Собственные и нарицательные имена существительные.

Мевзу: Исим. Хас ве джыныс исимлер. 4 сыныф

Тема: Существительное. Собственное и нарицательное существительное. 4 класс.

Дерснинъ типи: янъы бильгилер алув дерси.( Тип урока: урок усвоения новых знаний)

Дерснинъ макъсады:

• Талебелерге исим акъкъында бильги берюв;( Знать определение имен существительных)

• Хас ве джыныс исимлернинъ арасындаки фаркъыны анълатув; (Опознавать в тексте и устной речи собственные и нарицательные имена существительные)

• нутукъ инкишафы;(Развитие речи)

• Язув алышкъанлыгъыны пекитюв; (Закрепить полученные знания)

• Лугъат байлыкъларыны зенгинлештирюв;(расширить словарный запас детей.)

Регулятив УОА

• озь иш ерини тешкиль этмек, (Высказывать предположения на основе наблюдений. Формулировать тему, проблему урока)

• дерснинъ макъсадыны анъламакъ, къоюлгъан вазифелерни чезмек ичюн ёлларыны тапмагъа бильмек. ( Соотносить цели и результаты своей деятельности. Определять степень успешности работы.)

Огренюв УОА

• оджанынъ суаллерине джевап бермек; ( На поставленные учителем вопросы, дать полный и правильный ответ)

• керек малюматны тапмагъа бильмек; (Выделять главное, свёртывать информацию до ключевых понятий. Искать пути решения проблемы)

• язы элементлерини берильген нюмюне боюнджа текрарламакъ; (Строить логически обоснованные рассуждения, группировать слова по самостоятельно выбранным основаниям.)

Коммуникатив УОА

(Уметь высказывать и обосновывать свою точку зрения, слушать и слышать других, быть готовым корректировать свою точку зрения.)

• дерсте, аятта олгъан диалогларда фааль иштирак этмек;

• къырымтатар тилини динълемеге ве анъламагъа бильмек;

• къырымтатар тилинде окъумагъа ве язмагъа бильмек.

Коргезме: дерслик, язы дефтери, карточкалар, тест, презентация. (Наглядности: учебник, рабочая тетрадь, карточки, тест, проектор)

ДЕРСНИНЪ КЕТИШАТЫ: (Структура урока)

1. Орг момент.

1. Селямлашув.

2. Тешкелий къысым Невбетчининъ сёзю.

Темиз язув дакъкъасы. Дефтерлеринъизни ачып, язынъыз.

Декабрьнинъ дёртю.

Сыныф иши.

Дд Тт

Дал тал

Дюльбер къуш теректе отура.

– Бу джумледе эр бир сёзнинъ сёз чешитини языйыкъ.

II.Эв вазифесини тешкерюв. 

- Кечкен дерсте насыл мевзуны огрендик? (Сёз чешитлерини.)

- Къырымтатар тили дерсинде насыл сёз чешитлерини огрендинъиз? (Исим, Сыфат, Фииль)

- Олар насыл суаллерге джевап берелер? (Исим: ким? не? Сыфат: насыл? Фииль: не япты? не япа? не япаджакъ?)

- Келинъиз бойле лугъат диктанты кечирейик, мен сёзлерни окъуйым, сиз оларны карточкаларынъызнынъ учь диречиктеки суаллерине коре, язасынъыз. (Акъмесджит, дюльбер, отура, баба,яхшы, яза, Мемет, балабан, окъуй, китап, ешиль, ача)Приложение 1.

- Шимди биз бу диречикте язылгъан сезлерни тешкерейик. Амма эр биринъиз озь ишинъизи дегиль, раледеки къомшунъызнынъ ишини тешкереджексинъиз.(слайд1)

Ким хата япмады, эллеринъизни котеринъиз.

Ким бир хата япты, эллеринъизни котеринъиз.

Ким эки хата япты эллеринъизни котеринъиз.

Биринджи диречикте язылгъан сёзлер насыл суаллерге джевап берелер?

- Насыл сез чешити олалар? (Мемет сезю ким? Акъмесджит, китап, баба сёзлери не? суаллерине джевап берелер.)

- Биринджи диречикте язылгъан сёзлернинъ биринджи арифи насыл язылгъан? (Акъмесджит ве Мемет сезлери буюк арифнен язылгън, баба ве китап уфакъ арифнен язылгъан.)

- Я не ичюн бойле язылгъан, олар арасында насыл фаркъ бар? (озь джевапларыны берелер.)

- Акъмесджит ве Мемет сезлери – бу хас исимлер, баба ве китап – бу джыныс исимлер

ЛУГЪАТ: хас - имя собственное

джыныс – имя нарицательное

III. Янъы мевзуны анълатув

1. Дерснинъ макъсадыны илян этюв.

Дерснинъ макъсады – исим акъкъында умумий малюмат алмакъ, онынъ морфологик ве синтактик хусусиетлерини анъламакъ.

Бир джыныстаки предмет я да адиселерден бирини айырып косьтерген исимге хас исим дейлер. Хас исим шахыс предметке къоюлгъан махсус аддыр: Къырым, Ялта, Сервер, Ахтемова. Хас исимлер баш арифнен язылалар.

Бир джыныстаки предметлернинъ, адиселернинъ умумийлештириджи адына джыныс исим дейлер. Меселя: китап, мектеп, сыныф, талебе, денъиз.

