«Қазақ хандығына 550 жыл»

КММ«Ю.Гагарин атындағы орта мектеп»

«Қазақ хандығына 550 жыл»

1 «А» сынып

Игисинова Арай Құрманбекқызы

бастауыш сынып мұғалімі

Зайсан қаласы.

Сабақтың мақсаты:

Білімділік:   Қазақ хандары туралы ежелгі қазақ халқының дамуы жайында мағұлмат беру,қазақ жеріндегі тұңғыш дербес мемлекеттің жаулап алушылық соғыстар нәтижесінде дүниеге келгенін түсіндіру.

Тәрбиелік:  Оқушылардың патриоттық рухын көтеру, еліне,жеріне деген махаббатын арттыру.

Дамытушылық:  Ата - бабаларына деген құрметін,  қазақ хандығының  құрылуы туралы білмдерін толықтыру.

Тәрбиелік:Тұңғыш қазақ мемлекетінің құрылуына негіз қалаған қоғам қайраткерлерінің еңбегін бағалай білуге тәрбиелеу,өз елінің тарихына,адал ұлдарына деген құрмет сезімін қалыптастыру.

Міндеті:

1.Керей мен Жәнібек ханның билік саясаты жайлы түсінік қалыптастыру.

2.Өз бетінше қорытынды жасай білу

3.Шығармашылық ізденіске дағдыландыру

Күтілетін нәтиже:

1.Керей мен Жәнібек хандарының саясаты жайлы мағлұматты меңгереді

2.Тақырыпқа өз беттерінше қорытынды жасайды

3.Шығармашылық тапсырмаларды саралайды

Түрі: Пікір алмасу

Әдіс-тәсілдері: Түсіндіру,сұрақ-жауап

Көрнекі құралдар:Интерактивті тақта,қазақ киімдері,көрініске арналған тақ

Жүру барысы:

1.Ұйымдастыру бөлімі

2.Кіріспе сөз

3. «Қазақ елі» бейнебаян (мультфильм)

4.Тарихқа үңілсек бөлімі

5.Көрініс «Қазақ хандығы»

6.Қорытынды

Жанбота: Армысыздар осы кештің қонақтары

Халқымның ашық болсын атар таңы

Қазақ хандығының құрылуына 550 жыл атты кешіміздің

Беделін көтерейік тарихтағы

Евразияның қақ ортасында орналасып,талай халықтың көнедегі және қазіргі кездегі тарихына куә болған,тарихы солармен тағдырлас қазақ даласы.Қазақ жері,қазақ ұлты қандай қиыншылықтарды бастан өткізді.

Санжар: Сәлем бердік кешіміздің көрермені

Қазақтың ол анық қой өнер кені

Тарихи кешімізге қош келдіңіз

Алдарыңда болашақтың өрендері

Әр адамзаттың қасиеті мен мәдениеті өз халқын,өзінің атамекенін қалай білерімен өлшенбек.Ананың ақ сүтіне,уызына жарыған адам отаншыл,ұлтжанды болмақ!

Жанбота:Керей мен Жәнібек хандарға арналған бейнебаянды тамашалайық.

Бейнебаян ойнатылады

Ерали:Түріктің бір бұтағы қазақ еді

Қайсар мінез өр еді,ғажап еді

Жәнібек,Керей хандар басын қосып

Өмірге келген еді,қазақ елі.

Дария: Алтай мен Атыраудың арасында

Жетісу,Жеті өзеннің сағасында

Бірігіп Ұлы,Орта,кіші жүз боп

Хандық құрды қазақ өз даласында

Сөзі: Бұдан бес жарым ғасыр бұрын даңқты Керей мен Жәнібек бабаларымыз іргетасын құрып берген Қазақ хандығы талай тар жол, тайғақ кешулерді бастан кешті. Қасым ханның қасқа жолы, Есім ханның ескі жолы, әз Тәукенің Жеті Жарғысы халқымыздың Темірқазығы болды.

Еміл: Біз қазақ деген мал баққан елміз

Бірақ ешкімге соқтықпай жай жатқан елміз

Елімізден құт-береке қашпасын деп

Еліміздің шетін жау баспасын деп

Найзаға үкі таққан елміз

Басымыздан сөз асырмаған елміз

Айтұнық: Жауларын айбарымен алжастырған

Буымын ісін істемес жалғастырған

Тоз-тоз болған халықтың басын қосып

Ұлы түрік қағанатын заңдастырған

Сөзі:Халқымыздың тарихында ел үшін ұрпағының болашағы үшін алысып өткен хандар мен билер,батырлар көп болған.Ең бастысы от ауызды орақ тілді,ақылы асып туған ерлер болып танылды.

