"Сөз таптары" 3 сынып

Сабақтың тақырыбы[/color]: Сөз таптарын пысықтау. 

Сабақтың мақсаты: Білімділігі: сөз таптары бойынша алған 
білімдерін тиянақтау,сөз таптарын сөйлем 
ішінен тауып, оған сұрақ қоя білуге үйрету. 

Дамытушылығы: оқушының сауатты жазуын, 
сөйлеу мәдениетін, тілін дамыту.Өздігінен 
қорытынды шығара білуге үйрету. 

Тәрбиелігі: Отанына деген сүйіспеншілік, 
мақтаныш, ұлтжандық сезімін тәрбиелеу 

Сабақтың түрі: Іскерлік-ойын сабағы. 
Сабақтың әдісі:Топтау, ой қозғау, сын тұрғысынан ойлау, семан- 
тикалық карта, « Бес жолды өлең» стратегиясы. 

Сабақтың көрнекілігі: Жалаушалар, слайдтар,сандықша,үлестірме 
кестелер, бағалау парақтары. 
Техникалық жабдықтар: Компьютер, интерактивті тақта. 

Сабақтың барысы: 1. Ұйымдастыру кезеңі;. 
Психологиялық икем: Армысың, алтын Күн! 
Армысың, туған Жер! 
Армысың, мектебім! 
Армысың, достарым! 
Армысыз, қонақтар! 
2. Кіріспе әңгіме. 

( Интерактивті тақтада слайд №1.) 
- Балалар, осы желтоқсан айында қандай үлкен мереке болғалы отыр? 
- Еліміздің тәуелсіздігіне 20-жыл! (Слайд №2) 
(Слайд №3.) 
- Дұрыс айтасыздар.1991 жылы 16 желтоқсан Қазақстан Республикасы 
өзінің Тәуелсіздігін жариялады. Биыл тәуелсіз елімізге 20 жыл толып отыр. 
Слайд №4-5 
Ғасырлар тарихы бар,әсем табиғатымен әйгілі қазақтың жері 
(слайд №6-7-8) 
Жастығына қарамастан еліміз талай жетістіктерге жетіп, жылдан–жылға көркеюде, оның айғағы Астанамыз. Астана дүние жүзіндегі әсем қалалардың бірі. (Слайд №.9) Кең байтақ елімізде, достық қарым-қатынаста 130–дан астам ұлт өкілдері өмір сүруде. (Слайд №10-11) Биік тауларында қыраны самғаған, жазық даласында тұлпары желіген, байтақ туған жеріміз-Қазақстан! 
(Слайд №12-13) 
20 жыл өз бастамасымен халқын талай жетістікке жеткізген Елбасымыз Нұрсұлтан Әбішұлы Назарбаев. 
Осының бәрі Тәуелсіздік қалаған елдің, оның болашақ жастарының, сіздер үшін үлкен жетістік екенін естен шығармаңыздар. 

(Слайд №14-18) 
- Бірінші қыркүйектен осы тақырып бойынша мектепте әр түрлі іс-шаралар өтілуде, соларға сіздер де ат салысып қатысып, тіпті жүлделі орындарға ие болып келесіздер. «20 жақсы іс» айдарымен өтіп жатқан іс-шараларға белсене қатысып жүрсіздер. Бүгінгі сабағымыз да сіздер үшін 20 істің бірі болып, өздеріңіздің білімдеріңізді көрсете білесіздер деп ойлаймын. 
( Слайд №19) 
3.Негізгі бөлім. 
- Бүгінгі бекіту сабағымыздың тақырыбы: Сөз таптары. 
Бүгін біз топтарға бөлініп жұмыс жүргіземіз. Әр топ өзінің топ жетекшісін таңдап алсын. Топ жетекшілері ортаға шықсын. 
- Топ жетекшілері жалаушаның астындағы сұрақтарға жауап беріп, өз тобының атауын алады. 

