Өсімдік тірі ағза

Сынып: 2 В

Бастауыш сынып мұғалімі:Атабаева Гульнар Есенжоловна

Пәні:дүниетану

Тақырыбы: Өсімдік - тірі ағза (слайд)

Мақсаты Өсімдіктердің тіршілігімен таныстыру

Міндеттері
Білімділік:

Оқушыларды өсімдіктер туралы түсініктерін кеңейту .
Дамытушылық:

Өсімдіктер тіршілігімен танысу арқылы дүниетанымдары мен ой-өрістерін кеңейту
Тәрбиелік:

Табиғатты қорғап,аялауға тәрбиелеу.

Әдіс-тәсілдері: Сұрақ-жауап, талдау-жинақтау, баяндау, түсіндіру

Сабақтың көрнекілігі:Суреттер, жұмбақ,тірек-сызба,видео интер.тақта

I.Ұйымдастыру кезеңі

Психологиялық дайындық

Талаптанып,қанаттанып

Өмір сырын ұғамыз

Білім алып,тұлғаланып

Азамат боп шығамыз

Балалар, бүгінгі сабағымызды ,біз орманға ойша саяхатқа барумен бастаймыз.Ол үшін терең демалып,көзімізді жұмайық. Жарық түсіп тұрғанын елестетіп көріңдер.Орман іші көңілді. Әдемі гүлдер,ағаштар жайқалып өсіп тұр.Не деген керемет әдемі гүлдер. Керемет,жүрегімізде әдемі гүл ашылып келеді.

Түрлі түсті күлтелер құлпырып тұр. Бұл сендердің әке-аналарың.Ал ,гүлдің ортасындағы дөңгелек-сен. Ал көзімізді ашайық.бұл жай гүл емес,табиғаттың бір бөлігі.

Гүл сендерге ұнады ма? Осы гүлді ата-аналарыңа сыйлағыларың келе ме?Ол үшін біз үйге берілген тапсырмаларға дұрыс жауап беруіміз керек.

Үй тапсырмасын тексеру

I I “Ой қозғау” .(слайд)

Топырақ дегеніміз не? (Жердің өсімдік өсетін құнарлы, үстіңгі қабаты)
Топырақ неден тұрады? (Құм, саз, майда тастар, өсімдіктер мен жануарлардың шіріген қалдықтары)
Топырақтың ең басты қасиеті? (құнарлылығы)
Құнарландыру дегеніміз не? ( топырақтың құрамында көңнің көп болуы)
Топырақты қорғау дегеніміз не? (Ағаштарды қатарлап егу, бөгеттер жасау)

Топырақ-тіршілік бесігі.қорек көзі.Топырақ –өсімдік қорегі,жануарларға баспана.

Олай болса балалар мен сіздерге бір жұмбақ жасырайын жауабын тауып көрейік

I I I “Қызығушылықты ояту”.(слайд)

Жұмбақ
Үйі де жоқ,
Күйі де жоқ.
Бірақ
Жауыннан да,
Дауылдан да,
Қымсынбайды.
Ыстыққа да,
Суыққа да
Шын шыдайды.
Шешуін айта ғой,(Өсімдік )
-Жарайсыңдар,бүгінгі біздің сабақта танысатын тақырыбымыз

«Өсімдік- тірі ағза.» деп аталады. 
 
- Балалар ғарыштан қарағанда біздің планетамыздағы мұхиттар мен көлдер көк түсті, бұлттар мен мұздар ақ түсті, таулар қоңыр, ал өсімдіктер жасыл түсті болып көрінеді екен.Бұл орман, тоғай, шөп басқан жазықтар, егістіктер, жеміс бақтары. Өсімдіктер алуан түрлі. Ғалымдардың есептеуі бойынша дүниежүзінде 350 мыңнан астам өсімдік бар екен. Оның ішінде 15 мыңдай түрі біздің елімізде кез деседі. Өсімдіктердің тіршілік ететін ортасы да алуан түрлі.

I V .Ой қозғау

- Өсімдік деген не?

- Өсімдіктердің неше тобы бар?

- Өсімдіктердің қандай пайдасы бар?

Өсімдіктер туралы не білеміз?

Өсімдік-тірі ағза.(слайд)
Өсімдіктер ең негізгі үш топқа бөлінеді.

Ағаш,бұта,шөп

Өсімдіктердің тіршілігіне не қажет?

1. Үлкен алтын табақтан,

Әлемге нұр таратқан. (Күн)

2. Аяғы жоқ, қолы жоқ,

Бірақ тыныш тұрмайды.

Сақтамасын қорын тек,

Барша тіршілік қурайды. (Су)

3. Көзге көрінбейді,

Жұтсам білінбейді. (Ауа)

Ауа, жарық, жылу, су, қорек.
  Өсімдік – тірі ағза – өседі, қоректенеді, көбейеді, қурайды, өледі.

V I Оқылықпен жұмыс

Дәптермен жұмыс

Өсімдіктер тіршілігіндегі өзгерістер қалай жүреді.

Тұқымы-өнуі-бүрі-жапырағы-гүлі-жемісі.

Өсімдіктің балауса шағы

Өсімдіктің жетілген шағы

V I I Сергіту сәті

Табиғатты қорғаймыз

Көкті, гүлді жұлмаймыз

Келе жатқан көктемде

Көшет егіп тынбаймыз

V I II Шығармашылық тапсырма

Кесте толтыр:«Кім жылдам?» Өсімдік мүшелерін ата?

Есіңе сақта!!!

Өсімдіктердің жасыл түсі біздің көңіл-күйімізді жақсартады, жалықтырмайды. Шаршаған кезде демалу үшін ағашқа бірнеше минут қарау керек. Жасыл бөлме өсімдіктері ойды жинақтап, тыныш жұмыс істеуге көмектеседі. Сондықтан өсімдіктерді көбейту керек

Бекіту: Өсімдіктер қоректенеді, тыныс алады,жарықты,жылуды,суды қажет етеді.Өсімдік-тірі ағза Олай болса біз табиғатты қорғауға өз үлесімізді қосайық

Табиғатты қорғау ережелерін қайталап айту.

- гүлді жұлмау

- көгалды жерді таптамау

- өсіп тұрған ағашты, жас талды сындырмау

- құс ұясын бұзбау

- жеміс ағаштарының түбін әктеу

- орманда, бақта қоқыс тастамау

- құстарға ұя жасау.

IX. Қорытындылау.

- Жарайсыңдар балалар! Күн,ауа,су адамға, өсімдікке өмір сыйлайды. Олар біздің нәр алар тіршілік көзіміз.

Қазақстан картасына гүлдер, ағаштарды іліп, көгалдандыру жұмыстарын жүргізу.

Х. Үй тапсырмасын беру. 52-53 бетті оқу. Мазмұндау.(Өсімдіктер туралы мәліметтер жинау)

X I. Бағалау.Мадақтау.

Ақ тілек.

Әрқашан күн сөнбесін!

Күн нұрын, жылуын төге берсін!

Ауамыз әрқашан таза болсын!