Көрініс: «Қазақ хандығы»

Әли:Көк аспан түсіндей желбіреп байрағы

Бір мүдде,бір мақсат алдына қойғаны

Көк түрік отаны бүгінгі қазақтың

Тәуелсіз мәңгілік ел болу арманы

Әлинұр: Аталар болды алаулы

Армандай асқар

Жолдарға бастар

Ісіңнен ұрпақ от алар

Қалмайсың көштен

Шықпайсың естен

Тағдыры шыншыл аталар

Зере: Сол үшін ұзақ түндер ұйықтамаған

Қара бастың қамын еш құнттамаған

Батыр бабам Күлтегін Топы көктер

Жорықтарда тамшы су ұрттамаған

Айзада: Кезінде жарты әлемде билеп тұрған

Бірлігіне басқалар құлдық ұрған

Ыдырап ұлы түрік қағанаты

Ру-тайпа өзінше хандық құрған.

Би:Ұлдар биін тамашалаңыздар

Диас: Айырылып айбынды түр келбетінде

Бөрі жеп бөлінгенді әр шетінен

Жойылды Шыңғыс ханның жорығында

Қалалар Отырардай жер бетінен

Арсен: Түрік жұрты осылай өсіп,өнген

Ынтымағы жарасып жауды жеңген

Билік-таққа таласқан аға-бауыр

Ақыры қағанатты екі бөлген

Әлихан: Армандап түрік елін бай болсын деп

Төрт түлігі әманда сай болсын деп

Халқының киімі көк,қарыны тоқ

Елі бейбіт,көңілі жай болсын деп

Көркем: Арманы жүзеге асып бабалардың

Рухы асқақтады даналардың

Есімі қайта қауышты ұрпағымен

Нақақтан шейіт болған ағалардың

Ән:Зере мен Жанбота «Қазақстаным»

Аян: Аманаты Абылайдың орындалды

Әлемге қазақ елі мойындалды

Тілдігі,дәстүрі халқымыздың

Төрінен лайықты орын алды.

Аружан: Өркендеп алға басты Қазақстан

Бақ құсы қайта қонды қолдан ұшқан

Қуатты,берекелі,бейбіт елмен

Санасатын болды енді дос пен дұшпан

Қайсар: Ұлы боп көк тәңірдің саналатын

Орындап сол тәңірдің аманатын

Мәңгілік ел болуды мұрат етіп

Буымен құрған түрік қағанатын

Қыздар биі:Еркежан мен Айзада

Хор: «Отаным»

Қорытынды: Халқымыздың ұлттық құндылығын осы бастан оқушылардың бойына сіңіре білуіміз керек.Президенттің жолдауында «Мәңгілік ел» қағидасын ұстану жолы да ерекше болып отыр.Осымен тәрбие сағатымыз аяқталды.

Назарларыңызға рахмет!

Көрініс:

Еміл: Ассалаумағалейкум ағалар!

Санжар: уағалейкум,төрлетіңіздер! (ақсақал)

Еміл (ақсүйектер басшысы):Біз бір маңызды мәселемен келіптұрмыз.Елді бей-берекетсіздік жайлап алды.Хан салықты көбейтті.Әскери дайындықсыз батырларды соғысқа жіберді.Бөлінетін кез келмеді ме?

Қайсар (Керей хан):Бар қазақты біріктіретін уақыт келді,соңымыздан ереді деп сенемін!

Ерали(Жәнібек):Елдігімізді сақтау үшін туған жерден алыстамау керек.Маңғол ханы дулаттардың көмегімен хан тағына отырды.Сонда жол тартсақ қайтеді?

Қайсар (Керей хан):Ия көшсек,көшейік.Сол жаққа көшіп барып,ұлы жүзбен бірігейік.

Еміл: Ел ағасыз,жең жағасыз болмайды.Елдің жөн білер ағасысыз,сіз бұған не дейсіз?

Санжар(қария):Көп қолдаса жеңбейтін жау жоқ,қолтығыңнан демеуге қашанда дайынбыз.Еліміз бен жеріміз үшін аянатын ештеңеміз жоқ.

Қайсар (Керей хан):Бәрекелді ағасы...

Санжар(қария):Әр қазақтың үйінде ханға сыбаға бар.Мынаны қабыл ал! (қылышты береді)

Аян(бата сұрау):Өзіңіз бір бата беріңіз!

Санжар(қария бата береді): Жолыңды Алла қолдасын

Жаманшылық болмасын

Желінбесін тұлпарыңның тұяғы

Қайырылмасын сұңқарыңның қанаты

Барған жерде құшақ жая қарсы алсын

Жақсы адамдар,жайсаң жандар зиялы

Аумин!