Келер ша?

Келер шақ

(қазақ тілі 4-сынып)

Молдагулова Бакыт Караевна

Торғай орта мектебінің бастауыш сынып мұғалімі

Сабақтың мақсаты:

Білімділігі:Оқушыларға келер шақ туралы түсінік қалыптастыру, өткен тақырыптар бойынша білімдерін байқау, толықтыру.

Дамытушылығы: Жеке, жұппен, топпен жқмыс істеу дағдыларын және белсенділігі мен шығармашылық қабілеттерін дамыту. Шақтарды айыра білуге үйрету.

Тәрбиелігі:Өз білімін және жолдастарының білімін бағалауға, жауап беру ретін сақтап бір – бірін тыңдауға тәрбиелеу.

Әдісі: сұрақ – жауап, баяндау, ойландыру, жағдаяттық сұрақтар,

СТО технологиясы, көрнекілік.

Сабақтың түрі: жаңа сабақты меңгерту.

Пәнаралық байланыс: математика, ана тілі, бейнелеу өнері.

Көрнекілігі: үлестірмелі қима қағаздар, топтастыру стратегиясы,

семантикалық карта, қима суреттер (көбелектердің, гүлдердің суреттері)

кубизм стратегиясы, интерактивті тақта, оқулық.

Сабақтың барысы:

1. Ұйымдастыру кезеңі: а) Психологиялық дайындық (1 слайд)

• Екі көзің не үшін керек?

• Жақсыларды көру үшін.

• Екі құлағың не үшін керек?

• Жақсыларды есту үшін.

• Екі қолың не үшін керек?

• Елге еңбек ету үшін.

Ондай болатын болса, қазір менің қолымдағы әр түрлі шаршылар арқылы (қызыл, жасыл, көк) топтарға бөлінеміз.

1 – топ: «Осы шақ» тобы.

Етістіктер іс-әрекеттің қазір болып жатқанын білдіреді.

2 – топ: «Өткен шақ» тобы.

Етістіктер іс-әрекеттің бұрын болғанын білдіреді.

3 – топ: «Келер шақ» тобы.

Етістіктер іс-әрекеттің алдағы уақытта болатынын білдіреді.

1. Өткенді пысықтау. (2 слайд )

«Галереяны шарлау» стратегиясы.

1 – топқа сұрақ: Етістік дегеніміз не?(Заттың қимылын, іс - әрекетін білдіретін сөз табын етістік дейміз. Етістік не істеді? не қылды? қайтті? деген сұрақтарға жауап береді.)

2 – топқа сұрақ: Етістіктің жіктелуі дегеніміз не? Етістік неше жақта жіктеледі?

(Етістікке іс - әрекетінің қай жақта айтылатынын білдіру үшін жіктік жалғаулары жалғанады.)

3 – топқа сұрақ: Етістіктің шақтары дегеніміз не?

(Іс - әрекеттің, қимылдың мезгілге, уақытқа байланысты жүзеге асу мезгілін етістіктің шақтары дейміз.)

(Қорытынды сұрақ): Етістік тұлғасына қарай, құрамына қарай, іс - әрекеттің орындалуына қарай қалай бөлінеді?)

Етістік

Тұлғасына қарай Құрамына қарай Іс-әрекеттің

орындалуына қарай

Негізгі Туынды Дара Күрделі Болымды Болымсыз

Сергіту сәті: «Шырша» әуенімен.

1. Қызығушылықты ояту:

Біз енді сабағымызды математика сабағымен байланыстыра отырып, «Ойлан» кестесінің сырын ашу арқылы бүгінгі сабағымыздың тақырыбын ашамыз. (3 слайд)

1) 243*5=1215 (к) 2) 45*20=900 (е) 3) 311*6=1866 (л) 4) 419*2=838 (е)

5) 60*30=1800 (р) 6) 5*500=2500 (ш) 7) 92*9=828 (а) 8) 39*10=390 (қ)

Анықтама: (Оқушылар ережені өздері шығарады)

4. Дәптермен жұмыс: Күн ретін жазып, көркем жазу минутын ұйымдастыру.

Кк Кк Мектеп – кеме, білім – теңіз.

5. Оқулықпен жұмыс: а) 43 – жаттығу (топпен жұмыс, ауызша)

1-топ: Өлеңді мәнерлеп оқиды.

2-топ: Етістіктерді табады.

3-топ: Олар қашан болатын істі білдіріп тұраған сұраққа жауап береді.

ә) Тақтамен жұмыс: 45 – жаттығу

Мәтінді көшіріп жазып, етістіктерді тауып, қай шақта тұрғанын айтады.

6. Сергіту сәті: «Қонақжайлық белгісі»

7. Шығармашылық тапсырма: «Ұйқасын тап» (4 слайд)

А) Көп нүктенің орнына тиісті сөзді қойып, өлеңді жатқа жазу.

Үлбіреген ... ,

Үлпілдеген аппақ.

«Уф !» - десем, ... ,

Ұшасың қаптап.

Үлбіреген бақбақ,

Үлпілдеген аппақ.

«Уф !» - десем, бақбақ,

Ұшасың қаптап.

(Жұптар бір – бірінің жұмыстарын өзара тексереді)

Ә) Поэзия минуты «Туған жер»

8. Ойын: «Көбелектерді гүлдерге қондыр» (қима қағазға жазылған тапсырмалар арқылы оқушылар тиісті сөздерді тауып орналастырады)

1-топ: Әлижан Ақан серінің әсерлі әндерін ... ... . (осы шақ)

2-топ: Абай кішкене кезінен Зере әжесінің тәрбиесін ... . (өткен шақ)

3-топ: Абайдың өлеңдері жастарды өнер – білімге ... . (келер шақ)

9. Кубизм стратегиясы: Мақалдардың жалғасын тауып, келер шақты табу. (5 слайд)

1-топ: Аққу көлін аңсайды,

Адам туған жерін ... . (аңсайды)

2-топ: Бірлігі жоқ ел тозады,

Бірлігі күшті ел ... . (озады)

3-топ: Болат қайнауда шынығады,

Батыр майданда ... . (шынығады)

10. Сабақты бекіту: Семантикалық карта арқылы жаңа сабақты қорытындылаймын. (6 слайд)

Смайлик арқылы оқушылардың көңіл – күйлерін анықтау. Бағалау.

11. Үйге тапсырма: 47 – жаттығу, ережені жаттау.

12. Келген қонақтарға қонақ кәде қағазын таратып, жауабын тыңдап, «Бірлік болмай, тірлік болмас!» деген ұранмен сабақты аяқтау.

Ақмола облысы

Ерейментау ауданы

Торғай ауылы