Открытый урок на тему: Двух потоков

Darsning texnologik xarita

Mavzu: “Ikki irmoq”Xabib Po’latov.

Darsning maqsadi:

Ta’limiy: O’quvchilarni “Ikki irmoq”masalining mazmuni bilan tanishtirish,ifodali o’qish malakasini shakllantirish.

FK 1: O’qilgan matnlarning mazmunini tushuna oladi va mavzuga mos maqol va hikmatli so’zlarni topa oladi.

TK 2:mavjud axborot manbalaridan foydalana olish.

Tarbiyaviy: O’quvchilarni milliy va umuminsoniy qadriyatlarni e’zozlash va ularga amal qilish;yaxshilik va yomonlikni bir-biridan farqlay olish,xolis va jiddiy fikr yurita olish ko’nikmalarini tarbiyalash.

TK4: asardagi qahramonning insoniylik xususiyatlarini aniqlash.

Rivojlantirish: O’quvchilarda masal mazmuni ustida ishlash,turli yo’nalishdagi kitoblarni muntazam o’qish va o’rganish ko’nikmalarini rivojlantirish.

FK 2:Asar mazmuniga doir savol va topshiriqlarga javob bera olish.

Dars tiri: Noan’anaviy.

Darsning uslubi:

Suhbat, savol –javob ”Kim bilag’on”,”Topqirlar”,”Davom ettir”, “Jonli ijro”o’yini, aqliy hujum,”Zanjir”usuli.

Darsning jihozi:

Mavzuga oid ko’rgazma, tezkor savollar,shiorlar, AKTda video roliklar namoyishi, mavzuga oid slayd. Darslik, rasmlar, o`quv qurollari rag`batlantiruvchi kartochkalar, darsga oid ko`rgazmalar

Darsning fanlaroro uzviyligi:

Ona tili, matematika, rasm, atrofimizdagi olam, odobnoma,musiqa.

Darsning borishi:

I.Tashkiliy qism:

O`qituvchi: Assalomu- alaykum

O`quvchilar:Va alaykum assalom

Aziz ustoz muallim

Shay turibmiz biz hozir

Sizdan olishga ta’lim.

O`qituvchi: O’quvchilar hamma sog’- salomat keldimi? Bugungi navbatchi kim?

--- ­­­­­­­­ Donoxon, Abrorjon axborotini tinglash

O`qituvchi: Raxmat, bolajonlar. Bugungi darsimiz shiori:

Kelib ketma, kulib ket.

O’qib ketma,uqib ket.

( Slayd orqali ko’rsatish.) Darsni boshlashdan oldin darsni “oltin qoidasi” bilan sizlarni tanishtirib o’taman.

.

Ma`naviyat daqiqasi. “Buyuk ajdodlarimiz so`zida hikmat.”

II.O’tilgan mavzuni mustahkamlash:

Uyga vazifa va o’tilgan mavzu so’rab olinadi. O’tilgan mavzu”Yomg’ir” matni “Zanjir usulida ”so’raladi.

“Yomg`ir tomchilarini soyabonga joylashtir”o`yini orqalisavol javob o’tkaziladi.Savollar yomg`ir tomchilariga yoziladi.To`g`ri javob berilgan tomchi soyabonga qadaladi. Bu o`yin musabaqa tarzida o`tkaziladi.

Savollar:

1. Erkinjonning maktabga bormaganligi sababini izohlang?

2. Uni qanday kasalikka yo’liqqan deb o’ylaysiz?

3. Erkinjon yolg’on oqibatida qanday ahvolga tushdi?

4. Erkinjonning vijdoni qiynaldimi?

5. O’tilgan mavzu yuzasidan siz qanday xulosa chiqardihgiz?

O’quvchi javoblarini to’ldirib,xulosalash.

III. Yangi mavzuni bayoni

O’qituvchi o’quvchilar bilan tabiat haqida suhbat uyushtiradi.

-Aziz o’quvchilarim,bugun “Ikki irmoq” masalini o’rganamiz.

Masalning muallifi Xabib Po’latov haqida ma’lumot berib o’tadi.

Masal mazmuniga mos lavha namoyish etilib,kadr ortidan masal o’qiladi.

Darslik bilan ishlash.O’quvchilarga “Davom ettir”usulida o’qitiladi. Masalda uchragan notanish so’zlar yuzasidan lug’at ishi o’tkaziladi.

Lug’at ishi. Noumid-umidsiz

Behuda- bekorga

Dam olish daqiqasi.

“Yomg`ir” qo’shig’iga harakatli o’yinlar bilan raqsga tushish.

IV.Yangi mavzuni mustahkamlash “Jonli ijro”o’yini

“Jonli ijro”o’yini orqali masal jonlantiriladi.

O’quvchilar masalni sahna ko’rinishi orqali mustahkamlash.

V.Darsga yakun yasash va baholash.

O’quvchilarga quyidagi savollar beriladi:

1. Hikoyadan siz o’zingizga qanday xulosa chiqardingiz?

2. Shunday holatlar sizning hayotingizda uchrashi mumkinmi?

Dars xulosalanib, dars yakunida umumiy ballar e’lon qilinadi va faol, bilimdon o’quvchilar soyabonlar bilan rag’batlantiriladi.

VI.Uyga vazifa.”Ikki irmoq”masalini qayta hikoya qilish.