Сын есім саба?

Сабақтың тақырыбы: Сын есім

Сабақтың мақсаты: оқушыларға сын есім жайлы түсінік бере отырып, сұрақтар қоя білуге үйрету.

Күтілетін нәтиже: оқушылар сын есім жайлы түсінік алады, сөйлем ішінен сын есімді сұрақ қою арқылы табады.

Қолданылған модульдер: оқыту мен оқудағы жаңа тәсілдер, сыни тұрғыдан ойлау, оқыту үшн бағалау және оқуды бағалау.

Сабақтың әдісі: жұптық, жеке, сұрақ-жауап, миға шабуыл, топтастыру.

Көрнекілігі: интерактивті тақта, ватман, Microsoft PowerPoint презентациясы, дидактикалық материалдар, тест тапсырмалары, фишка.

Сабақтың барысы: I. Ұйымдастыру кезеңі.

Психологиялық ахуал орнату.

Жарқырап күн де ашылды,
Айналаға нұр шашылды.
Қайырлы күн! Біз көңілді баламыз,
Қайырлы күн! Сәлемдесіп аламыз.
Мақсатымыз - білім алу,
Міндетіміз - еңбектену
Еңбектену арқылы
“5 “- ке қолды жеткізу!

Яғни, елбасы Н.Ә. Назарбаев: «Еліміздің болашағы –  білімді ұрпақ қолында!» -деп айтқандай білімді болуымыз керек.

II. Өткенді пысықтау. Тест жұмысы.

1. Етістік нені білдіреді?

а) заттың қимылын ә) заттың сапасын б) заттың ретін

2. Етістікті көрсет.

а) ақ гүл ә) ақырды б) ақ

3. Сөйлемдегі етістіктің түрін ажырат. Жаңбыр жауып тұр.

а) дара ә) жалқы б) күрделі

4.Етістіктің қандай түрі болады?

а) жекеше, көпше ә) жалқы, жалпы б) дара, күрделі

5. «Оқып отыр» қай сөз табына жатады?

а) зат есім ә) етістік б) сын есім

6. Дара етістікті тап:

а) үш күн ә) шықты б) шығып тұр

7. Күрделі етістік неше сөзден тұрады?

а) бір ә) бірнеше б) жүз

Жұптық жұмыс. Тест кілтіне арқылы бір-бірін бағалау. Әр дұрыс жауапқа – 10 ұпай.

III. Жаңа сабақ

-Жаңа сабақтың тақырыбын ашу мақсатында миға шабуыл әдісі арқылы сөзжұмбақ шешкізу.

СӨЗЖҰМБАҚ

1. Апта күні

2. Тамақ ішуде қолданылатын бұйымдар

3. Қасиетті тағам

4. Үй жануары

5. Уақытты көрсететін зат

6. Сүттен жасалынған тағам

7. Білім беретін орын

-Демек, біздің бүгінгі сабағымыз қай сөз табына байланысты екен?

Қызығушылықты ояту

-Балалар мынау не?

-Алма.

-Иісі қандай?

-Жұпар иісті, жағымды.

-Түсі қандай?

-Қызыл, сары.

-Пішіні қандай?

-Үлкен.

-Жеп болғаннан кейін қандай баға бересіңдер?

-Жақсы піскен алма екен.

-Оны не дейміз?

-Сапасы.

-Яғни, бұдан қандай қорытынды шығаруға болады?

Сын есім дегеніміз-заттың сынын, түрін, пішінін, сапасын білдіреді. Қандай? Қай? деген сұрақтарға жауап береді.

IV. Дәптермен жұмыс

Қолға қалам алайық,

Дәптерімізді ашайық.

Салақтықтан қашайық,

Әдемі етіп жазайық.

Күнді жазу. Көркем жазу минуты

Ә ә

Әдепті бала ата-анасын мақтатар,

Әдепсіз бала ата-анасын қақсатар.

V. Оқулықпен жұмыс.

1- жаттығу. Көп нүктенің орнына сұраққа жауап беретін сын есім қойып, мақалдарды толықтырып жаз. (Жеке жұмыс)

2-жаттығу. Өлеңді мәнерлеп оқу. Өлеңнен сын есімдерді табу.

VI. Сергіту сәті. «Доп таста» ойыны

Шарты: Оқушылар шеңберге тұрады. Ортада тұрған оқушы сын есімді айтып, допты лақтырады.

Мақсаты: ойынды ойнау арқылы сын есім зат есіммен тығыз байланысты екендігін ұғындыру.

топырақ алма

Құрғақ жер тәтті жан

сөз тамақ

VII. Шығармашылық тапсырма.

Берілген зат есімдерге сол зат есімдердің бірінші дыбысынан басталатын сын есім тауып, тіркеп жаз.

Өнерлі өрен, көңілді күй, еренді еңбек, кең көше, суық су, күлімдеген күн, таудай талап.

3-жаттығу. Төмендегі сөздердің қасына заттың атын білдіретін сөздер тауып жаз. Сын есімдерге сұрақ қой.

Қызыл бояу, жалпақ көше, өткір пышақ, аласа тау, қызық кітап, суық су.

VIII. Ойын: «Мен қандаймын?»

Шарты: Сыныптағы әр оқушы өзінің аты қандай әріптен басталса, сол әріптен басталатын сын есім сөзін қосып айтады. Мысалы: Айнұр-әдемі, Әсем-әдепті.

IX. Қорытынды. Топтастыру

X. Үйге: 5-жаттығу, 129 бет.

XI. Бағалау. Әрбір оқушыны жинаған фишкаға байланысты бағалау.