Сабақтың тақырыбы: "Түйе"

Сабақтың тақырыбы:  Түйе                                                                                                      

Сабақтың мақсаты: 1. Түйе  малының пайдасы туралы түсіндіру. Жырларды түсініп

                                          оқуға дағдыландыру.

                                      2.  Тілін,сөздік қорын  дамыту

                                            3. Жануарларға  деген сүйіспеншілікке тәрбиелеу.

Сабақтың типі: Дәстүрлі сабақ.

Сабақтың түрі: Аралас сабақ.

Сабақтың әдіс- тәсілі: Сөздік әдісі, көрнекілік әдісі.

Сабақтың көрнекілігі:  Оқу құралдары, кестелер, суреттер.

                                                  Сабақтың барысы

I. Ұйымдастыру кезеңі:

а) оқушылармен сәлемдесу   ә) дайындығын қадағалау  б) Психологиялық дайындық

 II. Үй тапсырмасын тексеру кезеңі:

а) Жырды жатқа сұрау. ә)  Мазмұнын айтқызу  б) Үй тапсырмасын қорытындылау.

III.  Жаңа сабаққа дайындық кезеңі:

1) Жұмбақ шешіп сабақтың тақырыбын ашу.

Иір – иір денесі,

    Сахараның кемесі.

              Ащы шөптер -  тамағы,

                      Шөлге шыдап бағады.  (Түйе)

IV. Мақсат қою

Бүгінгі сабақтың  мақсаты–  Түйе  малының пайдасы туралы білу. Жырды түсініп  оқу.

V. Жаңа материалды түсіндіру кезеңі:

1. Мұғалімнің түсіндірмесі.

-Түйе малы төрт түліктің біріне жатады. Түйенің екі түрі болады. Бірі – нар, екіншісі – екі өркешті түйе. Түйе шөлге төзімді болып келеді,олар айлар бойы су ішпей жүре береді.Сондықтан да оларды аталарымыз алыс сапарға шыққанда түйені пайдаланатын. Оның негізгі қорегі тікен шөптерді жейді.

2. Оқып, талдау.

1.Мақалды түсініп оқу

2. Жырды түсініп оқу

3. Сұрақтарға жауап алу

- Түйенің төлін  қалай атайды?  (Бота)

- Сүтін ше?  (Шұбат)

- Түйенің жүрісі туралы не айтуға болады? ( Маң-маң басып жүреді)

- Түйе қандай шөпті жақсы көреді? ( Тікен шөп)

- Түйенің пайдасы қандай? (Көлік, тамақ)

3. Сергіту сәті.

VI Жаңа материалды меңгергенін бекіту кезеңі:

1. Оқушыларға оқыту:

 іштей, дауыстап – тізбектей.

2. Дәптермен жұмыс.

Дәптерлеріне жазып алады. Түйенің пайдасын сызбаға түсіреді.

                                                           Түйе

  Көрпе тігеді, нәски тоқиды                                 Тон пішеді

                                                    Шұбат  жасайды

3. Қорыту.

- Сабақта не жайлы әңгімеледік?

VII. Оқушыларды бағалау: Белсенді қатысқан оқушыларды бағалау

VIII. Үйге тапсырма беру:

Жырды жаттап келу.