.А.Рыжованың «Алтын балық» ертегісі.

Адам орман мен суды неліктен іздеді деп ойлайсыңдар?

Сендер адмның орнында болсаңдар, қандай тілек айтар едіңіздер?

Ертедегі жағдайларға қазіргі қандай жағдайлар ұқсайды?

Ертегінің қалай аяқталғанын қалар едіңіздер?

Оқушылар ертегідегі сұрақтарға толық жауап берді.

Мақсатты оқуға үйренеді. Ақпаратты табуға талдауға үйренеді.

5.Жаңа ақпарат

Ең бірінші табиғатты сақтау үшін тазалық керек.Тазалық болған жерде ағаштар да,гүлдер де жайқала өседі.Тазалықтан кейін табиғатқа сұлулық керек ол үшін ағаштар мен гүлдер егеміз.Одан кейінгі атқарар жұмыс табиғатқа күтім,қамқорлық жасау болып табылады.

Табиғат тазалығы-адам денсаулығының кепілі.Алуан түі гүлдер алқабы,сайраған құстар,бұлақ сылдыры,биік таулар,жарқыраған күн,таза ауа адамдарға жылулақ сыйлайды.

Табиғатқа қамқорлық керек екендігін түсінеді

6.Сергіту сәті.

«Жаңбыр тамшылары»

7.Дәйексөзбен жұмыс

«Табиғатқа тазалықты тарту ет

-Адам туылған күннен бастап табиғатпен бірге.Өйткені оның жерінде дүниеге келіп,суын ішіп,ашық аспанында күн нұрына малынып,өсімдіктерімен тынығып,жаңбыр-қарының қызығын көріп,жан-жануарларынан тіршілікті үйреніп,өсіп-жетіледі.Табиғат та адамның оны сақтауымен,қорғауымен,күтімімен дамып келеді.Демек олардың бір-бірінсіз өмір сүруі мүмкін емес.Егер табиғат тазы болса,адамның жаны,дені сау болады.

8.Тапсырма

Оқушылар дәптерінің беті екіге бөлініп берілген, балалар бірінші жартысына ертегінің басындағы алтын балық кездеспеген кездегі табиғаттың суретін салады, одан кейін екінші жартысына алтын балық тілегін орындалғаннан кейінгі табиғаттың суретін салады.

2-тапсырма:

Табиғат аясында жасаған тазалық жұмыстарыңнан алған әсерлерің туралы әңгімелеңдер.

Оқушылар мұғалімнің қойған сұрағына жауап берді. Дәптермен жұмыстанды.

Алған білімдерінен қорытынды шығаруға үйренеді

9.Тыныштық сәті

-Балалар ыңғайланып отырып алыңдар.Көздеріңді жұмсаңдар да болады.Өздеріңді көгілдір де ғажайып,мөлдір таза,салқын бір су жағасына келдік деп елестетіңдер.Су біздің жанымызға әсем ән сыйлап сылдырай ағады.Тап-таза айнадай мөлдірлігімен көздің жауын алып жатқан судың бізге айтары бар сияқты.Біз су жағасына жақындап,екі қолымызбен бір уыс су іліп алдық.Су бізге қарап, жылт-жылт етеді.Біз алақандағы су тамшыларын төгіп алмайық деп уысымызда аялай ұстап тұрмыз.Ал енді осы сезімімізбен бұрынғы қалпымызға келейік.Көзімізді ашайық.

-Сіздердің жандарыңыз осы су секілді таза да мөлдір болсын дегім келеді.

10.Қорытынды

Тазалықты сақтайық,

Табиғатты баптайық.

Бізге деген пайдасын,

Жақсылықпен ақтайық.

Тақтада ағаштың суреті ілініп тұр.Ол ағашта қандай жеміс өседі деп ойлайсыңдар.

-Әрине ,алма

-Олай болса қолдарымыздағы алманың суретіне табиғатқа арнап тілек жазып алма терегін көркейтейік.

Сабақ аяқталды Сау болыңыздар.

Тазалықты сақтайық,

Табиғатты баптайық.

Бізге деген пайдасын,

Жақсылықпен ақтайық.

Жаңа сабақты меңгергендерін білу