Проект тахтадаки джедвальнен чалышув(слайд 2)Приложение 2.

Вазифе. Хас исимлерни джыныс исимлернен къошып бирер джумле язынъыз. (невбетнен талебелер чыкъып тахтада язалар)

1. Козьлер раатлув дакъкъасы!!!

2. Проект тахтада метин чыкъа (слайд 3)

Чёль сары-ешилли денъиз киби! Ава тынч олгъанда, о тегиз ве кениш. Амма ель эсип башлагъанынен, о далгъаланып башлай. Далгъалар арасында исе къыриызы лялелер гемилернинъ чыракъларына бенъзейлер.

Метинни окъугъан сонъ, экинджи джумлени синтактик талиль этмек.

Ава тынч олгъанда, о тегиз ве кениш.

Метиндеки кечкен сёз чешитлерни сечип язынъыз.

1. Дерсликнен чалышув 68 саифе (схемагъа эсасланып суаллерге джевап беремиз)

ИСИМ

Ким? Кимлер? Не? Нелер?

Къыз-къызлар къуш-къушлар

Къартана-къартаналар терек-тереклер

Эким-экимлер голь-голлер

Ищчи-ишчилер маса -масалар

1. Берильген исимлерни чокълукъкъа чевиринъиз.(Тахтагъа невбетнен чыкъып язалар)

Мектеп, эв, ер, такъие, кольмек, антер, пенджере, козь, шефтали, чечек. Сыныф, ода, ёл, къалпакъ, чорап, къапу, пармакъ, айва, къягъыт.

Исимлерни чокълукъкъа чевирмек ичюн, насыл ялгъамалар къошула?

Догъру: -лар, -лер.

Демек исимлер теклик ве чокълукъ сайыларда къулланылалар. Текликте къулланылгъан исимлер бир предметни анълаталар. Чокълукъта къулланылгъан исимлер бирден зияде предметни ифаделейлер.

Тамырнынъ сонъки эджасы я да сеси къатты олса, чокълукъта –лар къошулыр. Тамырнынъ сонъки эджасы я да сеси йымшакъ олса, чокълукъта –лер къошулыр.

1. Иджадий иш. Сыныф талебелери группагъа болюнип чалышалар.

Берильген исимлерге уйгъун кельген сёз чешитини къошып, сёз бирикмелер тизмек. Адамлар, багъча, ель, бульбуль, голь, суаль, оджа, хабер, дагъ, ишчи, емиш, къаз, топ, тиш, тюкян.

7. Раатланув!!!

“Къар топу” оюны.

Талебелер “къар топу”ны бир-бирине атып исим айтмакъ кереклер, амма айтылгъан исимнинъ сонъки арифинен башланмагъа керек.

Меселя: масал – ляле – ель – лескер, рузгяр, рале,…

Дерсликнен чалышув 69 саифе 111 мешгъулиет. Джедвельдеки хас исимлерге келишкен джыныс исимлерни язынъыз.

IV. Пекитюв Приложение 3.

Тест

1.Предметлик манасыны ифаделеген сёзни бельгиленъиз:

а) ешиль б) макъат

2.Предметлик манасыны ифаделеген сёзни бельгиленъиз:

а) орман б) ешерди

3.Предметлик манасыны ифаделеген сёзни бельгиленъиз

а) ава б) сыджакъ

4.Предметлик манасыны ифаделеген сёзни бельгиленъиз

а) ягъмурлы б) ягъмур

5.Ким? суалине джевап берген сёзни бельгиленъиз:

а) орманджы б)орман

6.Ким? суалине джевап берген сёзни бельгиленъиз:

а) иш б) ишчи

7.Не? суалине джевап берген сёзни бельгиленъиз:

а) къашкъыр б) авджы

8.Не? суалине джевап берген сёзни бельгиленъиз:

а) адам б) лейлек

9.Джыныс исимни сечип алынъыз:

а) талебе б) Алим

10.Хас исимни сечип алынъыз

а) озен б) Салгъыр

11.Теклик сайыда исимни сечип алынъыз:

а) акъбардакъ б) акъбардакълар

12.Чокълукъ сайыда исимни бельгиленъиз:

а) чёллер б) чёль

13.Чокълукъ сайыда исимни бельгиленъиз:

а) аякъкъап б) аякъкъаплар

14.Джанлы исимни бельгиленъиз:

а) тильки б) ресим

15.Джансыз исимни бельгиленъиз:

а) тахта б) талебе

V. Рефлексия:

Насыл сёз чешитке исим дейлер?

Хас ве джыныс исимлер нени бильдирелер?

Джыныс исимлер бу – ана, сычан, козь,эв.

Хас исимлер бу – Къырым, «Таврия», Айше.

Сиз , дерсни бегендинъиз? (Светофор оюны: къырмызы –екъ, ешиль – эльбет, сары –орта)

VI. Баалав (с комментариями)

VII. Эвге вазифе берюв. 70 саифе 113 мешгъулиет. Верильген сёзлерни эки сырагъа болюп язынъыз.

Приложение 1 .

Приложение 2.

Акъмесджит, дюльбер, отура, баба,яхшы, яза, Мемет, балабан, окъуй, китап, ешиль, ача

Приложение 3.