1-топ сұрағы: Біздің еліміз қалай аталады? 
2-топ: Қазақстанның астанасы қай қала? 
3-топ: Астанада әлемге әйгілі, өзге елдерден ерекшеленетін не бар? 
4-топ: Біздің туған қаламыз қалай аталады? 
(Слайд № 20) 
1-топ: Қазақстан 
2-топ: Астана 
3-топ: Бәйтерек 
4-топ: Степногорск 
- Мына сандықшаның ішінде әр топтың қандай сөз табымен жұмыс істейтіні жазылған. ( топ жетекшілері сөз таптары жазылған қағазды алады.) 
Қазақстан Астана Бәйтерек Степногорск 
Зат есім Етістік Сын есім Сан есім 
( Слайд №21) Топ жетекшілері интерактивті тақтаға өз сөз табын жазады. Топ жетекшілеріне бағалау парағы таратылады. 

4. Үй тапсырмасын пысықтау. (Слайд №22) 
Тапсырма: әр топқа кесте таратылады, оны толтыру керек 

Сөз табы 
Зат есім Етістік Сын есім Сан есім 
Нені білдіреді 

Сұрағы 

Түрлері 
Әр топтан бір оқушы шығып кестені оқиды. 

4. Дәптермен жұмыс. 
- Балалар, біздің дәптермен жұмыс кезіндегі ұранымыз қандай? 
Қолға қалам алайық, Салақтықтан қашайық, 
Дәптерімізді ашайық. Әдемі етіп жазайық.. 

1. Күннің ретін жазу. 
2. Көркем жазу. 
3. Терме диктант. (Слайд № 23) 

Асан, ойнады, үлкен, жылы, көк, жеті, бар, биік, өседі, елу, тоқсан, жазды, он алты, алма, жүгірді, балапан, әсем, Көкшетау. 

Сергіту сәті. « Қарлығаш боп ұш » 

4. Оқулықпен жұмыс. 
1- жаттығу. Ауызша орындау. Жазылмаған сөздерге сұрақ қою. 
2- жаттығу. Мәтінді оқу, сөз таптарын анықтау. 
4- жаттығу. Суреттегі заттардың атын атау. Ол сөздерге сын есім 
тіркестіріп жазу. 
5. « Сәйкестендіру тесті » интерактивті тақтада (Слайд №24) 
1. Зат есім қызық, әдемі, келбетті 
2. Етістік үшінші, бесеу, жеті 
3. Сын есім бала, ит, аға, кітап 
4. Сан есім бер, айт, жүр, кет 

6. Шығармашылық тапсырма. (Слайд №25) 
Суреттер бойынша сөйлемдер құрастыру. 
Әр топтан бір оқушы шығады. 

7. « Ой- толғаныс ». Семантикалық картамен жұмыс.(Слайд №26) 

Сөз таптары Зат есім Етістік Сын есім Сан есім 
Қазақстан 
Жиырма 
Толды 
Егеменді 

8. « Бес жолды өлең» стратегиясы / слайд №27-28/ 
Әр топқа бес жолды өлең жазуға сөздер беріледі. 
1-топ. 
Зат есім: Қазақстан. 
Сын есім: тәуелсіз, егеменді. 
Етістік: гүлденді, өркендеу. 
Сезім білдіретін сөз: Жайнай бер Қазақстан! 
2 – топ. 
Зат есім: Отан, арман. 
Сын есім: тәуелсіз. 
Етістік: толады, орындалады 
Сезім білдіретін сөз: Жасай бер Қазақстан! 
3 – топ. 
Зат есім: Ел, тілек. 
Сын есім: бақытты, баянды. 
Етістік: орындалады, армандады. 
Сезім білдіретін сөз: Жиырма жыл толғаны! 
Синоним: Туған жер. 


4 – топ. 
Зат есім: Ата-баба, Қазақстан. 
Сан есім: Ғасыр. 
Сын есім: тәуелсіз, егеменді. 
Етістік: тіледі. 
Сезім білдіретін сөз: Гүлдене бер мәңгілік 

Әр топтан бір оқушыдан шығып, шығарған өлеңдерін оқиды. 

9. Қорытындылау /слайд №29/ 
Сын есім Сан есім 


Зат есім Етістік 

10. Бағалау парақтарын жинап алу. 

11. Үйге тапсырма беру: 5- жаттығу 14-бет.