Қысқа мерзімді сабақ жоспары

 Сынып:

 Мұғалім

 Ж.Елеусинова

Күні:

Тақырыбы:

Астанаға ақ бата

Сілтеме:

Оқу жоспары, әдістемелік құралдар

Мақсаты

Диқан Әбілевтің «Астанаға ақ бата» атты шығармасын таныстыра отырып, бата туралы, батаның қазақ халқының мәдениетіндегі, тұрмысындағы маңызы туралы ой тұжыруына мүмкіндік беру, оқушылардың батаның мазмұны туралы пайымдарын тереңдету

Оқу нәтижесі:

Оқу үрдісінде батаның, ақ тілеудің маңыздылығын түсінеді;

Сұрақты нақты қоюдың тиімділігін ұғынады, қолданады;

Батаны тұрмыста, күнделікті өмірде қолдануды үйренеді;

Батаның түрлері жөнінде өз бетімен ізденіп, мағлұмат алады.

Түйінді идеялары:

Сыныпта диалогті қолдану арқылы мұғалімдер балалардың білім алу сапасына үлкен ықпал ете алады. Балалардың білімі мен идеясын анықтауға бағытталған шынайы әрекет оларды оқыту үдерісіне тартуға көмектеседі.

Барысы:

    1.Қызығушылықты ояту Тренинг «Темір жол вокзалы». Балалар, бүгін біз пойызбен Орал қаласынан Астана қаласына сапарға аттанамыз. Пойызға бұрын-соңды мініп көріп пе едіңдер? Пойызға міну үшін не керек? Билет. Дұрыс айтасыңдар, ал билет сатып алайық. Билетті әдетте ақшаға алады. Ал бүгінгі сабақта билеттер жақсы сөз айтқандарға беріледі. Ал сонымен жолға шығып барамыз. Бір-бірімізге жақсы тілектер айтайық. (Жол болсын! Сапар оң болсын! Сапарымыз сәтті болсын! Жортқанда жол болсын! Ақ жол тілеймін!).

Мұғалім балаларға ризашылығын білдіріп, оларға билет үлестіреді.

Енді үстелдердегі нөмірлерге қарап орындарыңа жайғасыңдар (1-5), (6-10), (11-16)

                                 Билеттер  нөмірі бойынша  топқа бөліну.

    2.Ой қозғау. Астанаға бара жатқанда ол қала туралы не білетінімізді ортаға салайықшы! Қай жылы бұрынғы Ақмола қаласы Астана деп аталды (1998 жылы). Астана қаласын ел орталығына айналдыру туралы шешім шығарған кім? (Н.Назарбаев).   

3. Белсенді оқыту стратегиялары

    4. Жаңа сабақпен жұмыс

    5.Сергіту сәті

    6. Шығармашылық тапсырма «Менің Астана қаласына тілегім»  эссе

    7.Рефлексия

Жұмыс мазмұны

Мұғалімнің іс- әрекеті

Балалардың іс-әрекеті

Ресурстар

Тренинг

3 мин

Темір жол вокзалынан «Орал- Астана» бағытында жолаушылар пойызының аттанатыны және  жолаушыларды вагондарға  отырғызу басталғандығын хабарлайды.

Оқушылар билеттер сатып алу арқылы топқа бөлінеді

Билет қағаздар

Ой қозғау стратегиясы

Оқушылардан Астана туралы не білетіндерін сұрау. Пойызбен кетіп бара жатқан кезде балалардың өздерін қалай ұстауы тиіс екендігі туралы мәліметті өзі бермей, балалардың ереже құрастыруын талап етеді.

Оқушыларға парақшалар таратылады.

Олар топтастыру  арқылы ережелер жазады

Пойыздағы мінез-құлық ережелері жазылған парақшалар

Оқулықпен жұмыс

Оқулықпен жұмыс. Сонымен пойызға отырдық. Ережелермен таныстық. Енді пойыздағы уақытымызды бос өткізбеу үшін кітап оқуға кірісейік. Сонымен оқулығымыздың 78-бетін ашайық.

Оқушылар әр купеде үзінділерге бөліп оқып шығады.

Ресурс қағаздары

Постер қорғау

 Білесіздер, Оралдан Астанаға дейін жүретін жол ұзақ. Қанша күн жүреміз. Екі күн жарым. Қарнымыз ашты. Тамаққа тапсырыс берейік. Тақтада ілулі тұрған ыстық тағамдардың ішінен біреуін таңдаңыз.

Сонымен бәріңіз де тапсырмаларды жақсы орындадыңыздар. Ыстық тағамдарыңыз алдыңызға келді. Ас жер алдында бір-бірімізге қандай жақсы сөздер айтамыз?

 Әр ыстық тағамның артында берілген сұрақты орындайды. (1-купе: Мәтінде леп белгісі неше рет қолданылған? Неліктен автор леп белгісін көп қолданған?) (2-купе: 1 минут ішінде әрқайсың бір сөйлемнен жаттап алып, сол сөйлемді жатқа айтыңдар?) (3-купе: сөз тіркестерінің жалғасын мәтіннен іздеп тауып, жазыңдар –жеріміздің (кіндігі), еліміздің (баспанасы), күйші домбырасының (күмбірі), ақын жүрегінің (сыңғыры), уақыт деген (құмсағат), аппақ (күнің), батагөй (шал), алақандай (қазағың); 4-купе: Мына сөйлемдердің ішінде қайсысы бата, тілекті білдіреді: 1) Ертең сабаққа кешікпей кел! 2) Сабағыңды мұқият оқы! 3) Өркенің өссін! 4) Қатарыңның алды бол!

«Бата сөз» өлеңін оқимыз.

Осы өлеңдегі жолдарды пайдалана отырып, келесі тапсырманы орындаймыз

Әр топқа тапсырма беріледі:

1) жаңа үй алғанда;

2) той дастарханында;

3) бала мектеп табалдырығын алғаш аттағанда;

4) Сәби дүниеге келгенде

Ортаға әр топтан шығатын оқушыны «ыстық орындыққа» отырғызады. Содан соң осы түрлі жағдайларда берілетін батаны айтып беруі тиіс:

Сергіту сәті

Сонымен пойызымыз Астанаға келіп жетті. Бәріміз пойыздан түсеміз, Келіңдер, ортаға жиналайық.

Жолдан шаршап келдік. Енді бір тыныстап алайық. «Астана туралы жақсы музығаны қосып,

Сөздікпен жұмыс

Батаны көбінесе қандай жастағы адам береді?

Бата беретін адамды қалай атаймыз (батагөй)

Сөз тіркестерін құрайық:

Батагөй ақсақал, батагөй адам, батагөй бала

Батагөй деген қандай адам? (ақылгөй, дана, көпті көрген, ауылдың сыйлы адамы, туыстардың ішіндегі ең үлкені)

Сонымен «бата» туралы не білдік? Бата деген сөзді дұрыс түсіндіру үшін мына сызбаны толтырайық

бата

 1) Бата туралы мақал-мәтелдер жинап келу

2) Менің Астана қаласына тілегім

3) Диқан Әбілев атаға хат

4)  Астана туралы материалдар жинап келу

Барлығына: Үйдегі ата-әжелеріңнен бата жазып келіңдер

Сабақты қорытындылау

Бағалау